ফিলিপীয়রাংনা 2:14 - Garo New Testament

^14-16 না·সং জিচাকগিজা আরো জিগ্রিকগিজা গিম্মিকখো দাকবো, জেদাক্কে না·সং দোসগ্রি আরো খাকখেৎ হং·না মা·ন্না আরো ইয়া চাসংনি গিসিকগ্রি আরো নামগিজা বেওয়ালনি মান্দিরাংনি জাংচিও ইসলনি খ্রাগিবা বি·সা হং·না মা·ন্না। উয়া মান্দিরাংনি মিকখাংও না·সংদে জাংগি হন·চাকগিবা খাৎথাখো ফারাকে ইয়া হা·গিলসাকো আস্কি গিত্তা থেং·সুএ দংআ। ইন্দাকোদে জেনসালো খ্রীষ্ট রি·বানুয়া উনিসালো আংআ ইখো রা·এ রাসং দাকনা মা·ন্নুয়া, আংনি খ্রেংআ আরো বিমচিপা নাসি-নাদা হং·জাজক।

ফিলিপীয়রাংনা 2:14 Cross References

মথিনি চকগিবা নাম্মা খাৎথা 20:11

উনোন বিসং উয়া নকগিবাখো খা·আওনাংএ আগান্না হা·বাচেংজক,

মার্ক 14:5

ইখো ফাল্লোদে দীনার রিৎচাগিত্থামনিবা বাং·এ হং·নুয়ামিং আরো উখো দিলগিবারাংনা হ·ন্না মা·ন্নুয়ামিং।’’ ইখো আগানে বিসং উয়া মিচিকসাখো খা·চাজক।

মার্ক 9:14

যীশু আরো উয়া সাকগিত্থাম জা·রিকগিবারাং গিপ্পিন জা·রিকগিবারাংচানা রি·বাফিলে বিসংনি সামব্রিও মান্দি বাং·আ থম·দাকাখো আরো বিসংমুং মিত্তাম শাস্ত্র স্খিগিবারাংনি জিগ্রিকাখো নিকনা মান·জক।

লূকনি চকগিবা নাম্মা খাৎথা 5:30

উনো ফরীশীরাং আরো বিসংনি শাস্ত্র স্খিগিবারাং খা·আওনাংএ যীশুনি জা·রিকগিবারাংনা আগানজক, “না·সং খাজিনা গিলগিবা আরো নামগিজা মান্দিরাংমুং মুয়ানা চা·আংআ রিংআ?”

ওয়াত্তেতারাংনা 15:2

উনি গিম্মিন পৌল আরো বার্ণবামুং ইয়া মান্দিরাং নাম্মেন ইনগ্রিকজক। জা·মানো ইন্দাকে থিক হং·জক, পৌল আরো বার্ণবা আন্তিয়খিয়ানি মিত্তাম বিবিরা·গিবারাংখো রা·এ যিরূশালেমচানা রি·য়াংনুয়া আরো ওয়াত্তেতারাংমুং আরো মন্ডলীনি দাল·গিবারাংমুং ইনি গিম্মিন খাৎথা আগান্নুয়া।

ওয়াত্তেতারাংনা 15:39

উনোন পৌল আরো বার্ণবামুং আপসান হং·জাজক, বিসং সাকসা সাকগিপ্পিনচানি দিংথাং হং·গ্রিকজক। বার্ণবা মার্কখো রা·এ জাহাসও দাক্কে সাইপ্রাসওনা রি·য়াংজক, আরো পৌল সীলখো বাচ্ছিয়ে রা·জক।

ওয়াত্তেতারাংনা 15:7

বাং·এ খাৎথা আগানানি জা·মানো পিতর চাখাত্তে বিসংনা আগানজক, “জংআদারাং, না·সংদে ইখো হা·আইয়ান, স্খাংও না·সংওনি ইসল আংখো বাচ্ছিয়ে রা·আমিং জেদাক্কে গিপ্পিন জাতরাং আংনি খু·সুকনিখো নাম্মা খাৎথাখো খিন্নাএ বিবিরা·আ।

ওয়াত্তেতারাংনা 6:1

উয়া সময়ও জা·রিকগিবারাং বাং·রোরোংআমিং। উনো জা·রিকগিবারাংনি গিসেপো গ্রীক খু·সুকখো আগানগিবা যিহূদীরাং ইব্রীয় খু·সুকখো আগানগিবা যিহূদীরাংখো ইন্দাকে দোস হ·ন্না হা·বাচেংজক, ফাংনানান চা·আ হন·মিত্তিংও বিসংনি রান্দি মিচিকরাং মামুংখোন মান·জাংআ।

রোমানরাংনা 12:18

না·সংনি মা·ন্না দিপ্পাৎ গিম্মিক মান্দিরাংমুং থম·থমাও দংবো।

রোমানরাংনা 14:1

বিবিরা·আও বিলগ্রিগিবাখো আন·থাংনি দাক্কে রা·বো; বিনি চানচিয়ারাংখো রা·এ দা·আ জিগ্রিকাবো।

