فیلیپیان 3:8 - Gilaki New Testament

⁸ دوروسته، تومأمٚ چیزأن، می خوداوند عیسا مسیحٚ شنأختنٚ نعمتٚ جولو بی‌ارزشه. هنٚ وأسی، همّه بنأم کنأر، چونکی مِرِه هیذره ارزش نأرِه، اَ هدفٚ اَمرأ کی مسیحَ بٚدأرم.

کیتاب مقدّس به گیلکی (رشتی)

⁸ بلکی وختی هر چی‌یَ می خوداوند، مسیحْ عیسی شنأختٚ پیله ارزشٚ اَمرأ موقایسه کونم، دینم اوشأن هَچین ضرریدی، کی اونٚ وأسی همه چی‌یَ جٚه دس بدَم. رأس رأسی، اَشأن همه‌تأنَ کثافت بحیساب اَورم کی مسیحٚ بدس بأورم

کتاب مقدس به زبان گیلکی - گویش شرقی

⁸ راس راسه، مو همه چئه این واسئه کی می خداوند مسیح عیسی شناختن، همه چی جی جؤرتر دره، ضرر دؤنم. اون خاطیری همه چئه چیکأدأم و ایشونه هیطو اشغال مورسون دونم. تا می نفع مسیح ببون

کتاب مقدس به زبان گیلکی - گویش رشت و غرب گیلان

⁸ راس راسی، من همه چیَ اَنه واسی کی می خُداوند مسيحْ عيسی ایشناختنَ کی جه همه چی بالاتر ایسه، ضرر دَنم. اونِ خاطری همه چیَ جه دَس بدَم و اَشانَ هَطو آشغالِ مانستن دَنم. تا می نفع مسیح بِبه،

فیلیپیان 3:8 Cross References

لوقا 1:43

چی پیله سعأدتی ایسه مِرِه کی می خوداوندٚ مأر می دِئنٚ وأسی بأمؤ!

لوقا 11:20

امّا اگه من خودا قودرتٚ اَمرأ پٚلیدٚ روحأنَ بیرون تأوٚدم، پس بدأنید کی خودا پأدیشأیی شیمی میأن بأمؤ.

یوحنا 14:20

وختی زٚندیگی‌یَ ایوأردِه شورو بوکونم، بأزون فأمیدی کی من، در خودای پئر ایسأم و شومأن در من ایسأیید و منم در شومأن ایسأم.

یوحنا 14:7

اگه بدأنسته بید کی من کی ایسٚم، او وخت دأنستیدی کی می پئر کیسه. ولی جٚه اَنٚ پٚسی، اونَ شنأسیدی و اونَ بیدِه دأرید.»

یوحنا 16:3

هنٚ وأسی شیمی اَمرأ اَطو کونٚده کی نه، پئرَ شنأسٚده و نه مٚرَه.

یوحنا 17:3

و همیشٚکی زٚندیگی اَن ایسه کی تٚرَه، کی او ایتأ دأنه رأس‌رأسِی خودا ایسی و عیسایٚ مسیحَ کی اوسه کودی، بٚشنأسٚد.

یوحنا 17:8

هر چی مٚرَه فرمأن بٚدأیی، منم اَشأنَ فأدأم و اَشأنٚم قوبیل بوکودٚد و بٚدأنستٚد کی من جٚه تی ورجأ اَ دونیأ دورون بأمؤم و ایمأن دأرٚده کی تو مٚرَه اوسه کودی.

یوحنا 20:13

فٚرٚشته‌یأن مریمٚ جَا وأورسئده: «چٚره شیوَن وأویلأ کونی؟» جوأب بٚدأ: «می خوداوندٚ جسدَ ببردٚد و نأنٚم کویه بنأدٚد.»

یوحنا 20:28

توما بوگفته: «اَی می خوداوند، اَی خودا جأن.»

