ফিলিপীয়রাংনা 4:8 - Garo New Testament

⁸ বন·চতাও আগান্না, জংআদারাং, জেআন বিবি, জেআন খ্রাগিবা, জেআন নাম্মা, জেআন খাকখেৎ, জেআন নিথুয়া, জেআন মান্দিরা·আখো মা·ন্না খ্রাগিবা, জেআন নাম্মা আরো মিৎথেলনা খ্রাআ, উচা না·সং গিসিক রন·বো।

ফিলিপীয়রাংনা 4:8 Cross References

মথিনি চকগিবা নাম্মা খাৎথা 22:16

বিসং হেরোদনি মিত্তাম মান্দিরাংমুং বিসংনি মিত্তাম জা·রিকগিবারাংখো যীশুচা ওয়াত্তেতজক। বিসং যীশুনা আগানজক, “স্খিগিবা, চিংআ হা·আইয়া না·আ সাকসা নামগিবা মান্দি। ইসলনি রামাখো না·আ বিবি দাক্কে স্খিয়ে হন·রংআ। মান্দিরাং মুয়াখো চানচিনুয়া বা চানচিজানুয়া উনা না·আ খেনজা, মুয়ানা না·আ দারাংনি মিকখাংখো নিএ মামুংখো দাকজা।

মার্ক 6:20

ইন্দিবা হেরোদ যোহননা খেন্নামিং ইন্নে বিয়া উখো দাকনা মান·জাংআমিং। মুয়ানা হেরোদ যোহনখো সাকসা থরমি আরো রংথালগিবা মান্দি ইন্নে হা·আইয়ামিং, ইনি গিম্মিন বিয়া নামগিজারাংওনিখো যোহনখো রাক্ষিয়ে দন্নুয়ামিং। যোহননি খাৎথাখো খিন্নাএ গিসিকো দংথজাওবা হেরোদ বিনি খাৎথাখো খিন্নানা নামনিকনুয়ামিং।

লূকনি চকগিবা নাম্মা খাৎথা 16:15

উনোন যীশু বিসংনা আগানজক, “না·সং মান্দিরাংনি মিকখাংও আন·থাংথাংখো থরমি দাক্কে ফিন্নিকিংআ, ইন্দিবা ইসল না·সংনি খা·থংরাংখো হা·আইয়া। মান্দিরাং জেখো নাম্মা ইন্নে চানচিয়া ইসলনি মিক্রোনও উয়া মিৎচিয়ানি হং·আ।

লূকনি চকগিবা নাম্মা খাৎথা 2:25

উনসালো যিরূশালেমো শিমিয়োন মিংগিবা সাকসা থরমি আরো ইসলখো অলাখিগিবা মান্দি দংআমিং। ইসল বাসোকো ইস্রায়েলরাংনি দুকখো হা·রিকনুয়া উনি গিম্মিন বিয়া নিচাকসোংআমিং। গিসিক রংথালগিবা বিনি সাক্কাও দংআমিং আরো সিনা স্খাং বিয়া গিত্তেলনি উয়া খ্রীষ্টখো নিকনা মা·ন্নুয়া ইন্নে বিনা ফারাকামিং।

লূকনি চকগিবা নাম্মা খাৎথা 23:50

যোষেফ মিংআ নামগিবা আরো থরমি মান্দি সাকসা দাল·বাৎগিবা খ্রিমানি মান্দি দংআমিং। বিয়া অরিমাথিয়া মিংআ যিহূদীরাংনি সং দামসানি মান্দি হং·আ।

যোহননা 7:18

আন·থাংওনি খাৎথা আগানগিবা আন·থাংখোন রাসং দাকনা হা·ম্মা, ইন্দিবা জে ওয়াত্তেতজক, সাবা বিখোন রাসং দাকনা হা·ম্মোদে ইন্দিদে বিয়া বিবিগিবা আরো বিনি গিসিকো বু·আনি দংজা।

ওয়াত্তেতারাংনা 10:22

উয়া মান্দিরাং আগানজক, “সুবিদার কর্ণীলিয় চিংখো ওয়াত্তেতজক। বিয়া সাকসা থরমি মান্দি আরো বিয়া ইসলখো অলাখিয়া। গিম্মিক যিহূদীরাং বিখো নাম্মা ইন্না। ইসলনি সা·গ্রে সাকসা বিনা গি·য়েৎজক জেদাক্কে বিয়া নাং·খো বিনি নকচা রিম্মাংএ নাং·নি খাৎথাখো খিন্নাআ।”

