ফিলিপীয়রাংনা 1:13 - Garo New Testament

¹³ আরো উনি হা·সেল ইনি রাজানি সিপাইরাং আরো গিপ্পিনরাং হা·আইনা মান·জক, খ্রীষ্টনি গিম্মিনান আংআ বন্দি হং·এ দংইংজক।

ফিলিপীয়রাংনা 1:13 Cross References

ওয়াত্তেতারাংনা 26:29

পৌল আগানজক, “সাল বাং·জাখানা বা বাং·খানা, আংআ ইসলচা ইন্দাকে বি·আ, না·আসান হং·জা, ইন্দিবা ইয়া জেংজুলনি আগ্রে, দা·আলো আংনি খাৎথাখো খিন্নাগিবা গিম্মিকান আং গিত্তা হং·খানা।”

ওয়াত্তেতারাংনা 26:31

জা·মানো বিসং উয়া নকখো ওয়াত্তে রি·য়াংজক আরো সাকসা সাকগিপ্পিনখো ইন্না হা·বাচেংজক, “ইয়া মান্দি সিয়ানি শাস্তিখো মা·ন্না বা জেলো দংনা গিত্তা মামুংখোন দাকজা।”

ওয়াত্তেতারাংনা 28:17

সাল গিত্থামনি জা·মানো পৌল উনি যিহূদীরাংনি দাল·গিবারাংখো রিংগামে আপসান হং·এতজক। বিসংনি আপসান হং·আনি জা·মানো পৌল বিসংনা আগানজক, “আংনি জংআদারাং, আংআ আনচিংনি জাতস্খানি সাক্কাও বা ফাগিৎচামরাংনি দাকবেওয়ালরাংনি সাক্কাও মামুংখোবা দাকজা, ইন্দিবা যিরূশালেমচা আংখো বন্দি দাক্কে রিম·জক আরো রোমানরাংনি জাক্কো হন·জক।

ওয়াত্তেতারাংনা 28:20

ইনি গিম্মিনান আংআ না·সংমুং গ্রংনা আরো খাৎথা আগান্না হা·ম্মা। ইস্রায়েল জাতনি জে খা·দংআ দংআ উয়া খা·দংআনান আংখো ইয়া জেংজুলচা খাজক।”

ওয়াত্তেতারাংনা 28:30

বিলসিগ্মি দিপ্পাৎ পৌল নকখো ভারা রা·এ দংআমিং আরো বিমুং গ্রংনা রি·বাগিবা গিম্মিকখোন বিয়া রা·চাকনুয়ামিং।

ইফিষীয়রাংনা 3:1

ইনি গিম্মিন আংআ পৌল ইসলচা বি·ইংজক। না·সং জেরাং গিপ্পিন জাত হং·আ না·সংনান আংআ খ্রীষ্ট যীশুনি বন্দি হং·জক।

ইফিষীয়রাংনা 4:1

উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ইফিষীয়রাংনা 6:20

ইয়া নাম্মা খাৎথাখো আগানফ্রাকনা ইন্নে আংখো জেংজুলচা খাএ দন্নোবা আংআ খ্রীষ্টনি সা·গ্রেনি কামখো দাক্কিংজক। বি·বো জেদাক্কে জেলো দংএ জেগিত্তা উয়া নাম্মা খাৎথাখো আংনি আগানফ্রাকনা নাংআ উগিত্তা খেনমানগিজা উখো দাকনা মা·ন্না।

ফিলিপীয়রাংনা 1:30

স্খাংও না·সং জেদাক্কে আংনি দুক চাক্কাখো নিকজক আরো দা·আওবা উনি গিম্মিন জেখো খিন্নাংজক, না·সংবা উয়ানদাকগিবা দুকও গা·আকজক।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 4:22

ইসলনি গিম্মিক মান্দিরাং জেরাং ইয়ো দংআ, মংসংদে সম্রাট কৈসরনি নকনি মান্দিরাং না·সংনা সালাম র·ন্নিংআ।

2 তীমথিয় 2:9

আরো ইয়া নাম্মা খাৎথাখো আগানফ্রাকনান আংআ দুকখো চাক্কিংআ; আরোবা, দোসগ্মাং গিত্তা আংখো খাবা খাজক। ইন্দিবা ইসলনি খাৎথাখোদে খাখুজা।