फिलिप्पी 4:6 - परमेश्‍वरए ताँ तमु क्युइर

⁶ छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।

फिलिप्पी 4:6 Cross References

भजनमैं 51:15

ओ याहवेह, ङलाइ पोंल् ह्रब् लमिंन्, धै ङइ क्हिए मिंन् थेब् लब्मुँ।

भजनमैं 55:17

न्हाँगर, त्हिंयाँर, ङेसर, कति त्हेर्न बिलै ङए दुःखर ङइ खीने ग्वार ह्रिमा खीजी ङए ताँ थेब्मुँ।

भजनमैं 55:22

क्हिए दुःखए ताँमैं याहवेहने बिद्, धै खीजी क्हि ख्वेब्मुँ; खीजी ठिक के लब्मैंलाइ खोंयोंइ नास तल् पिंरिब् आरे।

भजनमैं 62:8

छतसि ओ म्हिमैं, खोंयोंन् बिलै खीनेन् भर थेंन्; खीए ओंसों ह्रोंसए सैंर्बै ताँ बिद्; तलेबिस्याँ ङ्योए ग्वार ह्रिबै क्‍ल्‍ह्‍यो परमेश्‍वर ग। तिस्याँदे मैंन्

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 16:3

क्हिइ लल् म्हैबै ताँन् केमैं याहवेहए योर थेंन्, धै क्हिइ लल् म्हैबै केमैं छ्याँब् तम्।

मत्ती 10:19

दिलेया चमैंइ क्‍हेमैंलाइ क्‍हामा क्‍हेमैंइ खैले पोंब् ङ्‍हे तो बिल् त्हुब् ङ्‍हे बिसि ओंसोंन् न्हुँ आलद्। क्‍हेमैंइ तो पोंल् त्‍हुम् बिसि च त्हेर्न परमेश्‍वरजी क्‍हेमैंने बिमिंब्मुँ।

मत्ती 13:22

पुजुर तेबै प्लु धों तबै म्हि छाब् ग: चइ परमेश्‍वरए ताँ थेलेया चु ह्‍युलर्बै न्हुँ नेरो मुइए लोबइ लमा चइ थेबै ताँर च भोंसि तल् आखाँ। छतसि तोइ रोमैं रोल् आखाँ।

मत्ती 6:34

छतसि प्हँन्हाँबै ल्हागिर न्हुँ आलद्, तलेबिस्याँ प्हँन्हाँबै न्हुँ प्हँन्हाँबै त्हिंइन लम्। तिंयाँबै दुःख तिंयाँबै ल्हागिर योम्।”

मत्ती 6:8

छतसि क्‍हेमैं चमैं धों आतद्, तलेबिस्याँ क्‍हेमैं चैदिबै सैमैं क्हेमैंइ ह्रिब् भन्दा ओंसोंन् क्हेमैंए परमेश्‍वर आबाजी सेम्।

लूका 10:41

दिलेया प्रभु येशूजी चने बिइ, “ओ, मार्था क्‍हिइ ल्‍हें ताँर न्हुँ लम्।

लूका 12:22

येशूजी ह्रोंसए चेलामैंने बिइ, “छतसि ङ क्‍हेमैंने बिमुँ, सोबै ल्हागिर ‘ङ तो चब् ङ्‍हे? तो थुँब् ङ्‍हे? धै ज्युए ल्हागिर तो खिब् ङ्‍हे?’ बिसि न्हुँ आलद्।

लूका 12:29

“छतसि तो चब, तो थुँब बिसि क्हेमैं म्हैइ आप्रद्, धै न्हुँ या आलद्।

लूका 18:1

चेलामैं खोंयोंन् बिलै प्राथना लरिगे धै सैं च्योंब आलरिगे बिबै सैंले येशूजी अहान् घ्रि बिइ।

लूका 18:7

छलेन परमेश्‍वरजी त्हाँबै म्हिमैंइ त्हिंयाँ म्हुँइँस खीने प्राथना लब्मैंए निसाफ खीजी आलमिं रो वा? क्हेमैंए ल्हागिर निसाफ लमिंबर खीजी क्हैल् लम् रो वा?

१ कोरिन्थी 7:21

परमेश्‍वरजी क्हिलाइ त्हाँमा क्‍हि केब्छैं मुँस्‍याँ तोइ न्हुँ आलद्। दिलेया क्ल्हेए धिंउँइँले त्होंसि ह्‍याबै मौका योंस्‍याँ ह्‍याद्।

१ कोरिन्थी 7:32

क्‍हेमैं चु ह्‍युलर टिमा तोइ न्हुँ लल् आत्हुरिगे बिब ङए सैं मुँ। ब्ह्‍या आलबै म्‍हिइ प्रभुलाइ खैले सैं तोंन् लब् ङ्‍हे ङ्हाँसि प्रभुए केर मत्‍त्रे न्हुँ लम्।

२ कोरिन्थी 1:11

चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

एफिसी 5:20

झाइले खोंयोंन् बिलै तोन्दोंरि सैए ल्हागिर प्रभु येशू ख्रीष्‍टए मिंर परमेश्‍वर आबालाइ धन्‍यबाद पिंन्।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

कलस्सी 3:15

क्‍हेमैंए सैंर ख्रीष्‍टजी पिंबै शान्तिइ प्लिंरिगे। क्हेमैं ताँन् ज्यु घ्रिर्न क्ह्रिसि शान्ति योंरिगे बिसि परमेश्‍वरजी क्‍हेमैं त्‍हाँब् ग। धै धन्‍यबाद पिंब्‍मैं तद्।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

कलस्सी 4:2

परमेश्‍वरलाइ धन्‍यवाद पिंसि आनारल्‍ले न्ह क्रो मि क्रोंले खोंयोंइ या प्राथना लरिद्।

१ तिमोथी 2:1

ताँन् भन्दा ओंसों ङइ क्हिने बिल् त्हुबै ताँ, ताँन् म्‍हिमैंए ल्हागिर छ्याँबै खोंउँइँले परमेश्‍वरने प्राथना लसि चमैंए फिर आशिक ह्रिंमिंन्। धै चमैंइ लबै केए ल्हागिरि परमेश्‍वरलाइ धन्‍यबाद पिंन्।

१ तिमोथी 5:5

दिलेया खाबै आरेबै म्हरेस्योमैंइ परमेश्‍वरर मत्‍त्रे आशा थेंम्, धै खीलाइ ल्होमिंन् बिसि त्‍हिंयाँ म्‍हुँइँस परमेश्‍वरने प्राथना लरिम्।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

१ पत्रुस 5:7

क्‍हेमैंए ताँन् न्हुँ परमेश्‍वरए प्हलेर थेंन्, तलेबिस्याँ खीजी क्‍हेमैंए वास्ता लम्।