রোমানরাংনা 16:17

জংআদারাং, না·সং জে স্খিয়াখো মান·জক উনি ফাংফিল্লে স্খিয়াখো হ·ন্নে জেরাং দল থারিয়া আরো চাংফেংআখো থারিয়া, বিসংখো নিরকনা আংআ না·সংখো মংসংবাত্তে মল·মলিংজক। না·সং বিসংচানি চে·ল্লে দংবো,

1ম করিন্থীয়রাংনা 10:10

বিসংনি গিসেপো মিত্তামরাং খা·আওনাংআখো ফারাকে জেদাক্কে ব·ন্নেতগিবা সা·গ্রেনি জাক্কো গিম্মামিং উগিত্তা না·সং দা·আ খা·আওনাংআখো ফারাকাবো।

2য় করিন্থীয়রাংনা 12:20

আংআ খেনচাকিংআ, জেনসালো আংআ না·সংচা রি·বানুয়া উনো আংআ না·সংখো জেগিত্তা নিকনা হা·ম্মা উগিত্তা নিকজানাবা দংআ, আরো না·সংবা আংখো জেগিত্তা নিকনা হা·ম্মা উগিত্তা নিকজানুয়া। আংআ খেনচাকিংআ, না·সংনি গিসেপো নিরিয়া-গিসিয়া, মিকনেংআ, খা·আওনাংআখো ফিন্নিকা, মা·আৎগ্রিকা, ইন্না-জিআ, গিপ্পিননি খু·সুকরাংখো রা·এ আগানা, গাং·বিংআ আরো গোলমালরাং দংনুয়া।

গালাতীয়রাংনা 5:15

ইন্দিবা না·সং সাকসা সাকগিপ্পিনমুং নিরিয়ো-গিসিয়োদে আরো মিকনেংগ্রিকওদে ইন্দাকোদে সিমসাকবো! ইন্দাকে দাক্কোদে না·সং সাকসা সাকগিপ্পিনখো ব·ন্নেতনুয়া।

গালাতীয়রাংনা 5:26

জেদাক্কে আনচিং বু·এ দাল·নিকজা আরো সাকসা সাকগিপ্পিনখো মাংমেংএতজা আরো মিকনেংজা।

ফিলিপীয়রাংনা 2:3

আন·থাংনাসান মান·দাপনা খা·দংএ বা গাং·বিংএ মামুংখো দা·আ দাক্কাবো, বাত্তেসা রিন্নকে গিপ্পিনখো আন·থাংনা বাত্তে দাল·নিকবো।

1 থিষলনীকী 5:13

বিসং জেখো দাক্কা উনি গিম্মিন খা·সানি গিসিকখো রা·এ বিসংখো মান্দিরা·বো। না·সং আন·থাংথাংনি গিসেপো থম·থমে দংবো।

1 থিষলনীকী 5:15

নিবো, অন্যায়নি সাক্কাও দারাংবা অন্যায়খো দাকজাখানা। না·সং সাকসা সাকগিপ্পিননি, আরোবা, গিপ্পিনরাংনি নাম্মাখো দাকনা হাম·বো।

ইব্রীয়রাংনা 12:14

দিমদাক মান্দিমুং থম·থমাও দংফানা আরো রংথালনা গিসিক নাংবো। রংথালজাওদে দারাংবা গিত্তেলখো নিকজানুয়া।

যাকোব 1:20

মুয়ানা ইসল আনচিংচাখো জেদাক্কে রংথালগিবা জাংগিখো হা·ম্মা উয়া খা·আওনাংআ গিত্তা রি·বাজা।

যাকোব 3:14

ইন্দিবা মিকনেংআনি গিম্মিন না·সংনি খা·থং খা·ফিলোদে আরো না·সং আন·থাংনাসান চানচিগিবা হং·ওদে আন·থাংনি হা·আইয়ানি গিম্মিন দা·আ রাসং চা·আবো আরো বিবিখো দা·আ বু·এ আগানাবো।

যাকোব 5:9

জংআদারাং, ইসল না·সংনি গ্রোখো রিম·জানা গিত্তা না·সং সাকসা সাকগিপ্পিননি গ্রোখো দা·আ রি·ম্মাবো। নিবো, বিচাল দাকগিবা দ·গাচিলনি সেফাংস্রাংও সকবাজক।

পিতর 3:11

নামগিজা কামওনি বিয়া চে·ল্লাচা দংখানা, আরো নাম্মা কামখো দাকখানা; থম·থমানা হা·সিকমানচাএ বিয়া বিখো জা·রিকাখো ওয়াতজাখানা।

পিতর 4:9

মামুং মাংমেংআখো ফিন্নিকগিজা না·সং সাকসা সাকগিপ্পিনখো সকবাগিবা গিত্তা রা·চাকবো।

যিহূদা 1:16

ইন্দাকগিবা মান্দিরাং ফাংনান খুসি হং·গিজানি গিসিকখো ফিন্নিকা, আন·থাংথাংনি কপালনা দোস হ·ন্না আরো খা·থংনি নামগিজা হা·সিকারাং গিত্তা রি·য়া, বিসং আন·থাংথাংখো রা·এ রাসং দাক্কা আরো মা·ন্নাসান মান্দিরাংখো রাসং দাকমিকব্রুআ।