ফিলিপীয়রাংনা 4:3 - Garo New Testament

³ আরো আংমুং চং·মত কাম রিম·ফাগিবা, আংআ নাং·খোবা মল·মলিংআ- না·আ ইয়া মিচিকরাংনা দাকচাকবো। বিসং খ্রীষ্টনি গিম্মিন নাম্মা খাৎথানা আংমুং আরো ক্লীমেন্ত আরো আংনি গিপ্পিন কাম রিম·ফাগিবারাংমুং দুকখো চাক্কামিং। জাংগিনি-খি·তাপও বিসংনি বিমুং চক্কা দংআ।

ফিলিপীয়রাংনা 4:3 Cross References

লূকনি চকগিবা নাম্মা খাৎথা 10:20

ইন্দিবা গিসিক নামগিজাগিবারাং না·সংনি খাৎথাখো খিন্নাচাক্কা ইন্নে দা·আ খুসি হং·আবো ইন্দিবা সালগিও না·সংনি বিমুংখো চক্কানি গিম্মিনসা খুসি হং·বো।”

রোমানরাংনা 12:1

ইন্দাকোদে জংআদারাং, ইসলনি ইন্দাকে খা·সারাংনান আংআ না·সংচা মংসংবাত্তে মল·মলিংআ, না·সং না·সংনি বে·এনখো থাংগিবা, রংথালগিবা আরো ইসলনি রা·চাকনা খ্রাগিবা বলি গিত্তা ইসলনি জাক্কো হন·বো। উয়ান না·সংনি খ্রাগিবা দাকচাকে হ·ন্না হং·নুয়া।

রোমানরাংনা 16:12

ত্রুফেণা আরো ত্রুফোষাখো সালাম হন·বো। ইয়া মিচিকরাং গিত্তেলনা কাম দাক্কা। খা·সাগিবা ননো পর্ষিসখোবা সালাম হন·বো। ইয়া মিচিকবা গিত্তেলনা বাং·এ কাম দাকজক।

রোমানরাংনা 16:9

উর্বাণ, আনচিংমুং খ্রীষ্টনা জে কাম দাক্কা, বিখো আরো আংনি খা·সাগিবা রিপ্পেং স্তাখিস্‌খো সালাম হন·বো। আপিল্লিস্‌খো সালাম হন·বো।

ফিলিপীয়রাংনা 1:12

জংআদারাং, আংআ হা·ম্মা জেদাক্কে না·সং ইখো হা·আইনা মা·ন্না, আংনি সাক্কাও জেরাং হং·জক উনি হা·সেল নাম্মা খাৎথাখো আগানফ্রাকানি কাম আরোসা বাতরিকরিকাংজক।

ফিলিপীয়রাংনা 1:16

ইয়া মান্দিরাংনি গিসিকো খা·সাআ দংআ ইন্নেন বিসং খ্রীষ্টনি গিম্মিনো আগানফ্রাকা, মুয়ানা বিসং ইখো হা·আইয়া, নাম্মা খাৎথানা চাদেংএ খাৎথা আগান্না ইন্নেন আংখো দনজক।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

ফিলিপীয়রাংনা 1:5

মুয়ানা যীশু খ্রীষ্টনি গিম্মিনো নাম্মা খাৎথাখো আগানফ্রাকানি কামনা না·সং স্খাংওনি দা·আওনা দিপ্পাৎ আংনা দাকচাকে রি·বাংজক।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 4:2

উবদিয়া আরো সুন্তখী, আংআ না·সংচা মংসংএ ইখো মল·মলিংজক- গিত্তেলমুং নাংরিমজক ইন্নে না·সংনি গিসিক আপসান হং·খানা।

কলসীয়রাংনা 1:7

উয়া নাম্মা খাৎথাখো না·সং চিংনি খা·সাগিবা কাম রিম·ফাগিবা ইপাফ্রাচা খিন্নাজক। বিয়া না·সংনি হং·এ খ্রীষ্টনি সাকসা বিবিগিবা দাকচাকে হন·গিবা হং·আ।

ফারাকগিবা খাৎথা 13:8

জেরাং ইয়া হা·গিলসাকনি, আগানস্খাওদে জেরাংনি বিমিং মেষ বি·সানি জাংগিনি খি·তাপও লিক্ষিয়া দংজা বিসং গিম্মিকান উয়া মাৎবুরুংখো ইসল চাচা মান্দিরা·এ সেলাম দাকনুয়া। ইয়া মেষ বি·সাখো হা·গিলসাক হং·না স্খাংআন স·ওতে গালনা থিক দাক্কামিং।

ফারাকগিবা খাৎথা 17:8

জে মাৎবুরুংখো না·আ নিক্কামিং উয়া চেংও দংআমিং ইন্দিবা দা·আও দংজা। জা·মানো বিয়া উয়া থিং·নাপগিবা হা·খলওনি চাখাতে রি·বাএ জ্রিংজ্রৎনা দিপ্পাৎ শাসিখো মান·নুয়া। উনো জেরাং ইয়া হা·গিলসাকনি হং·আ, আগানস্খাওদে হা·গিলসাক হং·চেংআনি সালওনি জেরাংনি বিমিং জাংগিনি খি·তাপও লিক্ষিয়া দংজা বিসং উয়া মাৎবুরুংখো নিক্কে আইয়াও ইনমান্নুয়া; মুয়ানা উয়া মাৎবুরুং স্খাংও দংআমিং, ইন্দিবা দা·আও দংজা, ইন্দাকোবা দা·আবা নিকনুয়া।

ফারাকগিবা খাৎথা 20:12

জা·মানো আংআ নিকজক, দাল·লা-চন্না গিম্মিক সিগিবা মান্দিরাং উয়া সিংহাসননি মিকখাংও চাদেংএ দংআ। উনি জা·মানো মিত্তাম খি·তাপরাংখো এংআ হং·জক। জা·মানো দা·আও মিংসা খি·তাপখো এংআ হং·জক। উয়া হং·জক জাংগিনি খি·তাপ। ইয়া সিগিবা মান্দিরাংনি কামনি গিম্মিনও উয়া খি·তাপরাংও জেদাক্কে লিক্ষিয়া হং·আমিং উয়ানদাক্কে বিসংনি বিচাল হং·জক।

ফারাকগিবা খাৎথা 21:27

মারাং নাংআ বা নামজাস্রাং দাক্কা বা বু·এ আগানা ইন্দাকগিবা মান্দি উনো মামিংসালোবা নাপনা মানজানুয়া; জেরাংনি বিমিং মেষবিসানিন জাংগিনি খিতাপও লিক্ষিয়া দংআ বিসংআন উনো নাপনা মান·না।

ফারাকগিবা খাৎথা 3:5

জেআন হামনুয়া বিয়া ইন্দাকা গিব্বক বা·রাখো গান্নুয়া। জাংগিনি-খি·তাপওনি বিনি বিমুংখো আংআ মামুং সালোবা রিপ্পাকে গালজানুয়া, বাত্তেসা আংনি ফাগিবানি আরো বিনি সা·গ্রেরাংনি মিকখাংও আংআ বিখো খু·রাচাকনুয়া।