اعمالٚ رسولأن 20:24

ولی می جأن مِرِه نی‌اَرزِه مگه اَنکی اونَ او خیدمتٚ رأ دورون بنم کی عیسای خوداوند مٚرَه بیسپأرده و اونَ کأمیل انجأم بدم، ینی خودا فیضٚ اینجیلٚ خورومٚ خٚوٚرَ البأقی آدمأنَ فأرسأنم.

رومیأن 8:18

تومأمٚ اَشأنٚ اَمرأ، سختیأنی کی هسأ تحمول کودأندریم، او جلال و شوکو ورجأ کی دونبألتر خودا اَمی قیسمت کونه، هیچی نییٚه.

رومیأن 8:39

و نه اونچی کی دونیأ بوجؤر و نه اونچی کی دونیأ جیر نٚهأ و نه هیچی دِه تومأمٚ خلقتٚ دورون نتأنه اَمٚرَه جٚه خودا محبت کی در اَمی خوداوند مسیح۫ عیسا نٚهأ، سیوأ وأکونِه.

اوّل قرنتیان 2:2

چونکی خأستیم فقد و فقد دروأره‌یٚ عیسا مسیح و اونی مٚردن صلیبٚ جؤر گب بٚزٚنم.

اوّل قرنتیان 9:10

آیا فیکر نوکونیدی کی اَ فرمأنَ اَمِرِیٚم بٚدأ؟ هطویه، هطو ایسه. خودا اَ حوکمَ بٚدأ تأ نیشأن بٚدأ کی مسیحیأن وأستی خوشأنٚ روحأنی خیدمتگوزأرأنٚ خرجَ فأدٚد. اونی کی زیمینَ اورأنه و خرمن کؤبه، البت وأستی ایتأ سأم جٚه مأصول ببره.

دوم قرنتیان 4:4

شیطان کی اَ دونیأیٚ پورجٚه گونأ حأکیم ایسه، اَ بی‌ایمأنٚ آدمأنٚ چومأنٚ دٚوٚسته کی نٚتأنٚد اینجیلٚ پورجلالٚ نورَ فأندٚرٚد و اَمی پیغأمٚ مأنی‌یَ دروأره‌یٚ مسیح جلال، کی بیدِه نوبوسته خودایٚ قأبیلٚ دئنٚ دیم ایسه، بفأمٚد.

دوم قرنتیان 4:6

چونکی هو خودایی کی بٚفرمأسته: «نور جٚه تأریکی میأن دتأوٚه»، خو نورٚم اَمی دیلأنٚ دورون دتأوأنه، کی بفأمیم اَن اونی پورجلالٚ نور ایسه کی جٚه عیسا مسیح دیم شبق زٚنِه.

افسسیان 4:13

اَ کأر ایدأمه یأفه تأ او وخت کی اَمأن همٚتأن خودا پٚسرٚ شنأخت و اونٚ ایمأن دأشتٚن دورون ایتأ نظر فأرٚسیم و بألغَ بیم و اَمی روحأنی قد و قوأره، مسیح کأمیلٚ قد و قوأره اندأزه فأرٚسِه.

فیلیپیان 1:1

اَ دسخط جٚه پولس و تیموتائوس، مسیح۫ عیسا خیدمتگوزأرأنٚ ور ایسه. اَ دسخطَ فیلیپی شهرٚ همٚتأ موقدسأن رِه کی مسیح۫ عیسا شینٚده، هطویم دینی عألیمأن و خیدمتگوزأرأنٚ رِه نیویسٚم.

فیلیپیان 3:10

خأیم مسیحَ بشنأسم و اونی رستأخیزٚ قودرتَ ایمتحأن بوکونم، و اونی رنجأنٚ دورون سأم بٚدأرم، و اونی مٚردنٚ دورون اونی مأنستَن ببم،

فیلیپیان 3:12

می منظور اَن نییٚه کی اَشأنَ اَسه بٚدٚس بأوٚردٚم، یا اَنکی کأمیلَ بوستم. بلکی تومأمٚ می حقٚ سعیَ زنٚم اونَ بٚدٚس بأوٚرٚم، کی مسیح عیسایٚم اونی وأسی مٚرَه بٚدٚس بأوٚرده.