ওয়াত্তেতারাংনা 22:12

“জা·মানো অননিয় মিংগিবা মান্দি সাকসা আংচা রি·বাজক। বিয়া মোশিনি নিয়ামরাংখো খা·ফাকে মানিনুয়ামিং, আরো উনি গিম্মিক যিহূদীরাং বিখো নাম্মেন মান্দিরা·নুয়ামিং।

ওয়াত্তেতারাংনা 6:3

জংআদারাং, না·সংওনি ইন্দাকগিবা সাকস্নি মান্দিরাংখো না·সং বাচ্ছিয়ে রা·বো জেরাংখো গিম্মিকান মান্দিরা·আ আরো জেরাং গিসিক রংথালগিবাও আরো হা·আইয়ানিও গাপ্পা। আনচিং বিসংনান ইয়া দাকচাকানি কামখো হ·ন্নে আন·থাংথাং বি·না আরো ইসলনি খাৎথাখো আগানফ্রাকনা গিসিক হ·ন্নুয়া।”

রোমানরাংনা 13:13

চ্রকে-মেসায়ে চু রিংএ আরো চু ফেক্কে হং·জা, থি·ল্লেকে আরো বিংবাং হা·সিকা গিত্তা হং·জা, নিরিয়া-গিসিয়া আরো মিকনেংআও হং·জা, ইন্দিবা জেরাং সেং·আও রি·য়া, হাই, আনচিং বিসং গিত্তা খ্রাএ রি·না।

রোমানরাংনা 13:3

নাম্মা কামখো দাকগিবারাংদে শাসন দাকগিবারাংনা খেন্নানি মামুং হা·সেল দংজা, ইন্দিবা জেরাং অন্যায়খো দাক্কা বিসংআন খেন্না। শাসন দাকগিবানা খেনগিজা না·সং রি·না হা·ম্মিংআমা? ইন্দাকোদে নামগিবাখোন দাকসোবো। উনি হা·সেল না·সং বিচানিখো মিৎথেলাখো মা·ন্নুয়া।

রোমানরাংনা 14:18

জেআন ইন্দাকে খ্রীষ্টনা দাকচাকে হ·ন্না বিনি সাক্কাও ইসল খুসি হং·আ আরো মান্দিরাংবা বিখো নাম্মা ইন্নে চানচিয়া।

রোমানরাংনা 2:29

ইন্দিবা খা·থংও যিহূদী হং·গিবান খাকখেৎ যিহূদী হং·আ। খাকখেৎ বিগিল রাত্তানি কাম খা·থংওন হং·আ। উয়াদে গিসিকনি গিম্মিন হং·আ, চকগিবা নিয়াম মানিয়ানি হং·জা। ইন্দাকগিবা মান্দি মান্দিরাংচাখো মিৎথেলাখো মান·জা, ইন্দিবা ইসলচাখো মিৎথেলাখো মা·ন্না।

1ম করিন্থীয়রাংনা 4:5

উনি গিম্মিন গিত্তেলনি রি·বানা স্খাং, আগানস্খাওদে উয়া থিক দাকগিবা সময়না স্খাং না·সং দা·আ মামুংনি দোসখো রিম·না রি·য়াংআবো। আন্দালাও থুম্মুয়ে দনগিবাখো বিয়ান সেং·আওনা রা·বানুয়া আরো মান্দিনি খা·থংনি থুম্মুয়ে দনগিবা মিকসংআরাংখোবা ফারাকনুয়া। উনিসালো ইসলচাখোন জে জেনি মা·ন্নাগিবা মিৎথেলাখো মা·ন্নুয়া।

2য় করিন্থীয়রাংনা 13:7

চিংআ ইসলচা বি·আ জেদাক্কে না·সং মামুং নামগিজা কামখো দাকজা। গিপ্পিনরাং চিংখো খাকখেৎ ইন্নে চানচিখানা চিংআ ইখো হা·ম্মা ইন্দাকেদে হং·জা। চিংআ হা·ম্মা, বিসং চিংখো খাকখেৎ ইন্নে চানচিজাওবা না·সং জেআন নাম্মা উখো দাকবো।

2য় করিন্থীয়রাংনা 6:8

মান্দিরাং চিংখো মান্দিরা·খানা বা রা·জাখানা, চিংনি গিম্মিন নাম্মাখো আগানখানা বা নামগিজাখো আগানখানা, চিংআ ইসলনা দাকচাকে হন·গিবা হং·আ ইখো চিংআ ফিন্নিকিংআ। মান্দিরাং চিংখো থকাই চা·গিবা ইন্নে আগানা, ইন্দিবা চং·মতদে চিংআ বিবিনি রামাও রি·য়া।

