ফিলিপীয়রাংনা 1:8 - Garo New Testament

⁸ খ্রীষ্ট যীশুনি খা·সাখো খা·থংও দন্নে আংআ না·সংখো বাসিক খা·সাআ উনি সাক্ষি ইসল হং·আ।

ফিলিপীয়রাংনা 1:8 Cross References

রোমানরাংনা 1:9

ইসলনি দেফান্থিনি গিম্মিন নাম্মা খাৎথাখো আগানফ্রাকে আংনি গিম্মিক খা·থংচা আংআ ইসলনা দাকচাকে হ·ন্নিংজক। আংনি বি·আ রিক্ষিতান আংআ ফাংনান না·সংখো গিসিক রা·আ আরো বিয়ান উনি সাক্ষি হং·আ।

রোমানরাংনা 9:1

খ্রীষ্টমুং নাংরিমে আংআ আগানিংজক, খা·থংথাংও আংআ নাম্মেন দুক আরো সা·দিকাখো মান·বিংজক, আরো ইয়া খাৎথাদে বিবি, বু·আ হং·জা। আংনি গিসিকবা গিসিক রংথালগিবামুং আপসান হং·এ উয়া আপসানখোন সাক্ষি হন·ফাংজক।

2য় করিন্থীয়রাংনা 13:9

জেনসালো চিংআ বিলগ্রি হং·আ আরো না·সং বিল্লাকগিবা হং·আ উনো চিংআ খুসি হং·আ। আরো চিংআ ইখো বি·আ জেদাক্কে না·সং গিম্মিকখো থিক দাক্কে রা·এ চু·সকানি রামাও রি·য়া।

2য় করিন্থীয়রাংনা 6:12

চিংআ চিংনি খা·থংখো না·সংনা এংফ্রাকে দনজক, ইন্দিবা না·সং না·সংনি খা·থংখো চিংনা চিপচাংএ দনজক।

2য় করিন্থীয়রাংনা 7:15

না·সং গিম্মিকান জেগিত্তা খেনচাকে আরো মান্দিরা·এ বিখো রা·চাকে বাম্মে ফিন্নিকামিং, উখো গিসিক রা·এ না·সংনা বিনি খা·সা আরোবা বাং·বাতজক।

গালাতীয়রাংনা 1:20

আংআ না·সংনা জেখো চক্কিংজক উনি মামুংআন বু·আ হং·জা, ইনি সাক্ষি ইসলান হং·আ।

গালাতীয়রাংনা 3:26

খ্রীষ্ট যীশুখো বিবিরা·আচা না·সং গিম্মিকান ইসলনি দেদ্রাং হং·জক,

গালাতীয়রাংনা 4:19

আংনি দেদ্রাং, জেওনা দিপ্পাৎ না·সং খ্রীষ্ট গিত্তা হং·জানুয়া উয়োনা দিপ্পাৎ দা·আবা আংআ না·সংনি গিম্মিন বি·সা বা·আ গিত্তা দুকখো চাক্কিংজক।

ফিলিপীয়রাংনা 2:1

ইন্দাকোদে খ্রীষ্টমুং নাংরিমানি গিম্মিন খা·দংএতাখো মা·ন্নোদে, খ্রীষ্টনি খা·সানি গিম্মিন খা·নাম্মেতাখো মা·ন্নোদে, গিসিক রংথালগিবা আরো না·সংনি গিসেপো নাংরিমা দংওদে, না·সংনি খা·থংও খা·সাচাক্কা দংওদে,

ফিলিপীয়রাংনা 2:26

বিয়া না·সং গিম্মিকখো নিনা হা·ম্মা ইন্নে আংআ বিখো ওয়ালফিলেতিংজক। ইনাআগ্রে না·সং বিনি জম্মাখো খিন্নাজক ইন্নে বিয়া নাম্মেন চানচিংজক।

ফিলিপীয়রাংনা 4:1

আংনি জংআদারাং, আংআ না·সংনা খা·সাআ আরো না·সংখো নিনা হা·ম্মা। না·সংআন আংনি হান·সেংআ, আংনি হাম্মানি মালা হং·আ। না·সং গিত্তেলমুং নাংরিমে খেম·খেম দংবো।

কলসীয়রাংনা 2:1

আংআ না·সংখো হা·আইএতনা হা·ম্মা, না·সংনা আরো লায়দিকেয়া সংজিলমানি মন্ডলীনি মান্দিরাংনা, আরো আংখো জেরাং নিকখুজা বিসং গিম্মিকনা আংআ গাম্মিংজক।

কলসীয়রাংনা 3:12

ইনি গিম্মিন ইসল জেরাংখো বাচ্ছিয়ে আন·থাংনা দিংথাং দাক্কে দনজক বিনি উয়া খা·সাগিবা মান্দি হং·এ না·সং নামনিকাচা, খা·সাচাক্কাচা, রিন্নকাচা, রিন্নকগিবা গিসিকচা আরো চাকচিকাচা আন·থাংথাংখো থারিবো।

1 থিষলনীকী 2:5

না·সং হা·আইয়া মামুং সালোবা চিংআ চি·আ খাৎথাখো আগানজা, আরো মাদ্দুয়াখো ফিনদাপে দন্নে দাক্কামব্রুএ মামুং খাৎথাখোন চিংআ আগানজা, ইসলান উনি সাক্ষি হং·আ।

1 থিষলনীকী 2:8

না·সংখো নাম্মেন খা·সাবিয়ানা না·সংনা ইসলনি নাম্মা খাৎথাখো হ·ন্নাসান হং·জা, না·সংনা আন·থাংথাংনি জাংগিখো হন·চাকনাবা চিংআ হা·ম্মামিং, মুয়ানা চিংচা না·সং খা·সাগিবা হং·আ।

2 তীমথিয় 1:4

নাং·নি গ্রাপাখো গিসিক রা·এ নাং·খো নিকনা হা·সিকিংজক, জেদাক্কোদে আংনি গিসিক খুসি হং·আ।

ফিলীমনা 1:12

জেবা হং·খানা, আংআ বিখো নাং·চা ওয়াত্তেতফিল্লিংজক; বিয়া আংনি জাংগি গিত্তান খা·সাগিবা হং·আ।

ফিলীমনা 1:20

জং, আনচিং গিত্তেলনি হং·জক ইন্নে আংআ হা·ম্মা, না·আ আংনা মিংসা নামগ্মিখো দাকবো। বিবিরা·গিবা জং গিত্তা না·আ আংনি খা·থংও গিত্তাল খা·দংএতাখো রন·বো।

1 যোহন 3:17

ইয়া হা·গিলসাকো চা·এ থাংএ দংআনি অবস্থা জেনি দংআ, বিয়া বিনি জংআদানি চা·আ-রিংআনি দংগিজাখো নিক্কেবা মিক্রোন মিকচিপে দন্নোদে বাদিকে দাক্কে বিনি খা·থংও ইসলনা খা·সা দংনা মা·ন্না?