फिलिप्पी 2:22 - परमेश्‍वरए ताँ तमु क्युइर

²² तिमोथी खैबै म्हि जा बिसि क्‍हेमैंज्यै सेइमुँ। खैले च्हइ ह्रोंसए आबाइ बिब् धोंले के लमुँ, छलेन तिमोथीइ येशूए सैं तोंबै ताँ बिप्रबै केर ङलाइ ल्होमिंइ।

फिलिप्पी 2:22 Cross References

चेला चिब्मैंए केमैं 16:2

लुस्‍त्रा नेरो आइकोनियर्बै प्रभुए फिर बिश्‍वास लबै अलि-अङाँमैंए म्हाँजोर चला छ्याँबै बयन नेरो मिं चल्दिब मुँल।

रोमी 5:4

छलेन दुःख सैदिबै भोंइ ङ्योए बिश्‍वास भोंब तमुँ, बिश्‍वासर भोंबइले ङ्योइ आशा योंल् खाँम्।

१ कोरिन्थी 16:10

तिमोथी क्‍हेमैं ङाँर खमा चलाइ छेनाले मान लद्। चइ तोइ सैरै न्हुँ लल् आत्हुरिगे, तलेबिस्याँ ङइ लब् धोंलेन् चज्‍यै या प्रभुए के लम्।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

२ कोरिन्थी 2:9

क्‍हेमैंए जाँच लबै ल्हागिर नेरो ताँन् सैर क्‍हेमैंइ ङइ बिबै ताँ ङिंम् उ आङिं बिबै ताँ था सेबर ङइ च ओंसोंबै प्ह्रिछ्या प्‍ह्रिल।

२ कोरिन्थी 8:22

चमैंने ङिए अर्को बिश्‍वासी अलि या क्‍हेमैं ङाँर कुल्मिंइमुँ। च अलिलाइ ङिइ ल्हें खे तोन्दोंरि सैर जाँच लमा चल छ्याँबै के लबै सैं मुँ बिब ङिइ सेल् खाँइमुँ। तोगो च अलिइ क्‍हेमैंए फिर बेल्‍ले भर म्हाँदिसि अझै छ्याँबै के लबै सैं लइमुँ।

२ कोरिन्थी 8:24

चमैंए फिर क्हेमैंइ कति थेबै म्हाँया लम् बिसि चमैंने उँइँन्, झाइले ङिइ क्‍हेमैंए बारेर प्हैंसि पोंबै ताँ क्ह्रोंसेंन् मुँन बिब ताँन् क्‍ल्‍ह्‍योर्बै बिश्‍वासीमैंइ सेरिगे।

२ कोरिन्थी 8:8

ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।

फिलिप्पी 1:12

ओ अलि-अङाँमैं, क्‍हेमैंइ चु ताँ सेरिगे बिसि ङए सैंर ङ्हाँइमुँ: तो ताँ बिस्याँ, ङइ योंबै दुःखमैंइ लमा सैं तोंबै ताँ खन्तोंदोंन् फेनेबै के तइमुँ।

फिलिप्पी 1:16

सैं तोंबै ताँ बिप्रबै ल्हागिर्न परमेश्‍वरजी ङ कुल्मिंब् ग बिब् सेब्मैंइ सैं तोंन्लेन् चु के लम्।

फिलिप्पी 1:5

तलेबिस्याँ येशूउँइँले खबै सैं तोंबै ताँ बिप्रबै ल्हागिर ओंसोंउँइँले तोगो समा क्‍हेमैंइ ङलाइ ल्होसिन् मुँ। चु ताँर ङइ धन्यबाद पिंम्।

फिलिप्पी 1:7

ङइ क्‍हेमैंलाइ खोंयोंन् बिलै ह्रोंसए सैंर थेंइमुँ। ङइ क्हेमैं ताँनए ल्हागिर छले मैंब ठिक मुँ, तलेबिस्याँ परमेश्‍वरजी दयाम्हाँया लसि खीउँइँले खबै सैं तोंबै ताँ जोगेबै के ङलाइ पिंइ, धै ङ झेलर मुँमा बैरु मुँमा क्हेमैं चु केर ङने बालुन् प्रल।

फिलिप्पी 2:20

तिमोथीइ धोंले क्हेमैं छ्याँब तरिगे बिसि न्हुँ लबै म्‍हि चुर खाबै आरे।

१ तिमोथी 1:18

ओ ङए च्ह तिमोथी, ङइ क्‍हिने बिमुँ, अगमबक्‍तामैंइ ओंसों क्‍हिए बारेर बिबै तामैंउँइँले भों योंसि बिश्‍वासर छ्याँबै सैं लसि छेनाले के लल् खाँब् तद्।

१ तिमोथी 1:2

क्हिइ येशूए फिर बिश्‍वास लबइले क्हि ङए क्ह्रोसेंन्बै च्ह ग। परमेश्‍वर आबा नेरो ङ्योए प्रभु येशू ख्रीष्‍टउँइँले खोंयोंन् बिलै क्हिए फिर दयाम्हाँया, आशिक नेरो शान्ति तरिगे।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।

२ तिमोथी 1:2

ओ ङइ खोबै च्ह तिमोथी, ङ्योए परमेश्‍वर आबा नेरो ङ्योए प्रभु येशू ख्रीष्‍टए दयाम्हाँया नेरो शान्ति क्हिए फिर खोंयोंन् बिलै तरिगे।

२ तिमोथी 3:10

दिलेया क्हिइमि ङइ लोमिंबै ताँमैं, ङए बानि ब्योर, ङइ लल् म्हैबै केमैं, ङए बिश्‍वास, ङइ पैंल् खाँबै ताँ, ङइ लबै म्हाँया नेरो दुःख सैदिबै शक्‍ति म्रोंइमुँ।

तीतस 1:4

क्हि नेरो ङए बिश्‍वास घ्रिन् तसेरो क्हि ङए च्‍ह धोंन् तइमुँ। परमेश्‍वर आबा नेरो ङ्योलाइ जोगेमिंबै येशू ख्रीष्‍टए दयाम्हाँया नेरो शान्ति क्हिए फिर तरिगे।