فیلیپیان 1:8 - Gilaki New Testament

⁸ فقد خودا دأنه کی جٚه شومأن چی محبت و جولف شوقی عیسا مسیح می دورون بٚنأ.

کیتاب مقدّس به گیلکی (رشتی)

⁸ خودا شاهده کی خودٚ عیسی مسیحٚ دیلٚ ایحساسأنٚ اَمرأ، شیمی همه‌تأنٚ رِه موشتاقم.

کتاب مقدس به زبان گیلکی - گویش شرقی

⁸ چون خدا می گواه کی چوطو او احساسات همأ کی مسیح عیسی جی سرچشمه گینه، شمه همه ته ئبه مشتاقم.

کتاب مقدس به زبان گیلکی - گویش رشت و غرب گیلان

⁸ چونکی خُدا می گُواهِ كی چطور اُ احساساتِ امرا کی مسیحْ عیسی جا سرچشمه گیره، شُمان همتانِ ره مشتاقم.

فیلیپیان 1:8 Cross References

لوقا 1:78

اَشأن، همه تومأنٚ نوبوستٚنی بخشش و مهرٚوأنی جٚه اَمی خودایه. کی بوزودی صُبٚ دٚم جٚه آسمأنٚ لچه اَمٚرَه دتأوٚه

رومیأن 1:9

خودا شأهیده کی من تترج شِمِره دوعأ کونم و شبندروج شیمی ایحتیأجأنَ اونی حوضور بٚرٚم، او خودا حوضور کی می تومأمٚ دیلٚ اَمرأ اونَ خیدمت کودأندرم و اونی اینجیلٚ خوروم خٚوٚرَ کی دروأره‌یٚ اونی پٚسر عیسا مسیحه، البأقیأنٚ رِه وأگویا کونم.

رومیأن 9:1

مسیحَ شأهید گیرم کی تومأمْ حِئقتَ گفتأندرم. می ویجدأنٚم روح‌القدس اَمرأ اَنَ تصدِق کونه.

دوم قرنتیان 13:9

رأضی ایسیم کی سوست بئیسیم ولی شومأن پورقوّت بیبید. اَمی پیله دوعأ و آروزو اَن ایسه کی شومأن شیمی مسیحی ایمأنٚ دورون بوجؤر بوجؤرأنَ فأرسید.

دوم قرنتیان 6:12

ولی اگه هنو اَمی میأن سردی نٚهأ، اَمی بی‌محبتی وأسی نییٚه، بلکی جٚه کمی شیمی محبت ایسه.

دوم قرنتیان 7:15

اَسه تیتوسٚ محبت شٚمٚره جٚه پیشترأن ویشترَ بوسته، چونکی جٚه خأطرَ نٚده کی شومأن چوطو ترسِئن و ایحترأمٚ اَمرأ اونَ قوبیل بوکودید، و جأن و دیلٚ اَمرأ اونی گبأن و رأنمأییأنَ انجأم بدأیید.

غلاطیأن 1:20

خودا شأهیده کی اَ چی‌یَ کی نیویسٚم عَینٚ حِئقته.

غلاطیأن 3:26

چونکی اَمأن همٚتأن عیسایٚ مسیحَ ایمأن دأشتنٚ وأسی خودا زأکأنیم

غلاطیأن 4:19

اَی می جأنٚ دیلٚ زأکأن، ایوأردِه شٚمٚره می جأن میأن ایتأ مأرٚ مأنستَن کی فأرقَ بوستن وأسی، ایحسأسٚ درد کونم، تأ مسیحٚ شیکل شمأیل بیبید!

فیلیپیان 2:1

پس هوطو کی دیلگرمیدی جٚه اَ خأطر کی مسیحٚ شینیدی، اگه اونی محبتٚ جَا تسلی بیأفتیدی، اگه در روح‌القدس، کس‌کسٚ اَمرأ ریفأقت و موشأرکت دأشتنٚ جَا بهره بریدی، و اگه دیلسوج و هم‌غورصه‌ییدی،

فیلیپیان 2:26

اَسه اونَ اوسِه کونم شیمی ورجأ، چونکی اونی دیل شومأن همٚتأنٚ رِه تنگَ بوسته. وختی بشتأوسته شومأن جٚه اونی نأخوش احوألی خٚوٚر دأریدی خٚیلی غورصه‌دأرَ بوسته.

فیلیپیان 4:1

اَی می جأنٚ دیلٚ برأرأن، شٚمٚره خٚیلی دوس دأرم و ایشتیأق اَمرأ شیمی دٚئنٚ رِه چوم بٚرأیٚم، چونکی شومأن می خوشألی و می زحمتأنٚ پأدأشیدی. اَی می جأنٚ دیلأن، خوداوندَ وفأ بوکونید.

کولسیان 2:1

کأشکی بٚدأنستِبید کی من شیمی وأسی و لائودیکیه و البأقی مسیحیأن کی خودشأن مٚرَه نیدِده، چی دیل سوجی اَمرأ دوعأ کونم.

کولسیان 3:12

اَسه کی خودا شٚمٚره دؤجین بوکوده تأ ایتأ موقدسٚ قوم بیبید کی اونٚ محبتٚ میأن ایسأ، پس شفقت و دیلسوجی، مهرٚوأنی، فروتنی، مولأیٚمت و صبر و تحمولٚ لیوأسَ شیمی جأن دوکونید

اوّل تسالونیکیان 2:5

خودتأن وأخب ایسید کی اَمأن هیوخت حقٚ سعی نٚزِئیم کی چرب زوأنی اَمرأ، شیمی فیکرَ اَمی ور فأکٚشأنیم؛ جٚه اَمی ایرتیبأط شیمی اَمرأیٚم مألی نفع بردنٚ وأسی ایستفأده نوکودیم، خودا خودش شأهید ایسه.

اوّل تسالونیکیان 2:8

اَمی علأقه و محبت شیمی وأسی اَنقد زیأد بو کی نه تنأ خودا پیغأمَ، بلکی خودمأنٚ جأنٚم شِمِره بنأئیم.

دوم تیموتائوس 1:4

نأنی چنقذر دوس دأرم تٚرَه بیدینٚم و تأ چنقذر تی دووأره دِئنٚ جَا خوشألٚ بٚم، چونکی همیشٚک هو آرسویأنی کی سیوأ بوستنه زمأت فوکودی، به خأطر اَوٚرم.

فیلیمون 1:12

اَسه کی اونَ وأگردأنٚم تی ورجأ، تومأم اَنَ مأنه کی می دیلَ اوسه کونم.

فیلیمون 1:20

اَطویی، می جأنٚ برأر، اَ محبتَ می حق دورون بوکون کی می دیل کی خسته‌‌ ایسه خوشألَ به و مسیحَ شوکر بوکونم.

اوّل یوحنا 3:17

امّا اونی کی ایدعأ کونه مسیحی ایسه و مأل و مینألٚ جَا شرأیطٚ خُبی دأره، اگه خو همنو ایحتیأجأنَ دینه و اونَ یاور نٚده، چوطو ایمکأن دأره خودا محبت اونی دیلٚ دورون حأکیم بٚبه؟