ফিলিপীয়রাংনা 4:15 - Garo New Testament

¹⁵ ফিলিপীনি মন্ডলীনি মান্দিরাং, না·সংদে আন·থাংথাংআন হা·আইয়া, না·সং স্খাং নাম্মা খাৎথাখো খিন্নানি জা·মানো জেনসালো আংআ ম্যাসিডোনিয়াখো ওয়াত্তে রি·য়াংআমিং, উনো না·সংনা আগ্রে গি·সা মন্ডলীবা আংমুং র·ন্না-রা·আও দংফাজা।

ফিলিপীয়রাংনা 4:15 Cross References

ওয়াত্তেতারাংনা 16:40

পৌল আরো সীল জেলনি হং·খাতে হা·ফালচা রি·বাএ লুদিয়ানি নক্কো রি·য়াংজক। উয়ো বিবিরা·গিবা জংআদারাংমুং বিসং গ্রংজক। জংআদারাংখো খা·দংএতানি জা·মানো বিসং উয়োনি রি·য়াংজক।

রোমানরাংনা 15:26

মুয়ানা যিরূশালেমো দংগিবা ইসলনি মান্দিরাংনি গিসেপো জে দিল্লা-চন্না মান্দিরাং দংআ বিসংনা ম্যাসিডোনিয়া আরো আখায়ানি মন্ডলীরাংনি মান্দিরাং অকখিসা থাংখা গিলজক।

ফিলিপীয়রাংনা 1:12

জংআদারাং, আংআ হা·ম্মা জেদাক্কে না·সং ইখো হা·আইনা মা·ন্না, আংনি সাক্কাও জেরাং হং·জক উনি হা·সেল নাম্মা খাৎথাখো আগানফ্রাকানি কাম আরোসা বাতরিকরিকাংজক।

ফিলিপীয়রাংনা 1:16

ইয়া মান্দিরাংনি গিসিকো খা·সাআ দংআ ইন্নেন বিসং খ্রীষ্টনি গিম্মিনো আগানফ্রাকা, মুয়ানা বিসং ইখো হা·আইয়া, নাম্মা খাৎথানা চাদেংএ খাৎথা আগান্না ইন্নেন আংখো দনজক।

ফিলিপীয়রাংনা 1:5

মুয়ানা যীশু খ্রীষ্টনি গিম্মিনো নাম্মা খাৎথাখো আগানফ্রাকানি কামনা না·সং স্খাংওনি দা·আওনা দিপ্পাৎ আংনা দাকচাকে রি·বাংজক।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 2:12

আংনি খা·সাগিবা জংআদারাং, না·সংদে ফাংনান বাম্মে দংআ। উয়ানদাক্কে আংনি দংওসান হং·জা, ইন্দিবা মংসং দাক্কে দা·আও আংনি দংজামিত্তিংওবা না·সং অলাখিয়ে আরো খেনচাকে না·সংনি কামও ফিন্নিকবো, না·সং পাপওনি জক্কাখো মান·জক।