फिलिप्पी 3:11 - परमेश्‍वरए ताँ तमु क्युइर

¹¹ तल् खाँम् बिस्याँ ङ सिसि धबै सोल् खाँरिगे।

फिलिप्पी 3:11 Cross References

भजनमैं 49:7

खाबज्यै या सै फोसि अरू म्हिलाइ खाल् आखाँ, छलेन ङलाइ जोगेमिंन् बिसि खाबज्यै या परमेश्‍वरलाइ सै फोल् आखाँ।

लूका 14:14

छ लस्याँ क्‍हिइ आशिक योंब्‍मुँ। तलेबिस्याँ क्‍हिए खि चमैंइ फोल् आखाँ। दिलेया परमेश्‍वरजी बिब म्हाँदिबै म्हिमैं सिसि धबै सोगों तमा आयोंब्मैंलाइ पिंबै सैमैंए खि परमेश्‍वरजी क्‍हि पिंब्‍मुँ।”

यूहन्‍ना 11:24

मार्थाइ खीने बिइ, “ह्‍युल नुयाबै त्हिंइर सियाब्मैं सोगों तमा चै या सोगों तब्मुँ,” बिब ङइ सेइमुँ।

चेला चिब्मैंए केमैं 23:6

च थेबै म्हि च्होंर सदुकीमैंए टोलि नेरो फरिसीमैंए टोलि मुँन बिब सेसि पावलइ थेबै कैले बिइ, “ओ अलिमैं, ङम् फरिसीमैंए च्ह फरिसीन् ग। म्हि सिइरि धबै सोगों तब्मुँ बिबै आशा ङइ थेंबइले ङए फिर चु मुद्दा ल्हैदिइमुँ।”

चेला चिब्मैंए केमैं 26:7

परमेश्‍वरजी फैबै बाछा योंबर ङ्योए च्युसे ङ्हिं कुलमैंइ त्हिंयाँ, म्हुँइँस सैं घ्रिले खीए मिं क्वेरिम्। ओ म्रुँ, छले ङज्यै या चु आशा थेंबइले ङए फिर यहूदीमैंइ छ्याब् ल्हैदिइमुँ।

चेला चिब्मैंए केमैं 27:12

च क्यु झाज न्हबै क्ल्ह्‍योर सर्ख थोब गारो तबइले खैलसे या फोनिक्‍सर्न फेनेसि सर्ख थोल् त्हुम् बिसि चर मुँबै ल्हें म्हिइ क्यु झाज ओलेद् बिइ। फोनिक्‍स क्रेट ह्‍युलर्बै क्यु झाज न्हबै क्ल्ह्‍यो घ्रि ग, च ल्हुउँइँ न्हुउँइँ (दक्षिण-पश्चिमउँइँ) नेरो ताइ न्हुउँइँ (उतर-पश्चिमउँइँ) ह्‍वेंब मुँ।

रोमी 11:14

चु केइ लमा ह्रोंसए ह्रेंर्बै म्‍हिमैंज्‍यै या क्‍हेमैं म्रोंसि ह्रिस लसि को-कोइ परमेश्‍वर ङाँइ सैं एल् खाँलै।

१ कोरिन्थी 15:23

दिलेया ताँन् खें-खेंमैंए पलोर सोगों तम्। ख्रीष्‍ट बिस्याँ धाँसे ओंसों सोगों तइ, धै खी एयुबै त्हेर खीए फिर बिश्‍वास लब्मैं सोगों तब्‍मुँ।

१ कोरिन्थी 9:22

छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।

१ कोरिन्थी 9:27

ङइ ह्रोंसए ज्यु भोंब् लबै ल्हागिर तालिम पिंब् धोंले ह्रोंसए न्होंर थेंम्। तले छ लम् बिस्‍याँ ङइ अरूमैंलाइ “खेलर भों लद्” बिसेरो ङ फेल आतरिगे बिसि छ लब् ग।

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

१ थेसलोनिकी 3:5

छतमा ङए सैंइ ङलाइ सुखन् आपिं। धै “दुष्‍टइ क्‍हेमैंलाइ बिश्‍वासउँइँले स्योवासि ङिइ लबै दुःख खेरो ह्‍याम् उ?” बिब् ङ्हिंसि क्हेमैंए बिश्‍वास कति थेब् मुँन बिसि क्होबर ङइ तिमोथी कुल्‍मिंब् ग।

२ थेसलोनिकी 2:3

खाबज्‍यै या क्‍हेमैंलाइ लुल् आपिंन्, तलेबिस्याँ प्रभु येशू युब् भन्‍दा ओंसों ल्‍हें म्‍हिमैंइ परमेश्‍वरए बिरोध लब्मुँ, धै परमेश्‍वरए थेबै शत्तुर घ्रि त्‍होंब्‍मु। च ठिम बिरोध लबै दुष्‍ट शत्तुर आखिरर नास तल् त्‍हुब्‍मु।

२ तिमोथी 4:8

छले ङइ लबै केमैं खीए उँइँर ठिक ठर्दिबइले खीजी ङए ल्हागिर थेबै क्रेगि थेंइमुँ। छेनाले निसाफ लबै प्रभुजी च त्हिंइर च क्रेगि ङलाइ पिंब्मुँ - ङलाइ मत्‍त्रे आङिं, दिलेया प्रभुलाइ म्हाँया लसि खी युबै त्हिंइए घ्‍याँ ङ्ह्‍योरिब्‍मैं ताँनलाइ खीजी च क्रेगि पिंब्‍मुँ।

हिब्रू 11:35

कोइ च्हमिरिमैंइ खेंमैंए सियाबै म्‍हिमैं सोगों तसि धबै योंइ। कोइ सिबै लिउँइँ झन् बेल्‍ले छ्याँबै अर्को छ्ह योंबै ल्हागिर थेबै दुःख नोइ।

दर्शन 20:5

चुमैंन् सिबउँइँले ओंसों सोगों तब्मैं ग। अरू चैबै सियाब्‍मैं हजार घ्रि बर्ष आतन् समा धबै सोगों आत।