فیلیپیان 2:26 - Gilaki New Testament

²⁶ اَسه اونَ اوسِه کونم شیمی ورجأ، چونکی اونی دیل شومأن همٚتأنٚ رِه تنگَ بوسته. وختی بشتأوسته شومأن جٚه اونی نأخوش احوألی خٚوٚر دأریدی خٚیلی غورصه‌دأرَ بوسته.

کیتاب مقدّس به گیلکی (رشتی)

²⁶ چره کی موشتاقه شمرَ همه‌تأنَ بیدینه و جٚه اَ خأطر کی بشتأوستیدی اونٚ حال خُب نوبو، ناراحته.

کتاب مقدس به زبان گیلکی - گویش شرقی

²⁶ چونکی او شمه همه ته دئن ئبه مشتاق بو و این واسئه کی بشتؤسه‌بین ناخوشه، پریشونه.

کتاب مقدس به زبان گیلکی - گویش رشت و غرب گیلان

²⁶ چونکی اون، شیمی همتانِ دِئن ره مشتاق بو و اَنه واسی كی بشتاوسته بید ناخوش بُبوسته، پریشانِ.

فیلیپیان 2:26 Cross References

متّی 11:28

بأزین بٚفرمأسته: «می ورجأ بأئید، اَی تومأمٚ زحمتکشأن و رنج بیدِکأن و من شٚمٚره آسأیش فأدٚم.

متّی 26:37

بأزین پطرس و زبدی دوتأ پٚسرَ ینی یعقوب و یوحنایٚم خو اَمرأ ببرد و او حألٚ دورون کی غورصه و پریشأنی تومأمٚ اونی جأنَ بیگیفته بو،

اعمالٚ رسولأن 21:13

ولی پولس بوگفته: «چٚره گریه کونیدی؟ شومأن می دیلٚ ایشکنیدی! من حأضیرٚم نه فقد اورشلیمٚ میأنی زندأنی ببم، بلکی عیسایٚ خوداوندٚ رِه می جأنٚم فأدَم.»

رومیأن 1:11

چونکی خٚیلی شیمی دِئن رِه ذوق دأرم کی بٚتأنم خودا برکتأنٚ جَا شٚمٚره بهره فأدٚم و شیمی ایمأنَ قوّت بدم.

رومیأن 12:15

اگه اینفر خوشأل بٚبه، اونی اَمرأ خوشألی بوکونید و اگه اینفر غورصه بٚدأره، اونی غورصه میأن سأم بٚدأرید.

رومیأن 9:2

می دیلٚ میأن ایتأ جأنسوجٚ درد و تومأمٚ نوبوستٚنی غورصه دأرم.

اوّل قرنتیان 12:26

اَطو ایسه کی، اگه ایتأ عضو جٚه جأن ایتأ دردَ دوچأر بٚبه، تومأمٚ جأنٚ عُصم و اعضأ اونی اَمرأ همدردی کونٚده؛ و اگه ایتأ عُصم و اعضأ رِه گولأز بٚبه، تومأمٚ عُصم و اعضأ اونی اَمرأ خوشألی کونٚده.

دوم قرنتیان 9:14

اَشأن خودا تومأمٚ نوبوستٚنی و عجیبٚ فیضٚ وأسی کی شیمی میأن نیشأن بٚدأ بوبوسته، جولفٚ محبت و شوق و ذوقٚ اَمرأ شِمِره دوعأ کونٚده.

غلاطیأن 6:2

زٚندیگی موشکلأن و مسئله‌یأنَ تحمول کودنٚ میأن کس‌کسَ یاور بیبید، اَطویی به کی "مسیح شریعتَ" انجأم دیهیدی.

افسسیان 3:13

پس، خأهیش کونم جٚه اَ کردکأر کی اَیَه می اَمرأ کونٚده، نأاومید و دیلسرد نیبید. شیمی وأسی ایسه کی من اَ رنج و زحمتأنَ کشئندرم و اَن شٚمٚره وأستی بأعیثٚ ایفتخأر و دیلگرمی بٚبه.

فیلیپیان 1:3

هر وخت شٚمٚره خأطر اَوٚرم، می خودایَ شیمی وأسی شوکر کونم.

فیلیپیان 1:8

فقد خودا دأنه کی جٚه شومأن چی محبت و جولف شوقی عیسا مسیح می دورون بٚنأ.

فیلیپیان 2:25

اَنٚم بٚگم کی، فیکر بوکودم لأزیمه «اپافرودیتوس» هم اوسِه کونم شیمی ورجأ. اونَ اوسِه کوده بید می ورجأ کی وختی ایحتیأج دأرم مٚرَه کومک بوکونه. من و اون رأس‌رأسِی برأرأنٚ مأنستَن بیم و کس‌کسٚ اَمرأ کأر کودیم و جنگستیم.

فیلیپیان 2:27

حِئقتَ بٚخأیید، اونی مریضی خٚیلی سخت بو و پور بأقی نوبو کی جٚه پأ دکفه. ولی خودا، مٚرَه و اونَ رحم بوکوده و ولأشته کی اَ غورصه‌یٚم می البأقی غورصه‌یأنٚ سٚر بأیٚه.

فیلیپیان 4:1

اَی می جأنٚ دیلٚ برأرأن، شٚمٚره خٚیلی دوس دأرم و ایشتیأق اَمرأ شیمی دٚئنٚ رِه چوم بٚرأیٚم، چونکی شومأن می خوشألی و می زحمتأنٚ پأدأشیدی. اَی می جأنٚ دیلأن، خوداوندَ وفأ بوکونید.

۱پطرس 1:6

پس هسأ رأس‌رأسِی شأد بیبید چونکی اَجور ارثی شِمِره نٚهأ، حتّا اگه لأزیم بٚبه ایپچه سختیأن و زحمتأنٚ تحمول بوکونید.