فیلیپیان 2:30 - Gilaki New Testament

³⁰ چونکی مسیح خیدمتٚ وأسی، خو جأنَ بٚخٚطر تأوٚدأ کی شیمی عوض کی می جَا دوریدی، مٚرَه خیدمت بوکونه.

کیتاب مقدّس به گیلکی (رشتی)

³⁰ چره کی مسیحْ ختمت کودنٚ وأسی تا مرگٚ نزدیکی جُلُو بوشو و جٚه اَ خأطر کی خوأستی شیمی ختمتٚ کم و کسری‌یأنَ جبران بوکونه، خو جانَ بخطر تأودَه.

کتاب مقدس به زبان گیلکی - گویش شرقی

³⁰ چونکه او، مسیح کار ئبه مرده دبو و این وأسی کی شیمئه خدمت کم و کاستی نسبت به مو جوبرؤن ببون، خوشه جؤنه خطر تؤدأ.

کتاب مقدس به زبان گیلکی - گویش رشت و غرب گیلان

³⁰ چونکی اون، مسيحِ کار واسی مردَن دبو و خو جانَ به خطر تَوَده تا شیمی خدمتِ کم و کاستی به من جبران بِبه.

فیلیپیان 2:30 Cross References

اعمالٚ رسولأن 20:24

ولی می جأن مِرِه نی‌اَرزِه مگه اَنکی اونَ او خیدمتٚ رأ دورون بنم کی عیسای خوداوند مٚرَه بیسپأرده و اونَ کأمیل انجأم بدم، ینی خودا فیضٚ اینجیلٚ خورومٚ خٚوٚرَ البأقی آدمأنَ فأرسأنم.

رومیأن 16:4

رأس‌رأسِی خوشأنی جأنَ می وأسی خطرٚ دورون تأوٚدأده و تنأ می وأسی نوبو، بلکی تومأمٚ او کیلیسایأن کی جٚه اوّل یوهودی نوبود، اَشأنی جَا سپأسگوزأرٚد.

اوّل قرنتیان 15:53

چونکی خرأبَ بوستنی جأنأن وأستی خرأبَ نوبوستٚنی جأنأنَ، و جٚه بین شؤئؤنی جأنأن، نیمیرٚ جأنأنَ عوض بٚبٚد.

اوّل قرنتیان 16:10

هر وخت «تیموتائوس» بأیٚه شیمی ورجأ، مهرٚوأنی اَمرأ جٚه اون پذیرأیی بوکونید، چونکی اونم می مأنستَن خوداوندٚ خیدمتَ کونه.

اوّل قرنتیان 16:17

خٚیلی خوشألم کی استیفانُس، فرتوناتوس و اخائیکوس می دِئنٚ رِه بأمؤده اَیَه. اَشأن شیمی خألی جیگأیَ پورَ کونٚده و شیمی عوض مٚرَه کومک کونٚده.

دوم قرنتیان 12:15

منم تومأمٚ می میلٚ اَمرأ حأضیر ایسٚم کی هر چی دأرم و حتّا مٚرَه شیمی فٚدأ بوکونم کی جٚه نظرٚ روحأنی تقویت بیبید؛ گرچی هرچی ویشتر شٚمٚره محبت کونم، شیمی محبت مٚرَه کمترَ بِه!

دوم قرنتیان 4:12

اَمأن اینجیلٚ پیغأمٚ وأگویا کودنٚ وأسی مٚردنٚ اَمرأ روبرو بیم، ولی هه پیغأم، بأعیث بوبوسته کی شومأن اَبدی زٚندیگی‌یَ بیأفید.

فیلیپیان 2:17

ولی حتّا اگه می جأن ایتأ فووُستنی پیشکشٚ مأنستَن، شیمی قوربأنی و خیدمتٚ سٚر کی جٚه شیمی ایمأن ایسه فٚوٚه، خوشألَ بٚم و شیمی همٚتأنٚ اَمرأ شأدی کونم.

فیلیپیان 2:27

حِئقتَ بٚخأیید، اونی مریضی خٚیلی سخت بو و پور بأقی نوبو کی جٚه پأ دکفه. ولی خودا، مٚرَه و اونَ رحم بوکوده و ولأشته کی اَ غورصه‌یٚم می البأقی غورصه‌یأنٚ سٚر بأیٚه.

فیلیپیان 4:10

چنقذر خودا جَا تشکر کونم و اونَ ستأیٚش کونم کی ایوأردِه بأمؤییدی می کومک. دأنٚم کی همیشٚک اَ فیکرٚ دورون ایسأبید، ولی فورصت نأشتیدی اونَ انجأم بدید.

فیلیپیان 4:18

هسأ، همه‌چی دأرم کی حتّا جٚه می نیأز ویشتره؛ و پیشکشأنی کی «اپافرودیتوسٚ» دٚسٚ جَا اوسه کودیدی میأن غولطه خوردأندٚرم، او پیشکشأنی کی خوشبو قوربأنی مأنستَن، خودایَ رأضی کونه.

فیلیمون 1:13

خأستیم اونَ می ورجأ بٚدأرم، تأ اَ زمأتٚ دورون کی اینجیلٚ پیغأمٚ وأگویا کودنٚ وأسی زندأنٚ دورون ایسأم، تی عوض مٚرَه یاور بٚده.

موکأشفه 12:11

اَمی برأرأن "بٚرّه" خونٚ اَمرأ و حِئقتٚ وأگویا کودنٚ اَمرأ، اونی رو پیروزَ بوستد. اَشأن خوشأنٚ جأنَ دریغ نوکودٚده بلکی اونَ خودا خیدمت کودنٚ رِه فٚدأ بوکودٚد.