फिलिप्पी 4:7 - परमेश्‍वरए ताँ तमु क्युइर

⁷ झाइले सैंज्यै आमैंबै परमेश्‍वरए शान्‍तिजी क्हेमैंए नरिबै सैं नेरो प्ल्होंरिबै खोंलाइ येशूउँइँले छिं ङ्हाँन् लमिंब्मुँ।

फिलिप्पी 4:7 Cross References

भजनमैं 29:11

तोंन् तलेया याहवेहजी ह्रोंसए म्हिमैंए सैं ढुक्‍का लमिंम्। तलेबिस्याँ याहवेहजी ह्रोंसए म्हिमैंलाइ भों पिंम्।

भजनमैं 85:8

याहवेह परमेश्‍वरजी बिबै ताँमैं ङ थेरिब्मुँ, तलेबिस्याँ खीए म्हिमैंने खीजी शान्तिए ताँ पोंब्मुँ। दिलेया चमैं धबै आछ्याँबै घ्याँर आप्ररिगे!

हितोपदेश 2:11

छले च्हैंब्-मैंब् लल् खाँबइले आछ्याँबै केउँइँले क्हि फ्रेब्मुँ, ह्रब-सेब तल् खाँसि क्हि दुष्‍टमैंउँइँले जोगेब्मुँ।

हितोपदेश 4:6

बुद्धिए ताँलाइ तो धोंइ आङ्हाँन्, चइ क्हिए रक्षा लब्मुँ; चलाइ म्हाँया लद्, चइ क्हिलाइ छेनाले डोरेब्मुँ।

हितोपदेश 6:22

क्हि प्रमा चइ घ्याँ तेंब्मुँ; धै क्हि रोरिमैं या च क्हिनेन् तब्मुँ; क्हि छोरमा चइ क्हिलाइ लोदा-सैंदा लब्मुँ।

लूका 1:79

झाइले मिछु खैबर टिब्मैं नेरो कालए सुँर फेल् म्हैब्मैंइ चारबै ह्‍वे योंब्मुँ, धै च ह्‍वेइ ङ्यो शान्तिए घ्याँर डोरेब्मुँ।”

लूका 2:14

“स्वर्गरि परमेश्‍वए मिं थेब तरिगे, धै पृथ्‍बीरि खीजी त्‍हाँबै म्‍हिमैंने शान्‍ति तरिगे!”

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

रोमी 1:7

परमेश्‍वरजी क्‍हेमैंए फिर म्हाँया लसि खीए म्‍हिमैं तरिगे बिसि त्‍हाँइमुँ। छतसि क्‍हेमैं रोमर टिब्‍मैंलाइ ङइ चु ताँमैं प्‍ह्रिसिन् मुँ: ङ्योए परमेश्‍वर आबा नेरो प्रभु येशू ख्रीष्‍टउँइँले क्‍हेमैंए फिर दयाम्हाँया नेरो शान्‍ति तरिगे।

रोमी 14:17

तलेबिस्याँ ङ्योइ परमेश्‍वरलाइ म्रुँलाइ धोंले म्हाँदिइ बिस्‍याँ खीजी ङ्योलाइ थेबै आशिक पिंम्। च आशिक तो जा बिस्‍याँ तोन्‍दोंरि सै चब् थुँब् योंब मत्‍त्रे आङिं, दिलेया पबित्र प्ल्हजी ठिक ठर्दिमिंसि पिंबै शान्‍ति नेरो आनन्‍द ग।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

रोमी 5:1

ङ्योइ बिश्‍वास लबइले परमेश्‍वरए उँइँरि ठिक ठर्दिसि प्रभु येशू ख्रीष्‍टउँइँले ङ्यो परमेश्‍वरने क्ह्रिल् योंइमुँ।

रोमी 8:6

ओंसोंबै बानिए इच्‍छार सैं ह्‍यास्याँ म्‍हि सिम्, परमेश्‍वरए प्ल्हए इच्‍छार सैं ह्‍यास्याँ म्‍हिइ छारा छ्ह नेरो शान्‍ति योंम्।

२ कोरिन्थी 10:5

परमेश्‍वरए ज्ञानए बिरोध लसि आतबै ताँ पोंब्मैं नेरो थेब् प्हैंसि पोंबै म्हिमैंए बिचारमैं ङिइ नास लवाम्, धै छाबै म्हिमैंलाइ ख्रीष्‍टजी बिबै ताँ म्हाँदिलन् त्हुब लवाम्।

