ফিলিপীয়রাংনা 3:10 - Garo New Testament

¹⁰ আংআ খ্রীষ্টখো হা·আইনা হা·ম্মা আরো জে বিলচা সিয়াওনি বিখো থাংচাএতামিং উয়া বিলখো হা·আইনা হা·ম্মা। আংআ বিনি দুকরাংখো মান·ফানা হা·ম্মা। জে গিসিকখো রা·এ বিয়া সিয়ামিং আংআবা উয়া গিসিকখো মা·ন্না হা·ম্মা।

ফিলিপীয়রাংনা 3:10 Cross References

মথিনি চকগিবা নাম্মা খাৎথা 20:23

উনো যীশু বিসংনা আগানজক, “বিবিন না·সং আংনি রিংচাক্রাও রিংনা মা·ন্না, ইন্দিবা আংনি জাক্রাচা বা জাক্কাসিচা আসংনা হ·ন্না বিল আংনি দংজা। আপফা জেরাংনা উখো থারিসোয়া বিসংসান উখো মা·ন্নুয়া।”

যোহননা 10:18

দারাংবা আংনি জাংগিখো আংচানিখো রা·আংজানুয়া, ইন্দিবা আংআ আন·থাংআন উখো হন·চাকনুয়া। জাংগিখো হন·চাকনাবা আংনি বিল দংআ, দা·আবা জাংগি রা·ফিলনাবা আংনি বিল দংআ। ইখো আংআ আংনি ফাচানিখো মান·জক।”

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

রোমানরাংনা 8:17

আনচিং দেদ্রাং হং·এ দংওদে ইসল বিনি দেদ্রাংনা জেখো হ·ন্না খু·রাচাকজক আনচিং উখো মা·ন্নুয়া। খ্রীষ্টন ইসলচাখো উখো মা·ন্নুয়া আরো আনচিংবা বিমুং উখো মা·ন্নুয়া, মুয়ানা আনচিং খ্রীষ্টমুং দুক চাক্কোদে বিমুং রাসংখোবা মা·ন্নুয়া।

রোমানরাংনা 8:29

ইসল জেরাংখো স্খাংআন বাচ্ছিয়ে রা·আমিং বিসংখো বিয়া বিনি দেফান্থি গিত্তা হং·খানা স্খাংআন থারিসোএ দন্নামিং, জেদাক্কে উয়া দেফান্থি বাং·আ জংআদারাংনি গিসেপো দেজাক্রা হং·না মা·ন্না।

রোমানরাংনা 8:36

রংথালগিবা শাস্ত্রও চক্কা দংআ, নাং·নি হা·সেল ফাংনান চিংখো স·ওতে গাল্লিংজক; মান্দিরাং চিংখো রাসতে গালগিবা মেষ গিত্তান চানচিয়া।

2য় করিন্থীয়রাংনা 1:10

বিল্লংগিবা সিয়াওনি বিয়া চিংখো জক্কেতামিং আরো দা·আওবা জক্কেতিংজক। চিংআ বিনি সাক্কাও ইখো খা·দংনা, বিয়া ফাংনান চিংখো জক্কেতনুয়া।

2য় করিন্থীয়রাংনা 1:5

খ্রীষ্ট গিত্তা দাক্কে চিংআ জেদাক্কে বাং·এ দুকখো চাকচিকিংজক উয়ানদাক্কে বিগিত্তা খা·নাম্মেতাখোবা মা·ন্নিংজক।

2য় করিন্থীয়রাংনা 13:4

বিখো বিলগ্রি অবস্থাও চিসলো দাৎখাপামিং, ইন্দিবা ইসলনি বিলও বিয়া থাংএ দংআ। চিংআ বিমুং নাংরিমে বিলগ্রি হং·জক, ইন্দিবা না·সংনি গিম্মিন ইসলনি বিলও বিমুং চিংআ থাংএ দংনুয়া।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

গালাতীয়রাংনা 6:17

বন·চতাচা আগান্না, দারাংবা আংখো নেং·এতজাখানা, মুয়ানা যীশুখো দক্কানি চিনখো আংআ আন·থাংনি বে·এনো রা·বিতে রি·ইংজক।

