फिलिप्पी 2:2 - परमेश्‍वरए ताँ तमु क्युइर

² छतसि क्‍हेमैंए सैं फो घ्रिन् तसि, ताँनने म्हाँया घ्रिन् लसि, क्‍ह्रिसि ङए सैं झन् तोंन् लद्।

फिलिप्पी 2:2 Cross References

भजनमैं 122:8

“क्हिए न्होंर शान्ति तरिगे!” बिसि ङए आघें-अलिमैं नेरो ङए थुमैंए ल्हागिर ङइ बिब्मुँ।

यूहन्‍ना 3:29

खाब्ने बालु प्ह्रेंस्यो मुँ, चन् प्ह्रेंरो ग। प्ह्रेंरोए थु प्ह्रेंरो ङाँर रासि खीए कै थेसि बेल्‍ले सैं तोंम्। छतसि ङ बेल्‍ले सैं तोंइँमुँ।

चेला चिब्मैंए केमैं 1:14

कोइ च्हमिरिमैं नेरो येशूए आमा मरियम, येशूए अलिमैंने बालु सैं घ्रि तसि खोंयोंन् बिलै प्राथना लरिमल।

चेला चिब्मैंए केमैं 2:1

पेन्‍तिकोसए त्हिंइर खमा, येशूए फिर बिश्‍वास लब्मैं ताँन् क्ल्ह्‍यो घ्रिर खागु तल।

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

चेला चिब्मैंए केमैं 5:12

छले कुल्मिंबै चेला चिब्मैंए योउँइँले ल्हें औदिबै केमैं लसि प्लेटोयाबै चिनुमैं म्हिमैंए म्हाँजोर तबर होंइ। छतमा येशूए फिर बिश्‍वास लब्मैं ताँन् सोलोमन बिबै ठाँटिर खागु तल।

रोमी 12:16

ताँनने क्‍ह्रिइ टिद्, थेब् आप्हैंन्, बरु कुरब्मैंने बालु प्रद्, ह्रोंसन् बेल्‍ले ह्रब्-सेब् आप्हैंन्।

१ कोरिन्थी 1:10

छतसि ओ अलि-अङाँमैं, ङ्योए प्रभु येशू ख्रीष्‍टए थेबै मिंर ङ क्हेमैंने यो छ्युँ लमुँ: क्‍हेमैं सैं फो क्ह्रिसि टिब्मैं तद्, क्हेमैंए सैं आक्ह्रिसि ह्रों-ह्रोंसए न्होंर्न फ्रेब् प्ह्राब् आतरिगे।

२ कोरिन्थी 13:11

ओ अलि-अङाँमैं, छेन्‍ले टिद् ओ, जय मसीह। ताँन् केमैं छेनाले लबै भों लदु, घ्रिइ-घ्रिए सैं क्होमिंबै के लदु, क्ह्रिसि टिदु, घ्रिइ-घ्रिलाइ सैदिदु। झाइले खीए म्हाँयाउँइँले ङ्योए सैं क्‍होल् लमिंबै परमेश्‍वर क्‍हेमैंने तब्‍मुँ।

२ कोरिन्थी 2:3

छतसि ङ क्‍हेमैं ङाँर खमा ङए सैं तोंन् लमिंब्मैं ङाँइलेन् ङए सैं च्योंब् तल् आत्हुरिगे बिसि ओंसोंबै प्ह्रिछ्यार क्‍हेमैंलाइ छ छ लद् बिसि प्‍ह्रिब् ग। ङए सैं तोंमा क्‍हेमैं या सैं तोंम् बिब ङइ सेइमुँ।

२ कोरिन्थी 7:7

तीतस खसि मत्‍त्रे आङिं, क्‍हेमैंइ चलाइ भों पिंबै ताँ थेसि ङि झन् सैं तोंइ। क्‍हेमैं ङने त्‍होदा ङ्हाँइमुँ रो, ह्रोंसइ लबै आछ्याँबै केमैंइ लमा क्हेमैंइ पछुत लइमुँ रो, झाइले म्हिमैंइ ङए बारेर आछ्याँबै ताँ पोंमा क्‍हेमैंइ ङए ख लसि पोंम् रो बिबै ताँमैं थेसि ङ झन् बेल्‍ले सैं तोंइ।

फिलिप्पी 1:4

बेल्‍ले सैं तोंदै ङइ खोंयोंन् बिलै क्‍हेमैंए ल्हागिर प्राथना लमुँ,

फिलिप्पी 2:16

क्‍हेमैंलाइ छ्ह पिंबै परमेश्‍वरए ताँ भोंन्ले क्हाथेंन्। छले क्हाथेंस्याँ येशू ख्रीष्‍ट युबै त्हिंइर ङइ क्हेमैंए ल्हागिर लबै दुःख छलेन् खेरो आह्‍याना बिसि ङए सैं तोंब्मुँ।

फिलिप्पी 2:20

तिमोथीइ धोंले क्हेमैं छ्याँब तरिगे बिसि न्हुँ लबै म्‍हि चुर खाबै आरे।

फिलिप्पी 4:2

इयोदिया नेरो सुन्‍तुखे प्रभुलाइ ङो सेब्मैं तबइले क्हेमैं सैं घ्रिन् तद् बिसि ङ सैं न्होंउँइँले यो छ्युँ लमुँ।

कलस्सी 2:5

तलेबिस्याँ ङ क्हेमैंउँइँले ह्रेंगो मुँलेया ङ खोंयोंन् बिलै क्हेमैंलाइ मैंरिम्। क्‍हेमैं ख्रीष्‍टए फिर बिश्‍वास लबर भोंब् तसि बालुले टिरिब् म्रोंसि ङए सैं तोंइमुँ।

२ थेसलोनिकी 2:13

प्रभुजी खोबै अलि-अङाँमैं, क्‍हेमैंए ल्हागिर ङिइ खोंयोंन् बिलै परमेश्‍वरलाइ धन्‍यबाद पिंल् त्हुम्, तलेबिस्याँ परमेश्‍वरए प्ल्हजी क्हेमैंलाइ पबित्र लमिंबै केउँइँले नेरो क्हेमैंइ क्ह्रोंसेंन्बै ताँ क्वेंबइले परमेश्‍वरजी क्‍हेमैंलाइ जोगेबर त्हाँइ।

२ तिमोथी 1:4

ङ्यो फ्रेबै त्हेर क्‍हिइ पिबै मिग्लि मैंमा त्हियाँ-म्हिसा ङ खोंयों क्हिने त्होसि सैं तोंल् योंब् ङ्‍हे ङ्हाँइमुँ।

फिलेमोन 1:20

छतसि ओ ङइ खोबै अलि, प्रभु नेरो ङए ल्हागिर चए फिर ल्हयो लमिंन्। ख्रीष्‍टए फिर बिश्‍वास लबै ङए अलि, क्हिइ चु ताँर ङए सैं सन्‍तोक लमिंन्।

२ यूहन्‍ना 1:4

परमेश्‍वर आबाजी ङ्योलाइ बिब् धोंलेन् क्हिए को-कोइ कोलोमैं क्ह्रोंसेंन्‍बै घ्‍याँर प्रबै ताँ था सेसि ङ बेल्‍ले सैं तोंइमुँ।

३ यूहन्‍ना 1:4

ङए कोलोमैं छले क्ह्रोंसेंन्‍बै घ्याँर प्रइमुँ बिबै ताँ थेमा चु भन्दा थेबै सैं तोंन् लबै ताँ ङए ल्हागिर अरू तोइ आरे।