18 छलेन क्हेमैं या ङने बालुन् सैं तोंन्।
छतसि ङ क्हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्हेमैं सैं च्योंब् आलद्, तलेबिस्याँ ङइ दुःख नोबइले क्हेमैंल फायदा तइमुँ।
क्हेमैंइ लबै येशू ख्रीष्टए फिर्बै बिश्वास परमेश्वरए मिंर ख्रो पिंब् धों ग। छतसि क्हेमैंइ परमेश्वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्ले तोंइमुँ।
क्हेमैंए बारेर्बै ताँ थेल् योंसि ङए सैं तोंल् योंरिगे बिसि ङ क्हेमैं ङाँर तिमोथी युनन् कुल्मिंबर प्रभुर आशा लमुँ।
ओ अलि-अङाँमैं, आखिरि बिलन् त्हुबै ताँ चु मुँ: प्रभुने घ्रिन् तसि खोंयोंन् बिलै सैं तोंन्। क्हेमैंने ओंसोंन् बिल् खाँबै ताँमैं धबै प्ह्रिबर ङ छोरों आङ्हाँ, तलेबिस्याँ चु ताँमैंइ क्हेमैंलाइ आछ्याँबै घ्याँर प्रबउँइँले जोगेमिंमुँ।
छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।