ইফিষীয়রাংনা 4:13

ইনি মিকসংআ হং·জক, জেদাক্কে আনচিং গিম্মিকান ইসলনি দেফান্থিখো বিবিরা·এ আরো বিখো নাম্মেদাক্কে হা·আইনা মা·ন্নে আপসান হং·আ; আরো খ্রীষ্ট জেদাক্কে গিম্মিক গুণও চু·সকগিবা হং·আ, আনচিংবা জেদাক্কে উগিত্তান গিম্মিক গুণও চু·সকগিবা হং·আ। উনোদে আনচিং আরবা বি·সা গিত্তা দংজানুয়া।

ফিলিপীয়রাংনা 3:8

চং·মতদে জেনি হা·সেল আংআ ইয়া নামগিজারাংখো মানিয়ে রা·জক আংনি উয়া গিত্তেল খ্রীষ্ট যীশুখো হা·আইয়াও জে গামচাৎগিবা ফাত্তিয়া দংআ, উমুং দংগিবা গিম্মিকখোন আংআ নামজা ইন্নে চানচিয়া। খ্রীষ্টখো জেদাক্কে আংআ মা·ন্না আরো আংখো জেদাক্কে খ্রীষ্টমুং নাংরিমাখো নিক্কা উনি গিম্মিন আংআ উরাংখো চামবাল ইন্নে চানচিয়া। নিয়ামখো মানিয়ানি গিম্মিন আংআ দোসগ্রি হং·আ ইন্দাকেদে হং·জা, ইন্দিবা খ্রীষ্টখো বিবিরা·আনি গিম্মিন ইসল আংখো দোসগ্রি দাক্কে রা·চাকজক। ইয়া দোসগ্রি ইসলচানি রি·বাআ আরো উয়া বিবিরা·আনি সাক্কাও ফাংচাকা।

কলসীয়রাংনা 1:24

না·সংনা আংআ জে দুকখো চাক্কিংজক উয়ো আংআ হান·সেংআখোন মা·ন্নিংজক। খ্রীষ্টনি বে·এননা, আগানস্খাওদে মন্ডলীনা বিনি দা·আওবা জে দুক চাকনা দংখুংআ উখো আংআ আংনি বে·এনোন চু·সকেতিংজক।

কলসীয়রাংনা 2:13

না·সংদে পাপনি হা·সেল আরো বিগিল রাতগিজানি হা·সেল সিয়ে দংআমিং, ইন্দিবা ইসল না·সংখো খ্রীষ্টমুং থাংচাএতজক। বিয়া আনচিংনি গিম্মিক পাপখো ক্ষেমা দাকজক,

কলসীয়রাংনা 3:1

ইন্দাকোদে না·সং খ্রীষ্টমুং সিয়াওনি থাংচাওদে খ্রীষ্ট সালগিচা জেও ইসলনি জাক্রাচানা আসংএ দংআ উয়া সালগিনি গিম্মিন গিসিক নাংবো।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

২ পিতর 1:13

ইন্দিবা আংআ চানচিয়া, জেওনা দিপ্পাৎ আংআ ইয়া তাম্বু গিত্তা বে·এনো থাংএ দংনুয়া উয়োনা দিপ্পাৎ ইয়া বিদিংরাংখো গিসিক রা·এতে না·সংখো মিকরাকেতে দন্না আংনি খ্রাআনি হং·আ;

1 যোহন 2:3

বিনি গিম্মিক গি·য়েতাখো আনচিং মানিয়ে রি·ওদে আনচিং ইখো খাকখেৎ দাক্কে হা·আইয়া, আনচিং বিখো হা·আইনা মান·জক।

1 যোহন 2:5

ইন্দিবা জেআন বিনি খাৎথাখো মানিয়া বিও ইসলনি খা·সা বিবিন চু·সকজক। সাবা আগানোদে বিয়া খ্রীষ্টও দংআ ইন্দিদে খ্রীষ্ট জেগিত্তা রি·য়ামিং উগিত্তা বিয়াবা রি·না নাংআ। ইচান আনচিং হা·আইনা মা·ন্না, আনচিং বিমুং নাংরিমে দংআ।

ফারাকগিবা খাৎথা 1:18

আংআন ফাংনাজলনা থাংগিবা। আংআ সিয়ামিং, আরো নিবো, দা·আও আংআ চাসংওনি চাসংওনা ফাংনাজলনা থাংএ দংআ। আংচা সিয়ানি আরো সিগিবা হা·দামনি চাবি দংআ।