फिलिप्पी 4:17 - परमेश्‍वरए ताँ तमु क्युइर

¹⁷ ङइ क्हेमैंउँइँले भेटि म्‍हैब आङिं, क्‍हेमैंइ ङलाइ ल्होमिंबइले क्हेमैंइ ल्हें आशिक योंरिगे बिब ङए सैं मुँ।

फिलिप्पी 4:17 Cross References

हितोपदेश 19:17

आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

यूहन्‍ना 15:8

क्‍हेमैंइ ल्हें रोमैं रोसि ङए चेलामैं ग बिसि उँइँमिंइ बिस्याँ ङए आबाए मिं थेब तब्मुँ।

रोमी 15:28

छतसि चमैंए ल्हागिर रेबै मुइ सनेसि ङ यरूशलेमउँइँले क्हेमैं ङाँर खसि स्‍पेन ह्‍युलर ह्‍याब्‍मुँ।

२ कोरिन्थी 11:16

ङइ धबै बिमुँ, ङलाइ खाबज्‍यै या बुद्धि आरेब आमैंरिगे। दिलेया क्‍हेमैंइ ङलाइ बुद्धि आरेबन् मैंलेया ङइ थेब् प्‍हैंल् योंरिगे बिसि ङलाइ सैदिद्।

२ कोरिन्थी 9:5

छतसि क्हेमैंइ पिंम् बिबै भेटि ङि खब् भन्दा ओंसोंन् रेसि थेंरिगे बिसि चु अलिमैं सों ओंसोंन् कुलबै सैं खइ। क्‍हेमैंइ च भेटि करइ पिंब आङिं, सैं तोंदै पिंबै भेटि तब्मुँ।

फिलिप्पी 1:11

झाइले परमेश्‍वरलाइ मान लसि खीए मिं थेब लबै ल्हागिर येशू ख्रीष्‍टउँइँले योंबै छ्याँबै बानि क्हेमैंने तरिगे।

फिलिप्पी 4:11

खाँचो तइ बिसि ङइ छ बिब आङिं, तलेबिस्याँ ङए फिर खैबै दुःख तलेया सैं तोंब ङइ लोइमुँ।

१ थेसलोनिकी 2:5

ङि क्हेमैं ङाँर खमा ङिइ फिब्लो पार्दिबै ताँमैं तोइ आपों बिसि क्हेमैइ सेइमुँ। धै ङिइ तोइ योंम् उ बिसि लोबै या आलल, चु ताँर परमेश्‍वर ङिए साक्षि मुँ।

१ तिमोथी 3:3

प्हा आथुँब, प्होंगि आलब, ह्रिस आखब, सैदिल् खाँब, मुइए लोब आलब तल् त्हुम्।

१ तिमोथी 6:10

तलेबिस्याँ ताँन् आछ्याँबै सैमैंए जरन् मारा-मुइए म्हाँया लब् ग। मारा-मुइए लोबइ लमा को-कोइ परमेश्‍वरए फिर बिश्‍वास लबन् पिवासि आछ्याँबै घ्याँउँइँ प्रयाइमुँ, धै चमैंए फिर सैदिलै आखाँन् तबै दुःख तइमुँ।

तीतस 1:7

तलेबिस्याँ परमेश्‍वरए के लल् त्हुबै म्‍हि तबइले च छ्याब् आरेब तल् त्‍हुम्। च सैं सारो नेरो युनन् ह्रिस खब, प्हा थुँब, प्‍होंगि मिब, मारा-मुइए लोब लल् आत।

तीतस 3:14

ङ्योए म्‍हिमैंइ छ्याँबै केमैं लब लोरिगे, धै खाँचो तखबै त्हेर चमैंइ अरूमैं ल्होमिंल् खाँरिगे, छले चमैंए छ्ह छेनाले थोरिगे।

हिब्रू 6:10

क्‍हेमैंइ छ्याँबै के लइमुँ, क्‍हेमैंइ परमेश्‍वरलाइ म्हाँया लइमुँ बिब उँइँबै ल्हागिर खीए म्‍हिमैंलाइ ल्होरिइमुँ, अझै क्‍हेमैंइ ल्होरिमुँ। क्‍हेमैंइ लबै छ्याँबै के परमेश्‍वरजी म्‍लेरिब् आरे, तलेबिस्याँ खीजी ठिक निसाफ लम्।

१ पत्रुस 5:2

परमेश्‍वरजी क्‍हेमैंए जिम्‍मार थेंबै बगालए छैं छेनाले लद्। करइ आङिं, ह्रोंसए सैंइन म्रोंसि लद्। मुइए लोबै आङिं, चु ङइ लल् त्हुबै ङए जिम्‍मार्बै के ग बिब् मैंसि लद्।

२ पत्रुस 2:15

ल्हें मुइए लोबइ लमा छ्याँबै घ्‍याँ पिसि चमैं आछ्याँबै घ्‍याँउँइँ ल्‍हैदिइमुँ। छले चमैं स्‍योंम्‍बै बओरए च्‍ह बालामए लिलि प्रइमुँ।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।

यहूदाइ प्‍ह्रिबै प्ह्रिछ्या 1:11

धिक्‍कार मुँ चमैंलाइ। तलेबिस्याँ स्‍योंम्‍बै कयिनइ लब् धोंबै के चमैंइ लम्। ह्रोंसए फायदए ल्हागिर बालम बिबै म्हिइ लब् धोंबै गल्‍ति चमैंइ लम्। छतसि मोशाए बिरोधर राबै स्‍योंम्‍बै कोरह बिबै म्‍हि धोंले चमैंइ ठिक अधिकारए बिरोध लबइले नास तयाम्।