फिलिप्पी 2:6 - गढवली नयो नियम

⁶ उ हर ढंग से पिता परमेश्वर का जन छो फिर भि मसीह ल परमेश्वर दगड़ी अपड़ी बराबरी तैं बणये रखण सै नि समझी।

Garhwali

⁶ किलैकि परमेस्वर का बराबर होण पर भि वेन वे पद की धौंस नि जमै,

फिलिप्पी 2:6 Cross References

मत्ती 1:23

देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 10:30

मि अर पिता परमेश्वर एक ही छा।

यूहन्ना 10:33

यहूदियों ल यीशु तैं जवाब दे, भला कामों कु हम त्वे पर ढुंग्यो नि करदां पर परमेश्वर कि बुरै कने का वजा से अर इलै की तु मनिख हवे के अपड़ा आप तैं परमेश्वर कु दावा करदु।

यूहन्ना 10:38

पर जु मि बुल्द छों, त चाहे मेरू विश्वास नि भि कैरा, पर ऊं कामों पर विश्वास कैरा, तब तुम तैं पता चलालो की पिता परमेश्वर मि मा रौंदु, अर मि पिता परमेश्वर मा रौंदु।

यूहन्ना 14:28

तुम ल सुणैयेलि कि मिल तुम मा बोलि, मि जांणु छौं अर तुम मा फिर औलु जु तुम मि से प्रेम रखदा त ईं बात से खुश हूंद्यां कि मि बुबा मा जांणु छौं किलैकि बुबा मि से जादा बड़ो च।

यूहन्ना 14:9

यीशु ल वेमा बोलि, “हे फिलिप्पुस मि इथग दिनों बट्टी तुमारा दगड़ा मा छौं क्य तु मि तैं नि जंणदी? जैल मि देखु वेल बुबा तैं देखेलि। तू किलै बुल्णी छै कि बुबा हम तैं दिखै द्या?

यूहन्ना 17:5

अब हे पिता परमेश्वर तु अपड़ी उपस्थिति मा मेरी बड़ै कैर, उ बड़ै मेरी छै, जु दुनिया की सृष्टि से पैली तुम दगड़ी छै।

यूहन्ना 20:28

यु सूंणि कै थोमा ल जवाब दींनि, “हे मेरा प्रभु, हे मेरा परमेश्वर।”

यूहन्ना 5:18

किलैकि यीशु ल यु शब्द बोलि इलै यहूदियों का अगुवा ल अर भि जादा वे तैं मरणै की कोशिश कैरी कि उ भस यहूदियों कु विश्राम कु दिन जु परमेश्वर को पवित्र दिन च कि विधि तैं तुड़द, पर परमेश्वर तैं अपड़ो बुबा बोलि के अफ तैं परमेश्वर का तुल्या ठैरांदु च।

यूहन्ना 5:23

पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।

रोमियों 9:5

अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

2 कुरिन्थि 8:9

तुम हमारा प्रभु यीशु मसीह की दया तैं जंणदा छा, कि उ धनी हवे के भि तुम कु कंगाल बंणि गै कि मसीह का कंगाल हूंण ल तुम सभि धनी हवे जावा।

1 तीमुथियुस 1:17

अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

इब्रानी 1:6

अर यां से पैली कि, पिता परमेश्वर ल अपड़ा बड़ा महान अर पैला नौंना तैं दुनिया मा भेजि, त बुल्द, “पिता परमेश्वर का सभि स्वर्गदूत वे तैं दण्डवत् कैरी के वेकी आराधना कैरा।”

इब्रानी 1:8

पर नौंना का बारा मा बुल्द, “हे परमेश्वर, तेरु राज्य हमेशा तक बणयूँ रौ, उ अपड़ा राज्य का मथि न्याय से राज्य करद।

इब्रानी 13:8

यीशु मसीह ब्यालि अर आज अर हमेशा एक ही जन च, उ कभी नि बदलद।

दिब्य दरस 21:6

फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।