फिलिप्पी 3:20 - गढवली नयो नियम

²⁰ पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।

Garhwali

²⁰ मगर हम त स्वर्ग का नागरिक छां, जख बटि हम लोगु तैं छुटकारा देण वळा प्रभु यीशु मसीह को वापिस औण को इंतजार बड़ी खुशी से कना छां।

फिलिप्पी 3:20 Cross References

मत्ती 19:21

यीशु ल वेमा बोलि “तु जु सिद्ध हूंण चांणि छै त जा अर अपड़ी चीज बस्ति तैं बेचि के गरीब गरबों तैं देदि अर त्वे तैं स्वर्ग का राज्य मा धन मिललो अर मेरू चेला बंणि के मेरा पिछनैं हवे जा।

लूका 12:21

इन ही वे आदिम का दगड़ी होलो जु सब कुछ अफ कु कठ्ठा करदो अर जु अफ कु धन बटोरदु च पर परमेश्वर कि सेवा कनु कु अपड़ी तागत अर धन कु इस्तेमाल नि करदो।

लूका 14:14

तब तु धन्य हवे जैलि किलैकि ऊंमा त्वे तैं लौटाणु कु कुछ नि च, पर त्वे तैं जब धर्मी लुखुं कु ज्यून्दो हूंण होलो तब परमेश्वर तुम तैं प्रतिफल दयालो।

खास चेलों 1:11

अर ऊंमा बोलि “हे गलील जिला का मनिख्युं तुम किलै खड़ो हवे के आकाश जनै दिखणा छा? यु उ ही यीशु च जै तैं पिता परमेश्वर ल तुम मा बट्टी स्वर्ग मा ली येलि ठिक इन ही के दुबारा आलो, जन के तुम ल वे तैं स्वर्ग मा जांण देखि।”

1 कुरिन्थि 1:7

इन ही कै तुम मा हरेक आत्मिक वरदान च, ज्यांकी तुम तैं जरूरत च, अर तुम तैं हमारा प्रभु यीशु मसीह का वापिस आंण कु इन्तेजार करदां।

1 कुरिन्थि 15:48

जु लोग ईं धरती बट्टी जुड़यांं छिनी, उ धरती का पैला आदिम, आदम का जन छिनी; पर उ लोग जु स्वर्ग बट्टी जुड़यांं छिनी, उ स्वर्ग का आदिम, मसीह का जन छिनी

2 कुरिन्थि 4:18

अर हम त दिखीं चीजों तैं न पर अणदिखीं चीजों तैं दिखदी रौंदयां, किलैकि दिखीं चीज त थोड़ा ही दिनों की छिनी, पर अणदिखीं चीज सदनी बंणि रौंदींनि।

2 कुरिन्थि 5:8

इलै हम निश्चित रौंदियां, अर जब हम मुरुला त प्रभु का दगड़ी रौंण और भि उत्तम समझदियां।

गलातियों 4:26

पर स्वर्गीय यरूशलेम अब्राहम की जनन सारा का जन छिनी, अर वेका नौंना गुलाम नि छिनी। यु यरूशलेम हमारी ब्वे का जन च, जु विश्वास करद।

इफिसुस 2:19

इलै तुम अन्यजाति अर परदेशी मुसाफिर नि रयां, पर पवित्र लुखुं का दगड़ी नागरिक छा अर परमेश्वर का कुटुम्ब का लोग छा।

इफिसुस 2:6

किलैकि पिता परमेश्वर ल हम तैं यीशु मसीह का दगड़ी मुर्दों बट्टी ज्यूँदो कैरी, अर वेल मसीह का दगड़ी हमारा सम्बंध का कारण स्वर्ग मा हम तैं मसीह का दगड़ी जगह दीं च।

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

कुलुसी 1:5

तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

1 थिस्सलुनीकी 4:16

किलैकि प्रभु यीशु अफी ही स्वर्ग बट्टी उतरलो; वे बगत ऊंची आवाज, अर प्रधान स्वर्गदूत कु शब्द सुणेलु, अर पिता परमेश्वर को बिगुल गुंजलो, अर वे बगत जु लोग मसीह पर विश्वास कैरी के मोरि गैनी, उ पैली ज्यून्दा हवे उठला।

2 तीमुथियुस 4:8

प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

इब्रानी 12:22

तुम सिय्योन डांडा पर अयां छा, जख स्वर्गीय यरूशलेम शहर च, जु ज्यून्दा परमेश्वर कु शहर च; अर जख लाखों स्वर्गदूत आनन्द-उत्सव मणौंदींनि,

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।