ফিলিপীয়রাংনা 2:13 - Garo New Testament

¹³ ইসল না·সংনি খা·থংও ইন্দাকে কাম দাক্কিংজক জেনি হা·সেল বিয়া জে কামও খুসি হং·আ উয়া কামখো দাকনা হা·সিকা আরো বিল না·সংনি হং·আ।

ফিলিপীয়রাংনা 2:13 Cross References

লূকনি চকগিবা নাম্মা খাৎথা 12:32

“ও আংনি বাং·গিজা মেষনি দল, দা·আ খেন্নাবো, মুয়ানা না·সংনি ফানি হা·সিকা ইয়ান, বিয়া আন·থাংনি সংনকখো না·সংনা হ·ন্নুয়া।

লূকনি চকগিবা নাম্মা খাৎথা 2:14

“সালগিও ইসলনি রাসং হং·খানা, হা·গিলসাকও জেরাংখো বিয়া নামনিকবিয়া বিসংনি থম·থম হং·খানা।”

যোহননা 3:27

উনি গিম্মিন যোহন আগানচাকজক, “সালগিওনি হন·চাকজাওদে দারাংবা মামুংখোন মা·ন্না হামজা।

যোহননা 6:45

আগানসোগিবারাংনি খি·তাপও চক্কা দংআ, ‘বিসং গিম্মিকান ইসলচানিখো স্খিয়াখো মা·ন্নুয়া।’ ফাগিবাচাখো খিন্নাচাকে স্খিয়াখো মান·গিবান আংচানা রি·বাআ।

যোহননা 6:65

উনি গিম্মিন বিয়া আগানজক, “ইনি গিম্মিন আংআ না·সংনা ইখো আগানজক, ফাগিবা বিলখো হন·জাওদে দারাংবা আংচানা রি·বানা মান·জা।”

ওয়াত্তেতারাংনা 11:21

ইসলনি বিল বিসংনি সাক্কাও দংআনি গিম্মিন বাং·আ মান্দিরাং গিত্তেলখো বিবিরা·এ বিচা ফিল·জক।

রোমানরাংনা 12:3

আংআ ইসলচাখো জে মংসংগিবা খা·সাচাক্কাখো মান·জক উচা আংআ না·সং গিম্মিকনা আগানিংজক, আন·থাংখো জেচিকিন দাল·নিকনা নাংআ উনা বাত্তে না·সং আন·থাংথাংখো দা·আ দাল·নিকাবো, বাত্তেসা জেচিকিন খ্রাআ উচিকিনান দাল·নিকবো। ইসল জেনা জেচিকিন বিবিরা·আনি বিলখো হ·ন্না উনা বাত্তে বাং·এ সাকসাবা আন·থাংখো চানচিজাখানা।

রোমানরাংনা 9:11

আনচিংনি ফাগিৎচাম ইস্‌হাকান উয়া মি·আসা। উয়া বি·সা সাকগ্মিনি আৎচিয়ানি স্খাং জেনসালো বিসং নাম্মা নামজা মামুংখোন দাকখুজা ইসল উনোন রিবিকাখো আগানামিং, “দাল·গিবা চনগিবানি নকখল হং·নুয়া।” ইচা ইসল ফিন্নিকামিং, আন·থাংনি মিকসংআখো চু·সকেৎনা বিয়ান বাচ্ছিয়ে রা·আ; মামুং কামনি হা·সেল বিয়া উখো দাকজা বাত্তেসা বিনি হা·সিকা গিত্তান বিয়া মান্দিখো রিক্কামা।

রোমানরাংনা 9:16

ইন্দাকোদে ইয়া দারাংনি হা·সিকানি সাক্কাও ফাংচাকজা, ইসলনি খা·সাচাক্কাওন ফাংচাকা।

1ম করিন্থীয়রাংনা 12:6

আনচিং সাকফ্রাকফ্রাকনা দিংথাং দিংথাং কামখো র·ন্না হং·জক, ইন্দিবা আপসান ইসল দিংথাং দিংথাং চলচা আনচিং সাকফ্রাকফ্রাকনি গিসেপো কাম দাক্কা।

1ম করিন্থীয়রাংনা 15:10

ইন্দিবা আংআ দা·আও ইসলনি খা·সাচাক্কানান ইন্দাকে হং·জক। আংনি সাক্কাও বিনি উয়া খা·সাচাক্কা বিথিগ্রি হং·জা। আংআ সাকগিপ্পিন ওয়াত্তেতারাংনা বাত্তে বাং·এ কাম দাকজক; আংআসান কাম দাক্কা ইন্দাকেদে হং·জা, বাত্তেসা আংনা ইসলনি জে খা·সাচাক্কা দংআ উয়া খা·সাচাক্কান উখো দাকজক।

2য় করিন্থীয়রাংনা 3:5

ইন্দিবা চিংনি আন·থাংথাংনি মামুং দাক্কানি বিল দংআ ইন্নে চিংআ দাবি দাকনা মা·ন্না ইন্দাকেদে হং·জা, বাত্তেসা চিংনি উয়া বিল ইসলওনিন রি·বাআ।

ইফিষীয়রাংনা 1:11

ইসল বিনি বিচালচা আন·থাংনি হা·সিকা গিত্তান গিম্মিক কামখো দাক্কা। বিনি মিকসংআ গিত্তা বিয়া স্খাংআন জেখো থারিয়ে দনসোআমিং উগিত্তান খ্রীষ্টও বিনি আন·থাংনি মান্দি হং·না বিয়া আনচিংখো বাচ্ছিয়ে রা·জক।

ইফিষীয়রাংনা 1:9

জেগিত্তা বিয়া হা·ম্মামিং আরো স্খাংআন খ্রীষ্টও থারিয়ে দনসোআমিং, উগিত্তান বিয়া বিনি নিং·থুয়া মিকসংআখো আনচিংনা আগানামিং।

ইফিষীয়রাংনা 2:8

ইসলনি খা·সাচাক্কাও বিবিরা·আচা না·সং পাপওনি জক্কাখো মান·জক। না·সং আন·থাংচাদে ইয়া হং·জা, উয়া ইসলনিন র·ন্নানি হং·আ।

2 থিষলনীকীয়রাংনা 1:11

উনি গিম্মিন চিংআ ফাংনান না·সংনা বি·আ জেদাক্কে আনচিংনি ইসল না·সংখো বিনি রিক্কামনা খ্রাগিবা দাক্কে চানচিয়া, আরো জেদাক্কে বিনি বিলচা না·সংনি নাম্মা কামখো দাক্কানি হা·সিকাখো বিয়া চু·সকেতা আরো বিবিরা·আনি গিম্মিন না·সং জে কামরাংখো দাক্কিংআ উয়ো জেদাক্কে বিয়া চু·গিম্মিকেতা।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

ইব্রীয়রাংনা 13:21

জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,