फिलिप्पी 2:22 - गढवली नयो नियम

²² पर तुम जंणदा छा कि तीमुथियुस ल कन कै दिखै की उ वफादार च कि जन नौंनो बुबा दगड़ी काम-काज करदो, उन ही वेल भि शुभ सन्देश का फैलांण मा मि दगड़ी मेहनत कैरी।

Garhwali

²² मगर तीमुथियुस कथगा काबिल च ईं बात का बारा मा तुम भौत अच्छे जणद्‍यां, कि वेन परमेस्वर का शुभ समाचार तैं फैलाण मा ठिक उन्‍नि मदद कैरी जन एक नौनु अपणा पिता की मदद करदु।

फिलिप्पी 2:22 Cross References

खास चेलों 16:2

उ लुस्त्रा शहर अर इकुनियुम का विश्वासी भयों मा सुनाम छो।

रोमियों 5:4

अर परमेश्वर हम तैं अपणौद किलैकि हम ल धीरज रखण सिख्यूं च, इलै हम तैं आस च;

1 कुरिन्थि 16:10

जु तीमुथियुस तुम मा कुरिन्थुस शहर ओ, त वेको अपड़ा बीच मा स्वागत करयां; किलैकि उ मि जन प्रभु कु काम करद।

1 कुरिन्थि 4:17

इलै मिल तीमुथियुस तैं जु प्रभु मा मेरू प्रिय अर विश्वासयोग्य नौंनो च, तुम मा भेजि, कि उ तुम तैं मसीह यीशु मा मेरू जीवन जींण कु ढंग याद दिलालो, जन कि मि हरेक जगह मण्डलियों मा उपदेश दींदु।

2 कुरिन्थि 2:9

किलैकि मिल इलै भि लिखीं छो, कि तुम तैं परखि ल्यूं, कि तुम मेरी आज्ञाओं तैं मनणु कु तैयार छा, कि न।

2 कुरिन्थि 8:22

अर हम ल ऊं दगड़ी अपड़ा दुसरा भयों मा बट्टी भि कै तैं भिजणा छा, जै तैं हम ल बार-बार परखि के भौत सी बातों मा उत्साहित पै; पर अब तुम पर वे तैं भौत भरोसा च, इलै उ और भि जादा उत्साहित च।

2 कुरिन्थि 8:24

इलै अपड़ो प्रेम अर हमारो उ गर्व जु तुम्हरा बारा मा च मण्डलि का संमणी ऊं तैं साबित कैरी के दिखावा।

2 कुरिन्थि 8:8

मि आज्ञा की रीति पर त न, पर दुसरों का उत्साह बट्टी तुम्हरा प्रेम की सचै तैं परखणु कु बुल्णु छो।

फिलिप्पी 1:12

हे विश्वासी भयों, मि इन चांदु, कि तुम यु जणिल्या कि जु मि पर बीति, भौत लुखुं कु शुभ सन्देश पर विश्वास कनु कु कारण बंणि।

फिलिप्पी 1:16

उ सभि यु इलै करदींनि किलैकि उ मि बट्टी प्रेम करदींनि, अर उ जंणदा छिनी कि मसीह का बार मा जवाब दींण अर शुभ सन्देश का कारण मि तैं बंधि बणै के जेल मा डलला।

फिलिप्पी 1:7

यु ठिक च कि मि तुम सभियूं कु इन ही विचार कैर, किलैकि मि तुम बट्टी भौत प्रेम करदु, जब की मि एक बंधि छों अर शुभ सन्देश कु जवाब प्रमाण दींण मा तुम सभि भि पिता परमेश्वर कि कृपा मा मि दगड़ी छा।

फिलिप्पी 2:20

किलैकि मि मा इन बरतौ कु कुई और नि च, जु सच्चा मन बट्टी तुमारी चिंता कैरो।

1 तीमुथियुस 1:18

हे नौंना तीमुथियुस, य आज्ञा जु मि त्वे तैं दींणु छो; मि त्वे तैं ऊं बातों तैं याद कनु कु बुल्णु छो जु पुरणा बगत मा परमेश्वर का तरपां बट्टी बुल्ण वलो ल बोलि उ त्वे दगड़ी होली; झूठा शिक्षकों का विरोध मा अर विश्वास का प्रति अच्छी लड़ै तैं लड़दी रौ।

1 तीमुथियुस 1:2

मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।

1 तीमुथियुस 4:6

जु तू विश्वासी भयों अर बणौं तैं हमेशा याद दिलौणु रौ, कि ज्वा शिक्षा मिल त्वे तैं द्ये अर तिल मांणी भि छिनी, तू विश्वास का संदेश अर अच्छी शिक्षा का द्वारा मजबूत किये गै, त तू मसीह यीशु कु एक अच्छो सेवक छै अर यां बट्टी तेरु पालन-पोषण हमेशा हूंणु रौ।

2 तीमुथियुस 1:2

हे तीमुथियुस, मि त्वे तैं या चिठ्ठी लिखणु छो, अर तु मि कु एक प्रिय नौंना का जन छै, अर मि प्रार्थना करदु, कि पिता परमेश्वर अर हमारा प्रभु यीशु मसीह कि तरपां बट्टी त्वे तैं कृपा दया अर शान्ति मिल्दी रौ।

2 तीमुथियुस 3:10

पर हे तीमुथियुस, तु जणदी ही छै, कि मि क्य सिखांदु छो अर तिल मेरी सी चाल-चलण मा, अच्छी मनसा मा, विश्वास, सहनशीलता, प्रेम, सब्र रखण मा,

तीतुस 1:4

मि य चिठ्ठी तीतुस तैं लिखणु छों, तू मेरा अपड़ा नौंना जन छै, किलैकि तू भि मसीह पर विश्वास करदी छै जन मि करदु; परमेश्वर पिता अर हमारा उद्धारकर्ता मसीह यीशु कि तरपां बट्टी त्वे तैं कृपा अर शान्ति मिलदी रौ।