फिलिप्पी 4:3 - परमेश्‍वरए ताँ तमु क्युइर

³ ओ ङइ भर लल् खाँबै ङए थु, ङ क्हिने बिमुँ: “च च्हमिरिमैंलासे या ल्होब्रें लद्।” तलेबिस्याँ सैं तोंबै ताँ म्हिमैंने बिप्रबै केर ङ, क्लेमेस नेरो अरू थुमैंने बालुन् चुमैंज्यै या बेल्‍ले के लइमुँ। चुमैंए मिं खोंयोंइ आखाँबै छ्ह योंबै कितबर मुँ।

फिलिप्पी 4:3 Cross References

भजनमैं 69:28

छ्ह योंब्‍मैंए मिं प्‍ह्रिथेंबै कितबउँइँले चमैंए मिं मेटियारिगे; धै ठिक के लब्मैंने बालु चमैंए मिं आप्ह्रिरिगे।

प्रस्थान 32:32

दिलेया चमैंए पाप क्हिइ क्षमा लमिंन्। क्षमा आलमिंस्याँ क्हिजी ह्रोंसए म्हिमैंए मिं प्ह्रिबै कितबउँइँले ङए मिं मेटिमिन्।”

लूका 10:20

दिलेया क्‍हेमैंइ बिब मोंमैंइ ङिंना बिसि सैं आतोंन्, बरु परमेश्‍वरजी क्‍हेमैंए मिं स्वर्गर प्‍ह्रिथेंइमुँ बिसि सैं तोंन्।”

रोमी 12:1

छतसि ओ ङइ खोबै अलि-अङाँमैं, परमेश्‍वरजी ङ्योए फिर च्हौ थेबै ल्हयो लबइले ङ क्‍हेमैंने यो छ्युँ लमुँ: सोगों ख्रो धोंले ह्रों-ह्रोंसए ज्यु परमेश्‍वरलाइ पिंन्। छाबै ख्रो पबित्र नेरो परमेश्‍वरलाइ सैं तोंन् लबै क्‍ह्रोंसेंन्‍बै सेवा ग।

रोमी 16:12

झाइले प्रभुए के बेल्‍ले लबै अङाँमैं त्रुफेना नेरो त्रोफोसालाइ ङए जय मसीह मुँ बिमिंन्। झाइले प्रभुए ल्हागिर ल्हें के लबै खोबै परसिसलाइ ङए जय मसीह मुँ बिमिंन्।

रोमी 16:9

छलेन ख्रीष्‍टए ल्हागिर ङने बालुन् के लबै उर्बानस नेरो ङइ खोबै थु स्‍ताकिसलाज्यै या ङए जय मसीह मुँ बिमिंन्।

फिलिप्पी 1:12

ओ अलि-अङाँमैं, क्‍हेमैंइ चु ताँ सेरिगे बिसि ङए सैंर ङ्हाँइमुँ: तो ताँ बिस्याँ, ङइ योंबै दुःखमैंइ लमा सैं तोंबै ताँ खन्तोंदोंन् फेनेबै के तइमुँ।

फिलिप्पी 1:16

सैं तोंबै ताँ बिप्रबै ल्हागिर्न परमेश्‍वरजी ङ कुल्मिंब् ग बिब् सेब्मैंइ सैं तोंन्लेन् चु के लम्।

फिलिप्पी 1:27

येशू ख्रीष्‍टउँइँले खबै सैं तोंबै ताँइ बिब् धोंले छ्ह थोद्। ङ क्हेमैं ङाँर खलै आखलै क्हेमैंए सैं फो घ्रिन् तसि खोंर थेबै बिश्‍वास लसि सैं तोंबै ताँ म्हिमैंने बिप्रबर भों लइमुँ बिबै ताँ ङइ थेदा ङ्हाँइमुँ।

फिलिप्पी 1:5

तलेबिस्याँ येशूउँइँले खबै सैं तोंबै ताँ बिप्रबै ल्हागिर ओंसोंउँइँले तोगो समा क्‍हेमैंइ ङलाइ ल्होसिन् मुँ। चु ताँर ङइ धन्यबाद पिंम्।

फिलिप्पी 1:7

ङइ क्‍हेमैंलाइ खोंयोंन् बिलै ह्रोंसए सैंर थेंइमुँ। ङइ क्हेमैं ताँनए ल्हागिर छले मैंब ठिक मुँ, तलेबिस्याँ परमेश्‍वरजी दयाम्हाँया लसि खीउँइँले खबै सैं तोंबै ताँ जोगेबै के ङलाइ पिंइ, धै ङ झेलर मुँमा बैरु मुँमा क्हेमैं चु केर ङने बालुन् प्रल।

फिलिप्पी 4:2

इयोदिया नेरो सुन्‍तुखे प्रभुलाइ ङो सेब्मैं तबइले क्हेमैं सैं घ्रिन् तद् बिसि ङ सैं न्होंउँइँले यो छ्युँ लमुँ।

कलस्सी 1:7

ङिने बालु के लबै खोबै थु इपाफ्रासउँइँले क्हेमैंइ सैं तोंबै ताँ थेइ। चइ क्हेमैंए ल्हागिर येशू ख्रीष्‍टए भर पर्दिल्‍ले के लइमुँ।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 20:12

सियाब्‍मैं, थेब, च्‍योंब ताँन् राजगद्दिए उँइँर रारिब् ङइ म्रोंइ। परमेश्‍वरजी कितबमैं फैथेंल। सियाब्‍मैंइ सोगों मुँमा तो तो के लल, च केमैं ताँन् च कितबर प्‍ह्रिथेंल। धै चमैंइ लबै के ङ्‍ह्‍योसि परमेश्‍वरजी निसाफ लमल। (अर्को कितब घ्रि या खीजी फैइ। च कितबर खोंयोंइ आखाँबै छ्ह योंबै म्हिमैंए मिं प्‍ह्रिल।)

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।

दर्शन 21:27

दिलेया खोंयोंइ आखाँबै छ्ह योंब्मैंए मिं प्ह्रिबै क्‍यु च्हजने मुँबै कितबर मिं मुँब्‍मैं मत्‍त्रे च सहरर होंल् योंब्‍मुँ। चर आछ्याँबै सैं प्ह्‍याब्मैं, छेरन् ङ्हाँबै के लब्मैं नेरो स्‍योर ताँ पोंब्‍मैं खाबइ या होंल् योंरिब् आरे।

दर्शन 3:5

“शैतान दुष्‍टए फिर ट्होगों तब्मैंलाइ ङइ फोस्रे ब्योंबै क्‍वें खिमिंब्‍मुँ। झाइले छ्ह योंब्‍मैंए मिं प्‍ह्रिथेंबै कितबउँइँले ङइ चए मिं मेटिरिब आरे। ङए आबाए उँइँर नेरो खीए स्‍वर्गदूतमैंए उँइँर ‘च ङल् ग’ बिसि ङइ ग्वाइ पिंब्‍मुँ।