ফিলিপীয়রাংনা 3:20 - Garo New Testament

²⁰ ইন্দিবা আনচিংনি চং·মত দংরামদে সালগিসা; উয়োনি আনচিংনি জক্কেৎগিবা গিত্তেল যীশু খ্রীষ্টনি রি·বানি সালনা আনচিং খা·দংএ সেংসোংআ।

ফিলিপীয়রাংনা 3:20 Cross References

মথিনি চকগিবা নাম্মা খাৎথা 19:21

যীশু বিনা আগানজক, “খাকখেৎগিবা হং·না হা·সিকোদে রি·য়াংএ নাং·চা দংগিবা দিমদাকখো ফাল্লে দিল্লা-চন্নারাংনা হন·বো। উনি গিম্মিন না·আ সালগিও গাম মা·ন্নুয়া। জা·মানো রি·বাএ আংখো জা·রিকবো।”

লূকনি চকগিবা নাম্মা খাৎথা 12:21

বন·খামাচাবাক্কা যীশু আগানজক, “জে মান্দি আন·থাংনি গিম্মিন গামজিনরাংখো চিম্মংএনবা ইসলনি মিক্রোনও মা·ন্নে চা·গিবা হং·জা, বিনি অবস্থা উগিত্তান হং·আ।”

লূকনি চকগিবা নাম্মা খাৎথা 14:14

উনি গিম্মিন না·আ ইসলনি ফাত্তিয়াখো মা·ন্নুয়া, মুয়ানা বিসং চতনা মান·জানুয়া। জেনসালো সিয়াওনি মান্দিরাংখো থাংচাফিল্লেতনুয়া উনসালো না·আ হন·স্খাখো মান·ফিলনুয়া।”

ওয়াত্তেতারাংনা 1:11

“গালীলনি মান্দিরাং, ইনো চাদেংএ সিলগাচানা মুয়ানা নিএ দংআ? না·সংওনি জেখো রা·দোআংজক উয়া যীশুখো জেদাক্কে না·সং সালগিচানা রি·য়াংআখো নিকজক উয়ানদাক্কেন বিয়া রি·বাফিলনুয়া।”

1ম করিন্থীয়রাংনা 1:7

উনি গিম্মিনান না·সং আনচিংনি গিত্তেল যীশু খ্রীষ্টনি ফারাকানা খা·দংএ নিচাকসোংআ ইন্নে ইসলনি হ·ন্না না·সংনা চু·ওংগিজা দংজা।

1ম করিন্থীয়রাংনা 15:48

হা·গিলসাকনি মান্দিরাং উয়া হা·আচা থারিগিবা মান্দি গিত্তা দাক্কা, আরো জেরাং সালগিচানা রি·য়াংনুয়া বিসং উয়া সালগিনি মান্দি গিত্তা দাক্কা।

2য় করিন্থীয়রাংনা 4:18

জেখো নিকনা মা·ন্না আনচিং উখো নিজাংআ, বাত্তেসা জেখো নিকজা উখোন নিইংজক। জেখো নিক্কা উয়া বাং·গিজা সালনাসান, ইন্দিবা জেখো নিকজাংআ উয়াদে ফাংনাজলনি।

2য় করিন্থীয়রাংনা 5:8

চিংআ খেনজা আরো চিংআ বে·এননি নকওনি চে·ল্লে দংএ গিত্তেলমুং দংআখোন নাম্মা ইন্নে চানচিয়া।

গালাতীয়রাংনা 4:26

ইন্দিবা জেআন সালগিনি যিরূশালেম, বিয়াদে জাকগিত্তেলগিবা হং·আ; বিয়ান আনচিংনি মা·গিবা।

ইফিষীয়রাংনা 2:19

ইনি গিম্মিন না·সংখো হা·আইগিজানিবা হং·জা, গিপ্পিন হা·সংনিবা হং·জা; ইন্দিবা ইসলনি মান্দিরাংমুং না·সংবা বিনি সংনকনি আরো বিনি নকনি মান্দি হং·জক।

ইফিষীয়রাংনা 2:6

আনচিং খ্রীষ্ট যীশুমুং নাংরিমজক ইন্নে ইসল আনচিংখো খ্রীষ্টমুং থাংচাএতি খ্রীষ্টমুংআন সালগিও আসংএতজক।

ফিলিপীয়রাংনা 1:10

ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

1 থিষলনীকী 4:16

রাক্কে গি·য়েতামুং আরো দাল·গিবা সা·গ্রেনি খু·রাং আরো ইসলনি সিংগানি গা·ম্মামুং গিত্তেল আন·থাংআন সালগিওনি হং·ওনবানুয়া। খ্রীষ্টমুং নাংরিমে জেরাং সিজক উনো বিসংআন স্খাং থাংচানুয়া।

2 তীমথিয় 4:8

উনি গিম্মিন আংনা নাম্মা জাংগিনি বকসিসখো দনসোজক। বিচালনি সালো খাকখেৎ বিচাল দাকগিবা গিত্তেল আংনা উয়া বকসিস গিত্তা হাম্মানি মালাখো হ·ন্নুয়া। ইন্দাকোবা বিয়া আংনাসান হ·ন্নুয়া ইন্দাকেদে হং·জা, জেরাং বিনি রি·বাফিল্লানা গিসিক নাংএ নিচাকসোএ দংজক বিসং গিম্মিকনা হ·ন্নুয়া।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

ইব্রীয়রাংনা 12:22

না·সংদে সিয়োন হা·ব্রি আরো থাংগিবা ইসলনি সংজিলমানি সেফাংও রি·বাজক। উয়া সংজিলমা হং·জক সালগিনি যিরূশালেম। না·সং হাজাল হাজাল সা·গ্রেরাংনি হান·সেংআওনা রি·বাজক;

ইব্রীয়রাংনা 9:28

উয়ানদাক্কেন বাং·আ মান্দিনি পাপনি বোজাখো রিপ্পিনা খ্রীষ্টখোবা রাং·সাসান বলি হন·জক। বিয়া দা·আও রাং·সা রি·বানুয়া, ইন্দিবা উনো পাপনা সিনা রি·বাজানুয়া, বাত্তেসা জেরাং বিনা নিচাকসোএ দংআ বিসংখো চু·গিম্মিক দাক্কে জক্কেৎনা রি·বানুয়া।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।