2য় করিন্থীয়রাংনা 8:18

তীতমুং চিংআ দা·আও সাকসা জংখোবা ওয়াত্তেতিংজক। যীশু খ্রীষ্টনি গিম্মিনো নাম্মা খাৎথাখো আগানফ্রাকানি কামও গিম্মিক মন্ডলীন ইয়া জংখো মিৎথেলা।

2য় করিন্থীয়রাংনা 8:21

চিংআ গিত্তেলনি মিকখাংওসান হং·জা, ইন্দিবা মান্দিরাংনি মিকখাংওবা খাকখেৎ দাক্কে রি·না গিসিক হ·ন্না।

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

ইফিষীয়রাংনা 4:25

ইনি গিম্মিন না·সং বু·আখো ওয়াতবো আরো সাকসা সাকগিপ্পিনচা বিবিখো আগানবো, মুয়ানা আনচিং গিম্মিকান সাকসা সাকগিপ্পিনমুং নাংরিমা।

ইফিষীয়রাংনা 5:9

মুয়ানা জেআন নাম্মা, দোসগ্রি আরো বিবি উয়ান হং·জক সেং·আনি বিথি।

ইফিষীয়রাংনা 6:14

ইনি গিম্মিন বিবিচা খাংখারিখো খাএ, চেলখো রাক্ষিনা ইন্নে খাকখেৎ জাংগিচা চেলখো ফিনদাপে,

ফিলিপীয়রাংনা 3:1

বন·চতাও আগান্না, আংনি জংআদারাং, না·সং গিত্তেলমুং নাংরিমে দংআ ইন্নে হান·সেংবো। না·সংচা দা·আবা ইয়া আপসান খাৎথাখোন চকনা আংনি মামুং নেং·আনি হং·জাংআ, আরো না·সংখো সিমসাকেতনা উখো দাক্কা নাম্মা।

কলসীয়রাংনা 4:5

ইসলনি মান্দি হং·গিজারাংমুং বুদ্ধিখো জাকখালে রি·বো আরো খ্র্রীষ্টনি গিম্মিন সাক্ষি হ·ন্না ইন্নে গিম্মিক চলখো জাকখালবো।

1 থিষলনীকী 4:12

জেদাক্কে জাওয়া গিপ্পিন মান্দিরাংনি মিক্রোনও না·সংনি রি·য়া-দোআরাং খ্রাআনি হং·আ আরো গিপ্পিননি সাক্কাও ফাংচাকনা নাংজা।

1 তীমথিয় 2:2

ইন্দাকে রাজারাংনা আরো জেরাংনি জাক্কো বিল দংআ বিসং দিমদাকনা বি·না নাংনুয়া, জেদাক্কে ইসলখো অলাখিয়ে আরো খাকখেৎ দাক্কে রি·এ আনচিং খেম·খেমে আরো থম·থমে জাংগি মিৎথাংএতনা মা·ন্না।

1 তীমথিয় 3:11

উয়ানদাক্কেন বিসংনি জিকরাংবা জেদাক্কে মান্দিরা·আখো মা·ন্না খ্রাগিবা হং·আ। বিসং জেদাক্কে গিপ্পিনরাংনি নামগিজাখো আগানে রওমজা আরো আন·থাংথাংখো বাম্মেতি দন্না। গিম্মিক গিত্তান জেদাক্কে বিসংখো বিবিরা·না মা·ন্না।

1 তীমথিয় 3:4

জেদাক্কে বিয়া আন·থাংনি নকনি গিম্মিকখো খ্রাএ নিরক্ষিনা মা·ন্না আরো বিনি বি·সারাং জেদাক্কে বাম্মে আরো সনথল দাক্কে রি·য়া।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

1 তীমথিয় 5:10

ইনাআগ্রেবা নাম্মা কামনা বিনি মিংসিংআ দংনা নাংনুয়া। ইন্দাকা নাম্মা কামরাংও দংআ - বি·সা-আংদিরাংখো নিরকা, চাচ্চি সকবাগিবারাংনা দাকচাকে হ·ন্না, ইসলনি মান্দিরাংনি জা·চকখো সু·গালে হ·ন্না, জেরাং দুকও গা·আকা বিসংনা দাকচাকা, আরো দিংথাং নাম্মা কামরাংও দংফা।

1 তীমথিয় 5:2

মিচিক মা·আরাংখো মা·আ গিত্তা চানচিয়ে থারিবো আরো মি·থ্রারাংখো ন-আবি গিত্তা চানচিয়ে রংথালাও থারিবো।

তীতনা 1:8

উনা বাত্তে সকবাগিবারাংখো যতন রা·না আরো খা·সাচাক্কানি কামখো দাকনা জেদাক্কে বিয়া নামনিকা। বিনি নাম্মা বিচাল-বুদ্ধি দংনুয়া, বিয়া খাকখেৎ হং·নুয়া আরো ইসলনা বামনুয়া আরো আন·থাংখো বাম্মেতে দন্নুয়া।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