२ कोरिन्थी 13:11

ओ अलि-अङाँमैं, छेन्‍ले टिद् ओ, जय मसीह। ताँन् केमैं छेनाले लबै भों लदु, घ्रिइ-घ्रिए सैं क्होमिंबै के लदु, क्ह्रिसि टिदु, घ्रिइ-घ्रिलाइ सैदिदु। झाइले खीए म्हाँयाउँइँले ङ्योए सैं क्‍होल् लमिंबै परमेश्‍वर क्‍हेमैंने तब्‍मुँ।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 3:19

क्होसे क्होल् आखाँबै ख्रीष्‍टजी लबै म्हाँया क्हेमैंइ सेरिगे, धै परमेश्‍वर खैब मुँ क्हेमैं या छाबन् तरिगे।

फिलिप्पी 1:1

ङि ख्रीष्‍ट येशूए केब्छैंमैं पावल नेरो तिमोथीउँइँले फिलिप्‍पी सहरर्बै बिश्‍वासीमैं नेरो छैं लबै चिबनाँब्मैं धै ल्होमिंबै डिकनमैंलाइ जय मसीह मुँ। क्हेमैं ख्रीष्‍ट येशूने घ्रिन् तसि टिब्मैं ग।

फिलिप्पी 1:2

ङ्योए परमेश्‍वर आबा नेरो प्रभु येशू ख्रीष्‍टउँइँले क्‍हेमैंइ दयाम्हाँया नेरो शान्‍ति योंरिगे।

फिलिप्पी 4:19

खैले क्हेमैंइ पिंइमुँ छलेन क्‍हेमैंलासे या तो सै चैदिलेया, ङए परमेश्‍वरजी खीए च्योलै आखाँबै सै न्होरउँइँले ख्रीष्‍ट येशूउँइँले क्हेमैंलाइ चैदिबै सैमैं पिंब्मुँ।

फिलिप्पी 4:21

ख्रीष्‍ट येशूए फिर बिश्‍वास लबै ताँन् म्हिमैंने ङए जय मसीह बिमिंन्। झाइले ङने मुँबै अलि-अङाँमैंज्यै या क्‍हेमैंने जय मसीह बिमिंइमुँ।

फिलिप्पी 4:9

क्‍हेमैंइ ङउँइँले तो तो ताँ लोइ, धै तो ताँ थेइ, ङए छ्हर क्हेमैंइ तो ताँ म्रोंइ, च धोंन् लद्। छलस्याँ शान्‍ति पिंबै परमेश्‍वर क्‍हेमैंने तब्‍मुँ।

कलस्सी 3:15

क्‍हेमैंए सैंर ख्रीष्‍टजी पिंबै शान्तिइ प्लिंरिगे। क्हेमैं ताँन् ज्यु घ्रिर्न क्ह्रिसि शान्ति योंरिगे बिसि परमेश्‍वरजी क्‍हेमैं त्‍हाँब् ग। धै धन्‍यबाद पिंब्‍मैं तद्।

२ थेसलोनिकी 3:16

तारे पिरु ङ्योए सैं क्‍होल् लमिंबै प्रभुजी खोंयों बिलै या क्‍हेमैंलाइ खैतबै त्हेर्न बिलै छिं ङ्हाँल् लमिंरिगे। क्‍हेमैं ताँनने प्रभु तरिगे।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

यहूदाइ प्‍ह्रिबै प्ह्रिछ्या 1:1

येशू ख्रीष्‍टए के लबै म्हि ङ याकूबए अलि यहूदाउँइँले परमेश्‍वरजी खोसि त्‍हाँबै म्‍हिमैंलाइ जय मसीह मुँ। परमेश्‍वर आबाजी क्हेमैंलाइ म्हाँया लइमुँ, धै येशू ख्रीष्‍टजी क्हेमैंलाइ रक्षा लथेंइमुँ।

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।

दर्शन 2:17

“पबित्र प्ल्हजी बिश्‍वासीमैंने बिबै ताँ न्ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ लोथेंबै मन्‍न ङइ चल् पिंब्‍मुँ। चलाइ ङइ तार्ग्या युँमा पिंब्‍मुँ। च युँमार चए छारा मिं प्ह्रिइमुँ। च मिं योंबै म्‍हिइ मत्‍त्रे च छारा मिं था सेम्।”