فیلیپیان 3:7

ولی اَسه تومأمٚ اَ ایمتیأزأنَ کی ایتأ روج مِرِه خٚیلی موهیم بو فیشأدم، کی بٚتأنم می ایمأن و اومیدَ مسیحَ دٚوٚدٚم.

دوم تیموتائوس 4:6

چونکی اَسه ایتأ فوکودنی هدیه مأنستَن، فووستأندأرٚم و می مرگٚ زمأت فأرٚسِه.

عبرأنیأن 3:14

چون اگه تأ آخرپٚسی وفأ بوکونیم و اَمی ایمأنٚ اوّلی روجأنٚ مأنستَن، اَمی ایعتمأدَ خودایَ قأیم بٚدأریم، بأزون مسیحٚ جلالٚ دورون سأم بریم.

۱پطرس 2:7

اَ «سنگ» شِمِره کی ایمأندأر ایسید، خٚیلی بأ اَرزشه، امّا بی‌ایمأنأنٚ رِه هو سنگی‌یَ مأنِه کی دروأره اون بوگفته بوبوسته: «اوسنگی‌یَ کی بنّایأن فیشأدٚده، هو بینأ اصلی سنگ بوبوسته.»

دوم پطرس 1:2

دوعأ کونم کی خودا شٚمٚره خٚیلی فیض و آرأمٚش بٚده، جٚه اَ خأطر کی خودا و اَمی خوداوند عیسا، شنأختٚ رِه روشد بوکودید.

دوم پطرس 1:3

هطویم اون هرچی کی ایتأ زٚندیگی وأسی کی خودایٚم دوس بٚدأره، لأزیم دأریم خو ایلاهی قودرتٚ اَمرأ، اَمٚرَه بخشه و حتّا اَمٚرَه خو جلال و مهرٚوأنی میأن شیریک کونه؛ امّا جٚه اَ خأطر لأزیم ایسه کی اونَ ویشتر و بِیتر بشنأسیم.

دوم پطرس 1:8

اگه وئألید اَ خوروم صٚفٚتأن شیمی میأنی روشد بوکونه و زیأدَ بٚه، جٚه روحأنی صٚفٚتأن پورقودرتٚ بید و اَمی عیسایٚ مسیحٚ خوداوندٚ رِه موفید و پورثٚمٚر بیدی.

دوم پطرس 3:18

بلکی خوداوند و اَمی نیجأت دهنده عیسای مسیحٚ شنأخت و فیضٚ میأن پیشرفت بوکونید کی هرچی جلال و بوزورگی و سٚربولندیه تأ اَبد اونی شین ایسه. آمین.

اوّل یوحنا 1:3

بأز گم، اَمأن شیمی اَمرأ دروأره‌یٚ او چیزی گب زنیم کی خودمأن بیدِییم و بشتأوستیم کی شومأنم اَمی مأنستَن بتأنید خودایٚ پئر و اونی پٚسر عیسایٚ مسیح اَمرأ ایتأ نیزدیکٚ رأبطه بٚدأرید.

اوّل یوحنا 2:19

اَ آدمأن اَمی میأن ایسأ بود، امّا جٚه اَمأن نوبود، چونکی اگه اَطو نوبو اَمی ورجأ ایسأییدی. وختی اَمی جَا سیوأ بوبوستٚد معلوم بوبوسته کی اصلن جٚه اَمأن نوبود.

اوّل یوحنا 5:20

اَنَ دأنیم کی خودا پٚسر بأمؤ و اَمی چومأنَ وأکوده کی رأس‌رأسِی خودایَ بشنأسیم و هسأ اَمأن در خودا ایسأییم چونکی در اونی پٚسر عیسایٚ مسیح قرأر بیگیفتیم. فقد اون رأس‌رأسِی خودا و اَبدی زٚندیگی ایسه.