তীতনা 2:2

জেরাং বুদেফা, বিসংনা আগানবো জেদাক্কে বিসং গিম্মিকনি বিদিংও আন·থাংথাংখো বাম্মেতে দন্না; জেদাক্কে বিসং মান্দিরা·আখো মা·ন্না খ্রাগিবা হং·আ; জেদাক্কে বিসংনি নাম্মা বিচাল দাক্কানি বুদ্ধি দংআ, বিবিখো বিবিরা·আ, খা·সাআ আরো চাকচিকানি গুণ দংআ।

তীতনা 2:7

গিম্মিকোন না·আ বিসংচা নাম্মা কামনা দাক্কে ফিন্নিকগিবা হং·বো। নাং·নি স্খিয়াও জেদাক্কে নামগিবা মিকসংআ দংআ, উয়ো জেদাক্কে নাংএগিজা সক্কেগিজা গিসিক দংজা।

তীতনা 3:14

গিপ্পিনরাংনা দাকচাকানি কামও আন·থাংথাংখো বিমচিপাও দন্না আনচিংনি মান্দিরাংনি স্খিনা নাংনুয়া, জেদাক্কে বিসং গিপ্পিনরাংনি নাংআনিখো র·ন্না মা·ন্না। ইন্দাকে দাক্কোদে বিসংনি জাংগি বিথিগ্মাং হং·নুয়া।

ইব্রীয়রাংনা 11:2

বিবিরা·আনি গিম্মিনান আনচিংনি ফাগিৎচামরাং ইসলনি রাসং দাক্কাখো মা·ন্নামিং।

ইব্রীয়রাংনা 13:18

চিংনা বি·চাকবো। গিম্মিকো চিংআ নাম্মে রি·না হাম·মা ইন্নে চিংআ হা·আইয়া, চিংনি গিসিক থাল্লা।

যাকোব 1:27

রান্দি আরো ফাগ্রি-মা·গ্রিরাংখো দুকনি সালো নিরকখিয়া আরো হা·গিলসাকনি নামগিজারাংনিখো আন·থাংখো গ্রো নাংএতগিজা নাম্মে দাক্কে রাক্ষিয়ান আপফা ইসলনি মিক্রোনও খাকখেৎ হং·গিবা আরো বিবিগিবা থরম হং·আ।

যাকোব 3:17

ইন্দিবা সালগিচানি হং·খাতবাগিবা হা·আইয়াদে হা·বাচেংওন রংথালা, থম·থমা, রিন্নকা, চাকচিকা, খা·সাচাক্কা আরো নাম্মা কামরাংনি বিথি উয়ো গাপ্পা, উয়ো বু·এ চা·আ দংজা।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

পিতর 2:12

মুয়ানা উরাং না·সংনি গিসিকনি সাক্কাও দাকগ্রিকা। ইসলখো জেরাং হা·আইজা বিসংনি গিসেপো না·সং নাম্মেদাক্কে রি·বো জেদাক্কে খ্রাগিজাখো দাকগিবা ইন্নে বিসং না·সংখো জিয়োবা না·সংনি নাম্মা কামরাংখো নিআ আরো বিচালনি সালো না·সংনি উয়া কামরাংনা ইসলখো রাসং দাক্কা।

পিতর 4:8

আরো গিম্মিকনা বাত্তে দা·ল্লা খাৎথা হং·জক, না·সং সাকসা সাকগিপ্পিনখো নাম্মেন খা·সাবো, মুয়ানা খা·সাআ বাং·আ পাপখো ফিনদাপে দন্না।

২ পিতর 3:1

খা·সাগিবা জংআদারাং, না·সংচা ইয়ান আংনি গ্মিগিবা চিঠি। গি·গ্মি চিঠিওন আংআ না·সংখো মিত্তাম বিদিংরাংখো গিসিক রা·এতি না·সংনি খাকখেৎ গিসিকখো সিমসাকেতনা হাম·জক।

1 যোহন 3:18

বি·সারাং, আনচিং জেদাক্কে খু·সুকনাসান খা·সাখো ফিন্নিকগিজা কামচা চং·মত খা·সাখো ফিন্নিকা।

1 যোহন 3:3

জেআন খ্রীষ্টনি সাক্কাও ইন্দাকে খা·দংআখো দন্না বিয়া আন·থাংখো খাকখেৎ দাক্কা জেদাক্কে খ্রীষ্ট খাকখেৎ হং·আ।

1 যোহন 4:1

খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।