ফিলিপীয়রাংনা 4:14 - Garo New Testament

¹⁴ ইন্দাকোবা না·সং আংনি দুকখো মান·ফাগিবা হং·এ নাম্মাখোন দাকজক।

ফিলিপীয়রাংনা 4:14 Cross References

মথিনি চকগিবা নাম্মা খাৎথা 25:21

নিবো, আংআ আরোবা হাজাল বংআ থাংখাখো মান·দাপজক।’ উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

রোমানরাংনা 15:27

ইয়া থাংখাখো বিসং খুসি হং·এন গিলজক। ইনাআগ্রেবা ইয়া মন্ডলীরাং যিরূশালেমনি ইসলনি মান্দিরাংচা গ্রোনাংগিবা হং·আ, মুয়ানা যিহূদীরাং বিসংনি গিসিকনি ফাত্তিয়ানি বাকখো গিপ্পিন জাতরাংনা হন·জক ইন্নে গিপ্পিন জাতরাংবা হা·গিলসাকনি নাংআরাংনি বিদিংও যিহূদীরাংনা দাকচাকনা নাংআ।

গালাতীয়রাংনা 6:6

ইসলনি খাৎথাখো জেনা স্খিয়েতা বিয়া জেদাক্কে বিনি স্খিয়েতগিবানা বিনি গিম্মিক নামগিবা বস্তুরাংনি বাকখো র·ন্না।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 4:18

আংনি মা·ন্নাগিবা গিম্মিকখোন আংআ মান·জক। আংনি নাংআনি বাত্তেবা আংনি বাং·এন দংআ। ইপাফ্রদীতনি জাক্কো না·সংনি ওয়াত্তেতগিবা বকসিসখো মা·ন্নে দা·আও আংনি চু·ওংজক। ইয়া বকসিসরাং সিম্মিলা আরো রা·চাকনা খ্রাগিবা বলি হং·আ,

1 তীমথিয় 6:18

মা·ন্নে চা·গিবারাংনা গি·য়েৎবো জেদাক্কে বিসং গিপ্পিননি নাম্মাখো দাক্কা, খাকখেৎ কামও দংআ, জাকস্রামে হ·ন্না আরো বিসংনি গামরাংনি বাকখো গিপ্পিনরাংনাবা হ·ন্না।

ইব্রীয়রাংনা 10:33

মিত্তাম সময়রাংও দিমদাকনি মিকখাংও চন্নিকাখো আরো গিচ্চিয়াখো চাক্কে না·সং খা·দিংস্থেকানি মান্দি হং·এ দুকখো চাক্কামিং; জেরাংনি সাক্কাও উয়ানদাক্কে দাক্কামিং বিসংমুং দুক চাক্কামিং;

ইব্রীয়রাংনা 10:34

আরো জেরাং জেলচানা রি·য়াংআমিং বিসংনি দুকনা দুক মান·ফামিং। না·সংনি জিনিসরাংখো রা·সেকাখো না·সং হান·সেংএন মানিয়ে রা·আমিং, মুয়ানা না·সং হা·আইয়ামিং আরোবা নামবাতা আরো বন·চাংগিজা গাম না·সংনা দংআ।

ইব্রীয়রাংনা 13:16

নাম্মা কামখো দাকনা আরো গিপ্পিননি দংগিজাও দাকচাকনা দা·আ গুয়ালা, মুয়ানা ইসল ইন্দাকা হন·নানিও খুসি হং·আ।

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।