फिलिप्पी 2:2 - गढवली नयो नियम

² त फिर मेरा यु आनन्द तैं इन कै पूरो कैरा कि एक मन रावा अर एक ही प्रेम अर एक ही मनसा रखा।

Garhwali

² इलै मि भि इन चान्दु कि तुम एक-दुसरा से और भि जादा प्यार करा। अर एक मन ह्‍वेके रा, अर इन सोच रखा कि तुम सभ्या का सभि एक जन ही छाँ, अर अगर जु तुम इन करिल्या त यां से मितैं बड़ु आनन्द मिललु।

फिलिप्पी 2:2 Cross References

यूहन्ना 3:29

ब्योला ब्योली से ब्यो कैरी के वीं दगड़ी ही खड़ो हुंदू अर वे तैं सुंणदो च, ब्योला का शब्दो बट्टी भौत खुश हुंदू, अब मेरी या खुशी पूरी हवे गै अर मेरू मन आनन्द बट्टी भुरे गै।

खास चेलों 1:14

यु सभि जनन जु उख छै जौं ल यीशु की मदद कैरी छै, अर यीशु की ब्वे मरियम अर यीशु का भैय प्रेरित का दगड़ा अक्सर एकटक पिता परमेश्वर बट्टी प्रार्थना कन मा लगयां छा।

खास चेलों 2:1

यहूदियों का पिन्तेकुस्त का त्यौहार का दिन, त सभि चेला एक जगह मा कट्ठा हुयां छा।

खास चेलों 2:46

उ हरेक दिन एक मन हवे के पिता परमेश्वर बट्टी यरूशलेम शहर का मन्दिर मा कट्ठा हूंद छा अर घौर-घौर मा प्रभु भोज लींदा छा अर सच्चा मन दगड़ी रै के खांणु खांदा छा।

खास चेलों 5:12

प्रेरितों का द्वारा भौत चिन्ह अर चमत्कार का काम लुखुं का बीच मा दिखै जांदा छा अर मसीह का विश्वासी सब एक चित हवे कै राजा सुलैमान का चौका मा कट्ठा हूंद छा।

रोमियों 12:16

एक दुसरा कु उथग ही ध्यान रखा जथग अपड़ो रखद्यां; घमण्ड नि कैरा पर सीधा लुखुं का दगड़ा मा संगति रखा; अर अपड़ी नजर मा बुद्धिमान नि हो।

1 कुरिन्थि 1:10

हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

2 कुरिन्थि 13:11

हे विश्वासी भयों, खुश रावा; सिद्ध बणदी जावा; मेरी सलाह सूंणा; एक ही मन रावा; मेल से रावा, अर प्रेम अर शान्ति कु दाता पिता परमेश्वर तुम दगड़ी होलो।

2 कुरिन्थि 2:3

अर मिल यु ही बात तुम तैं इलै लिखीं, कि कखी इन नि हो, कि मेरा आंण पर जौं मा मि तैं खुशी मिलण चयणी च, मि वेमा दुखी नि हवे जौं; किलैकि मि तैं तुम सभियूं पर ईं बात कु विश्वास च कि जु मेरी खुशी च, व ही तुम सभियूं की भि खुशी च।

2 कुरिन्थि 7:7

अर न भस वेका आंण से पर वेकी वीं शान्ति बट्टी भि, जु तीतुस तैं तुम्हरी तरपां बट्टी मिली छै; अर वेल तुम्हरी इच्छा, अर तुम्हरा दुःख अर मि कु तुम्हरी धुन कु खबर हम तैं सुणै, ज्यां बट्टी हम तैं अर भि खुश हवे।

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

फिलिप्पी 2:20

किलैकि मि मा इन बरतौ कु कुई और नि च, जु सच्चा मन बट्टी तुमारी चिंता कैरो।

फिलिप्पी 4:2

मि यूओदिया अर सुन्तुखे द्वी बैंणों बट्टी बिनती करदु, कि उ प्रभु मा एक मन रौनु।

कुलुसी 2:5

किलैकि मि तुम से दूर छौं, तब भि आत्मिक रूप बट्टी तुमारा नजदीक छौं, अर मि खुश छों कि तुम कठ्ठा छा अर तुम अपड़ा विश्वास मा जु यीशु मसीह मा जीवन जींणा छा।

2 थिस्सलुनीकी 2:13

हे विश्वासी भयों, अर हम तैं लगातार पिता परमेश्वर कु धन्यवाद कन चयणु च किलैकि प्रभु तुम बट्टी प्रेम करद। किलैकि पिता परमेश्वर ल दुनिया की सृष्टि से पैली ही तुम तैं चुणि कि तुम तैं बचै साको; उ पवित्र आत्मा का कामों का द्वारा जु तुम तैं पवित्र बणांद अर तुमारा द्वारा प्रभु यीशु मसीह का बारा मा सच्चा संदेश पर विश्वास कन से तुम तैं बचांद की तुम उद्धार पां।

2 तीमुथियुस 1:4

जब हम अलग हवे छा, मि तैं याद च कि तू कथग रौवे छै, मि रात-दिन त्वे बट्टी मिलणै कि लालसा करदु कि त्वे बट्टी मिली के खुश हवे जौं।

फिलेमोन 1:20

इलै हे मेरा दगड़िया, या खुशी प्रभु मसीह मा मि तैं तेरी तरपां बट्टी मिलो, जु एक विश्वासी दगड़िया का रूप मा इन कैरी के मि तैं उत्साहित कैरी।

2 यूहन्ना 1:4

जब मिल सूंणि त मि भौत खुशी हवे कि तेरु कुछ नौंना वीं सचै तैं मांणी के जींणा छिनी, जै तैं हमारा पिता परमेश्वर ल हम तैं कनु कु बुल्युं च।

3 यूहन्ना 1:4

जब भि मि यु सुणदु छो कि उ लोग जु मेरा नौंना का जन छिनी, अर उ उन के जीवन ज्यूदींनि, जु सच मा पिता परमेश्वर ल हम तैं बतै, त यां बट्टी मि तैं और भि जादा खुशी मिलदी।