फिलिप्पी 2:21 - परमेश्‍वरए ताँ तमु क्युइर

²¹ (चमैंइ खाबज्यै येशू ख्रीष्‍टए ताँला तोइ वास्‍ता आल, ह्रोंसए फायदा मत्‍त्रे म्हैम्।)

फिलिप्पी 2:21 Cross References

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

लूका 14:26

“ङए लिलि खब्मैंइ ह्रोंसए आबा, आमा, प्ह्रेंस्यो, प्‍हसेमैं, अलि-अङाँमैं नेरो ह्रोंसए ज्यु या तो धोंइ आङ्हाँ बिस्याँ च ङए चेला तल् आखाँ।

चेला चिब्मैंए केमैं 13:13

पावल नेरो चए थुमैं पाफोसउँइँले क्‍यु झाजर क्रेसि पामफिलिया ह्‍युलर्बै पर्गार फेनेइ। दिलेया मर्कूस बिबै यूहन्‍ना बिस्याँ चमैंने फ्रेसि च क्ल्ह्‍योउँइँले यरूशलेमर एह्‍याइ।

चेला चिब्मैंए केमैं 15:38

दिलेया पावलइ मर्कूस खेंमैंने बालु बोयाब आतलै ङ्हाँइ, तलेबिस्याँ चइ लल् त्हुबै के पूरा आलल्‍ले ओंसोंन् पामफिलिया ह्‍युलउँइँले चमैंने फ्रेसि एह्‍याल।

१ कोरिन्थी 10:24

खाबज्यै या ह्रोंसल् मत्‍त्रे छ्याँब तरिगे बिसि आमैंन्, अरूमैंलाज्यै छ्याँब तरिगे बिसि मैंन्।

१ कोरिन्थी 10:33

ङज्यै या ङइ लबै तोन्दोंरि केर म्हिमैंए सैं खैले तोंन् लब् ङ्‍हे ङ्हाँम्। ङइ ह्रोंसल् मत्‍त्रे छ्याँब् तरिगे धै सैं तोंल् योंरिगे आङ्हाँ, बरु ताँन् म्हिमैंइ मुक्‍ति योंसि छ्याँब् तरिगे बिब ङए सैं मुँ।

१ कोरिन्थी 13:5

म्हाँया लबै म्हिइ सैं सारो आल, ह्रोंसए फायदा मत्‍त्रे आम्है, ह्रिसै आख, धै आगुइ ह्रोंसलाइ न्होह्रों ललेया चए खी आफो।

२ कोरिन्थी 1:5

ख्रीष्‍टजी ल्हें दुःख नोब् धोंले ङ्योज्यै या दुःख नोइबिस्‍याँ ख्रीष्‍टजी ङ्योए सैं क्होमिंम्।

फिलिप्पी 2:4

झाइले क्हेमैं ताँनइ ह्रोंसल् मत्‍त्रे छ्याँब लबै सैं आमैंन्, दिलेया अरूमैं या छ्याँब तरिगे बिब् मैंन्।

२ तिमोथी 1:15

एशिया ह्‍युलर्बै म्हिमैं ताँन् ङ ङाँइले स्योयाइ बिब क्हिइ सेइमुँ, स्योइ ह्‍याब्मैं न्होंरि फाइगेलस नेरो हेर्मोगेनेस बिब् ग।

२ तिमोथी 3:2

च त्हेर म्हिमैंइ ह्रोंसलाइ मत्‍त्रे म्हाँया लब, मुइए लोब लब, ह्रोंसन् थेब् प्‍हैंब, सैं सार तब, अरूलाइ म्हि आलल्‍ले पोंब, आबा-आमाइ बिब आङिंब, खाबइ तो सै पिंलेया धन्यबाद आपिंब धै परमेश्‍वर आम्हाँदिब गुन् आरेब अपबित्र तब्‍मुँ।

२ तिमोथी 4:10

तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

२ तिमोथी 4:16

ङइ ओंसों रोमर्बै अड्डारि राइ पोंमा खाबज्यै या ङए ख आल। बरु ताँन् ङलाइ वाथेंसि छ्युडिह्‍याइ। दिलेया चु ताँए दोष चमैंलाइ आल्हैदिरिगे।