فیلیپیان 1:9 - کتاب مقدس به زبان گیلکی - گویش رشت و غرب گیلان

⁹ می دُعا اَنه كی شیمی محبت ويشتر و ویشتر بِبه، دانایی و فهمِ کامل اَمرا بِبه،

کیتاب مقدّس به گیلکی (رشتی)

⁹ می دوعا اَنه کی شیمی موحبت هَطو هَی ویشترَ به و شنأختن و خُب و بدٚ دأنستنٚ اَمرأ همرأه ببه،

Gilaki New Testament

⁹ هنٚ وأسی، دوعأ کونم کی شیمی محبت جٚه رأیٚ شنأخت و فأم و جولف فیکر، هر روج ویشترَ بٚه.

کتاب مقدس به زبان گیلکی - گویش شرقی

⁹ می دعا اینه کی شیمئه محبت ویشتر و ویشتر ببون، دونایی و فهم کامیل همرأ ببون،

فیلیپیان 1:9 Cross References

اوّل قرنتیان 14:20

ای براران، فیکر کودن درون زاکانِ مانستن نیبید، بلکی بَدی کودن درون زاکانِ مانستن بیبید. ولی فیکر کودن درون پیله آدم بیبید.

دوم قرنتیان 8:7

ولی اوجور کی همه چی درون سَرترید، ایمان درون، گب زئن درون، دانایی درون، بی ریایی درون و شیمی محبت نسبت به امان- پس اَ کار خیر درونم همه کَس جا سَرتر بیبید.

افسسیان 5:17

پس نادان نیبید، بلکی بفهمید خُداوند اراده چیسه.

کولسیان 1:9

اَنه واسی، امانَم جه اُ روج کی اَنه بیشتاوستیم، شمرأ دُعا کودن جا دَس نکشه ئیم، و خُدا جا خوائیم تا شُمان اونِ اراده ی ایشناختنِ امرا، هر حکمت و روحانی فَهم درون پُر بیبید،

کولسیان 3:10

و تازه آدم رختَ دکودیدی، کی حقیقی معرفتِ درون هر دَم تازه به تا خو خالق مانستن بِبه.

اوّل تسالونیکیان 3:12

و هُطوکی اَمی محبت، شمرأ ویشترَ بوستن دَره، خُداوند شیمی محبتَ همدیگرِ ره و تمان مردوم ره زیاد و لبریز بُکونه.

اوّل تسالونیکیان 4:1

آخربسر، پس، اَی براران، امان خُداوند عیسی درون شیمی جا خوائیم و التماس کونیم، هُطوکی اَمی جا شمرأ فاراسه کی چطو بایستی زیندگی بُکونید و خُدایَ راضی بُکونید، هَطوکی انجام دیئیدی، اَ کارَ ویشتر و ویشتر بُکونید.

دوم تسالونیکیان 1:3

ای براران، امان بایستی همیشک خُدایَ شیمی واسی شُکر بُکونیم، دُرُستشَم هَنه، چونکی شیمی ایمان هَطو رشد کودَن دَره، و هرتا جه شیمی محبت همدیگرِ ره ویشترَ به.

فیلیمون 1:6

و دعا کونَم مشارکتی کی تی ایمانِ درون دَری، کمک بُکونه و مسیحِ خاطری هر خُبِ چی باره کی اَمی درون دَره، ایتا تمان و کمالِ شناختَ ثمر باوَره.

عبرأنیأن 5:14

ولی سنگینِ غذا پیله آدمانِ شینه، اوشانِ ره کی خوشانِ قوه ی تشخیصَ زیادی تمرینِ اَمرا، اوجور تربیت بکودید کی بتانید بَد و خُبَ تشخیص بَدید.

۱پطرس 1:22

هسّا کی اطاعتِ امرا، حئیقتِ جا شیمی جانانَ پاک بُکودید، تا بی ریا برارانه محبت بدَرید، همدیگرَ خالصانه و پاکِ دیلِ امرا دوست بدَرید.

دوم پطرس 3:18

بلکی اَمی خُداوند و نجات‌دهنده عیسی مسیحِ فیض و شناختِ درون رشد بُکونید، کی اونَ جه الان تا به ابد جلال بِبه! آمین.