فیلیپیان 1:11 - Gilaki New Testament

¹¹ هطویم نیجأتٚ ثمره‌یأنٚ جَا پور بیبید ینی او عیدألت کی جٚه عیسا مسیح ور بٚدٚس اَیِه و خودا جلال و ستأیٚشَ بأعیث بِه.

کیتاب مقدّس به گیلکی (رشتی)

¹¹ و پور جٚه پارسایی ثمره‌یأن بیبید کی عیسی مسیح شیمی زندیگی دورون به بار اَوره و اونٚ نتیجه خودا ستایش و جلال به.

کتاب مقدس به زبان گیلکی - گویش شرقی

¹¹ صالحی ثمره اجی پور ببین کی بواسیطه عیسی مسیح، خدا جلال و ستایش گودنه رسنه.

کتاب مقدس به زبان گیلکی - گویش رشت و غرب گیلان

¹¹ صالحی ثمره جا پُر بیبید كی بواسطه ی عيسی مسيح بار آوره و به خُدا جلال و ستایش کودن فارسه.

فیلیپیان 1:11 Cross References

متّی 5:16

اَطویی، وئألید شیمی خورومٚ کردکأرأن نورٚ مأنستَن مردومٚ رو دتأوٚه، کی اوشأن اَ کردکأرأنٚ بیدینٚد و شیمی آسمأنی پئرَ ستأیٚش بوکونٚد.

یوحنا 15:16

«شومأن مٚرَه اینتخأب نوکودیدی، من شٚمٚره اینتخأب بوکودم و شٚمٚره اوسه کودم کی بیشید و مِیویأنی بأوٚرید کی بمأنه، تأ هر چی خأییدی، می نأم اَمرأ بیگید و می پئرٚ جَا فأگیرید.»

یوحنا 15:2

اون هرتأ خألَ کی مِیوه نٚده، وأوینه و خألأنی‌یَ کی مِیوه دِهه، هرس کونه کی ویشتر مِیوه فأدَه.

یوحنا 15:8

می رأس‌رأسِی شأگردأن خٚیلی حأصیل دیهیدی و اَن می پئرَ جلال دِهه و اونَ پیلّه کونه.

رومیأن 15:28

هطوکی اَ پیشکشَ مقصدَ فأرسأنم و اَشأنٚ خورومٚ کأرَ تومأنَ کونم، می رأ سٚر اسپانیا شؤئؤنٚ رِه، شیمی دِئنٚ وأسی اَیٚم

رومیأن 6:22

ولی اَسه شومأن گونأ قودرتٚ جَا آزأدَ بوستیدی و خودا خیدمتٚ دورون ایسأییدی؛ هنٚ وأسی، اونم شٚمٚره هر روج پأکیزه‌تر و بألیأقت‌ترَ کونه کی آخرپٚسی، اَبدی زٚندیگی شیمی سأم بٚبه.

اوّل قرنتیان 10:31

شیمی سوألٚ جوأب اَن ایسه: تومأمٚ شیمی کأرأن، حتّا شیمی خوردن و وأخوردن، همه وأستی خودا جلال و بوزورگی رِه بٚبه.

دوم قرنتیان 9:10

ولی خودا کی کیشأورزٚ رِه دأنه آمأده کونه کی بکأره و اوچینه و بوخوره، شٚمٚره‌یٚم دأنه فرأوأن عطأ کونه کی بٚکأرید، و شیمی مأصولَ برکت فأدِه کی بتأنید، جٚه اون البأقیأنٚ کومکٚ رِه اَندر کی بِه ویشتر، ایستفأده بوکونید.

افسسیان 1:12

خودا نیّت جٚه اَ کأر اَن بو کی اَمأن یوهودیأنَ جٚه او خأطر کی اوّلی کسأنی بیم کی مسیحَ ایمأن بأوٚردیم، اونَ او لوطف وأسی کی اَمِرِه بوکوده، ستأیٚش بوکونیم.

افسسیان 1:14

و روح‌القدسٚ وجود اَمی میأن، ضمأنت دِهه کی خودا هر چی وعده بٚدأ، اَمٚرَه بخشه. خودا روحَ مُهر اَمی رو نیشأن دِهه کی خودا اَمرأ جٚه قبل بیهِه و تضمین بوکوده کی اَمٚرَه خو ور ببره. اَنٚم خؤرَه ایتأ دلیله کی اَمی پورجلالٚ خودایَ ستأیٚش بوکونیم!

افسسیان 2:10

چونکی اَمأن خودا دٚسٚ چأکوده ایسیم و در مسیحٚ عیسا خلق بوبوستیم کی خوروم کأرأن انجأم بٚدیم، او کأرأنی کی خودا جٚه پیشتر حأضیرَ کوده کی اونی دورون آرأم بیگیریم.

