ফিলিপীয়রাংনা 2:26 - Garo New Testament

²⁶ বিয়া না·সং গিম্মিকখো নিনা হা·ম্মা ইন্নে আংআ বিখো ওয়ালফিলেতিংজক। ইনাআগ্রে না·সং বিনি জম্মাখো খিন্নাজক ইন্নে বিয়া নাম্মেন চানচিংজক।

ফিলিপীয়রাংনা 2:26 Cross References

মথিনি চকগিবা নাম্মা খাৎথা 11:28

‘‘নেং·গিবা আরো বালজ্রিমগিবারাং না·সং গিম্মিকান আংচানা রি·বাবো; আংআ না·সংখো নেং·থাকেতনুয়া।

মথিনি চকগিবা নাম্মা খাৎথা 26:37

ইখো আগানে বিয়া পিতর আরো সিবদিয়নি দেফান্থি সাকগ্মিখো রিম্মাংজক। বিয়া খা·থংও দুক মা·ন্না আরো সা·দিকাখো মা·ন্না হা·বাচেংজক।

ওয়াত্তেতারাংনা 21:13

উনোন পৌল আগানজক, “না·সং গ্রাপে আংনি গিসিকো মুয়ানা দুক হ·ন্নিংআ? গিত্তেল যীশুনি গিম্মিন আংআ যিরূশালেমো বন্দি দংনাসান হং·জা, সিনাবা থারিয়ে দংআ।”

রোমানরাংনা 1:11

না·সংখো বিল্লাকেতনা গিসিক রংথালগিবানি হ·ন্নানিরাংখো জেদাক্কে না·সং আং গিত্তা মা·ন্না উনি গিম্মিনান আংআ না·সংমুং গ্রংনা হা·ম্মা।

রোমানরাংনা 12:15

হান·সেংগিবারাংমুং হান·সেংফাবো; গ্রাপগিবারাংমুং গ্রাপফাবো।

1ম করিন্থীয়রাংনা 12:26

গি·সা বাক মান্দিরা·খো মা·ন্নোদে বাক গিম্মিকান উমুং হান·সেংফাআ।

2য় করিন্থীয়রাংনা 9:14

ইসলচাখো না·সং জে বন·চাংগিজা খা·সাচাক্কাখো মান·জক উনি গিম্মিন বিসং খা·থং গিম্মিকো না·সংনা বি·নুয়া।

গালাতীয়রাংনা 6:2

না·সং সাকসা সাকগিপ্পিননি বোজাখো রিপ্পিএ রা·বো। ইন্দাকেন না·সং খ্রীষ্টনি নিয়ামখো মানিনা মা·ন্নুয়া।

ইফিষীয়রাংনা 3:13

ইনি গিম্মিন আংআ মল·মলিংআ, না·সংনা আংআ দুকরাংখো চাক্কিংজক ইন্নে না·সং দা·আ খেনমানাবো, মুয়ানা না·সংনি রাসংনান উরাং হং·ইংজক।

ফিলিপীয়রাংনা 1:3

আংআ না·সংখো গিসিক রা·আ দিপ্পাতান আংনি ইসলখো মিৎথেলা।

ফিলিপীয়রাংনা 1:8

খ্রীষ্ট যীশুনি খা·সাখো খা·থংও দন্নে আংআ না·সংখো বাসিক খা·সাআ উনি সাক্ষি ইসল হং·আ।

ফিলিপীয়রাংনা 2:25

আংআ ইপাফ্রদীতখো না·সংচা ওয়াত্তেতনা নাংআ ইন্নে চানচিজক। বিয়া আংনি বিবিরা·গিবা জংআদা। চিংআ আপসানান কাম দাক্কা আরো খ্রীষ্টনা দাকগ্রিকা। দাকচাকে রন·গিবা গিত্তা আংনি নাংআখো র·ন্না বিখোন না·সং আংচা ওয়াত্তেতামিং।

ফিলিপীয়রাংনা 2:27

আরো বিবিন বিয়া ইন্দাকে জম্মামিং বিয়া সিনা গিত্তিক দাকজকমিং, ইন্দিবা ইসল বিনা খা·সাচাকজক- বিনি সাক্কাওসান খা·সাচাক্কা ইন্দাকে হং·জা, আংনাবা খা·সাচাক্কা জেদাক্কে আংআ দুকনি সাক্কাও দুক মান·জা।

ফিলিপীয়রাংনা 4:1

আংনি জংআদারাং, আংআ না·সংনা খা·সাআ আরো না·সংখো নিনা হা·ম্মা। না·সংআন আংনি হান·সেংআ, আংনি হাম্মানি মালা হং·আ। না·সং গিত্তেলমুং নাংরিমে খেম·খেম দংবো।

পিতর 1:6

বাং·গিজা সালনা বাং·আ রুরাও দা·আও না·সংখো দুক মা·ন্না নাংইংজক, ইন্দাকোবা জক্কাখো মা·ন্না খা·দংএ না·সংনি গিসিক হান·সেংআও গাপ্পিংজক।