फिलिप्पी 3:13 - परमेश्‍वरए ताँ तमु क्युइर

¹³ अलि-अङाँमैं, अझै ङ फेल् त्हुबै क्ल्ह्‍योर आफेइमुँ। छतसि ङइ ह्‍याल् खाँबै ताँमैं म्‍लेवासि तारे तखबै ताँमैंर भोंन्ले ओंसों बडिबै के लइमुँ।

फिलिप्पी 3:13 Cross References

भजनमैं 27:4

ङइ याहवेहने ताँ घ्रि ह्रिइमुँ, ङइ म्हैबै ताँ चुन् ग: खी टिबै क्ल्ह‍योर ङइ खीलाइ म्हैल् खाँरिगे, ङए छ्ह तिगोंन् याहवेहए धिंर टिल् योंरिगे, धै खीए छ्याँबै केमैं ङ्ह्‍योल् योंरिगे।

भजनमैं 45:10

ओ च्हमि छेनाले थेद्, क्हिए म्हिमैं नेरो क्हिए आबाए धिं म्‍लेवाद्।

लूका 10:42

दिलेया ताँ घ्रि मत्‍त्रे चैदिम्। काजी मरियमइ च छ्याँबै ताँ त्‍हाँइ। छतसि च ताँ चउँइँले ङइ प्हेंरिब् आरे।”

लूका 9:62

दिलेया येशूजी चने बिइ, “ह्रोंसए यो क्होरर थेंसि लिग्याँ तोइ ङ्‌ह्‍योब्मैं खाबै या परमेश्‍वरए ग्याल्सर केर आफे।”

२ कोरिन्थी 5:16

छतसि तारे ङिइ म्हिमैंलाइ ङ्ह्‍योमा चमैंने मुँबै बैरुबै सैमैंउँइँले आङ्ह्‍यो। ख्रीष्‍टलाज्यै ओंसों ङिइ छलेन् ङ्ह्‍योमल, तारे ङिइ खीलाइ छले आङ्ह्‍यो।

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

फिलिप्पी 3:12

ङइ चु ताँन् सै योंल् खाँइमुँ धै ङइ लल् त्हुबै ताँन् के लल् खाँइमुँ बिसि आङिं, दिलेया फेल् त्हुबै क्ल्ह‍योर फेबै ल्हागिर ङ अझै ओंसों बडिरिइमुँ। च फेल् त्हुबै क्ल्ह‍योर ङ फेरिगे बिसि ख्रीष्‍ट येशूजी ङलाइ ओंसोंन् त्हाँइ।

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

हिब्रू 6:1

छतसि ङ्योइ ख्रीष्‍टए बारेर्बै ओंसों ह्रबै ताँमैं मत्‍त्रे क्होसि आत। बरु खीए ताँइ बिल् म्हैब तो जा बिसि अझै अरू ताँमैं क्होबै सैं लले, कालउँइँ बोबै केमैंउँइँले सैं एसि परमेश्‍वर फिर बिश्‍वास लबै ताँर मत्‍त्रे ल्हैदिरिब् आङिं,

२ पत्रुस 3:8

ओ ङइ खोबै थुमैं, ताँ घ्रि खोंयोंइ आम्‍लेद्। प्रभुए ल्हागिर तिगैं हजार साल धों तम्, झाइले हजार साल तिगैं धों तम्।