افسسیان 5:9

اگه اَجور نور شیمی وجود میأن نٚهأ، وأستی شیمی کردکأر خُب، دوروست و رأست بٚبه.

فیلیپیان 4:17

البت شیمی پیشکشأنٚ وأسی تشکر کونم، ولی اونچی کی ویشتر مٚرَه خوشأل کونِه اَنه کی شیمی اَ خوروم کأرأنٚ وأسی، خوروم پأدأش فأگیریدی.

کولسیان 1:10

کی اَطویی، کردکأری بٚدأرید خوداوندٚ موقأمٚ اَندر و اوطو زٚندیگی بوکونید کی خودایَ خوش بأیٚه طوری کی هرتأ خورومٚ کأرٚ دورون بأر بأوٚرید و خودا شنأختنٚ دورون پیلّه بید.

کولسیان 1:6

هه پیغأم کی شٚمٚره فأرٚسِه، دونیأ سرتأسرٚ شرأیٚم شِه و همه جیگأ آدمأنٚ زٚندیگی، اَرو اورو کودنٚ اَمرأ بأر اَوٚره، هوطو کی شیمی زٚندیگی‌یَ اَرو اورو بوکود جٚه هو روج کی اونَ بشتأوستید و او حِئقتَ دروأره‌یٚ خودا فیض درک بوکودید.

دوم تسالونیکیان 1:12

بأزون مردوم شیمی کأرأنَ فأندٚرده و اونی وأسی اَمی خوداوند، عیسایٚ مسیحٚ ایسمَ تعریف تمجید کونٚده؛ شومأنم اونی وأسی کی اونی شین ایسید، عیزت و ایحترأم یأفیدی. اَنَ بدأنید کی اَمی خودا و اَمی خوداوند عیسایٚ مسیحٚ لوطف و فیض، تومأمٚ اَ مرتبه‌یأنَ شِمِره فرأهم بوکوده.

تیتوس 3:14

کی اَطویی اَمی کیلیسایأنٚ آدمأن یأد بیگیرٚد کی ضروری نیأزأنٚ رفع کودن و خورومٚ کأرأنٚ انجأم دٚئنٚ رِه تلاش بوکوند و خوشأنٚ زٚندیگی‌یَ بی فأیده نوگذرأند.

عبرأنیأن 12:11

اَ زمأتٚ میأن، هیتأ تِنبیه و اَدب کودن خُب بٚنظر نأیِه، بلکی درد دأره. ولی اونٚ آخرپٚسی ایتأ مأصول جٚه عدل و اینصأفٚ سٚر زٚندیگی کودن کی آرأمٚشٚ اَمرأیه، اوشأنی رِه کی اونی اَمرأ بأمؤخته بوبوستٚد بٚبأر اَوٚره.

۱پطرس 2:12

شیمی دؤرٚور بی‌ایمأنأنٚ ورجأ مورأقبٚ شیمی کردکأر بیبید؛ حتّا اگه اَشأن شٚمٚره بدکأری وأسی موتهم بوکوند، امّا وختی کی مسیح وأگرده، خودایَ شیمی خوروم کأرأنٚ وأسی ستأیٚش کونٚده.

۱پطرس 2:5

تأ شومأنم زٚنده سنگأنٚ مأنستَن، خودا دٚسٚ میأنی، او روحأنی عیبأدتگأ و بینأ چأکودنٚ وأسی ایستفأده بیبید. موهیمتر اَنکی شومأن اَ عیبأدتگأ میأنی ایتأ موقدسٚ کأهینٚم ایسید. پس او روحأنی قوربأنیأنی کی خودا رِه قأبیلٚ قوبیل و پسند ایسه‌یَ عیسای مسیحٚ اَمرأ تقدیم بوکونید.

۱پطرس 2:9

امّا شومأن، اوشأنٚ مأنستَن نیئید. شومأن خودا اینتخأب بوبوستيأن و اَمی پأدیشأ، عیسا کأهینأن و ایتأ موقدسٚ قوم ایسید تأ خودا محبتَ مردومٚ نیشأن بدید، چونکی اون شٚمٚره جٚه ظولومأت به خو عجیبٚ نورأن دعوت بوکوده.

۱پطرس 4:14

خوشأل بیبید، اگه جٚه اَ خأطر کی مسیحی ایسید شٚمٚره فأش بٚدٚد و نیفرین بوکونٚد، چونکی خودا پورجلالٚ روحٚ گرمأیَ حس کونیدی کی تومأمٚ شیمی جأنٚ پورَ کونِه.