फिलिप्पी 2:17 - परमेश्‍वरए ताँ तमु क्युइर

¹⁷ क्‍हेमैंइ लबै येशू ख्रीष्‍टए फिर्बै बिश्‍वास परमेश्‍वरए मिंर ख्रो पिंब् धों ग। छतसि क्हेमैंइ परमेश्‍वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्‍ले तोंइमुँ।

फिलिप्पी 2:17 Cross References

चेला चिब्मैंए केमैं 20:24

दिलेया ङइ ह्रोंसए छ्ह ह्रोंसए ल्हागिर तोइ सैइ आमैं। बरु परमेश्‍वरजी म्हिमैंए फिर दयाम्हाँया लबै बारेर सैं तोंबै ग्वाइ बिप्रबर प्रभु येशूजी पिंबै के ङइ ताँन् लल् खाँरिगे बिब् मत्‍त्रे ङइ मैंम्।

चेला चिब्मैंए केमैं 21:13

दिलेया खिइ बिइ, “क्‍हेमैं छले क्रोसि ङए सैं तले च्योंब् लमुँ? प्रभु येशूए ल्हागिर ङ जेलर फैब् मत्‍त्रे आङिं, यरूशलेमर सिल् त्हुनाबिलेया ङ तयार मुँ।”

रोमी 12:1

छतसि ओ ङइ खोबै अलि-अङाँमैं, परमेश्‍वरजी ङ्योए फिर च्हौ थेबै ल्हयो लबइले ङ क्‍हेमैंने यो छ्युँ लमुँ: सोगों ख्रो धोंले ह्रों-ह्रोंसए ज्यु परमेश्‍वरलाइ पिंन्। छाबै ख्रो पबित्र नेरो परमेश्‍वरलाइ सैं तोंन् लबै क्‍ह्रोंसेंन्‍बै सेवा ग।

रोमी 15:16

तलेबिस्याँ परमेश्‍वरजी ङलाइ अरू ह्रेंमैंए ल्हागिर येशू ख्रीष्‍टए सेवा लबै म्‍हि तल् पिंइमुँ। छतसि ख्रो पिंबै खेगिमैंइ परमेश्‍वरजी खोबै भेटि पिंब् धोंले ङइ सैं तोंबै ताँ बिमिंसि अरू ह्रेंमैंलाज्यै परमेश्‍वर ङाँर पमुँ। चमैंलाइ पबित्र प्ल्हजी चोखो लसि चमैं परमेश्‍वरजी खोबै भेटि तइमुँ।

२ कोरिन्थी 12:15

क्‍हेमैंए ल्हागिर सैं तोंदै ङने मुँबै ताँन् सै न्होर नेरो ङए ज्यु या पिंब्मुँ। छले ङइ क्‍हेमैंए फिर ल्हें म्हाँया लसेरो क्‍हेमैंइ ङलाइ च्युगुदे म्हाँया लब् वा?

२ कोरिन्थी 4:12

छले येशूउँइँले खबै सैं तोंबै ताँ बिप्रमा ङि सिब् धों तलेया क्‍हेमैंइ खोंयोंइ आखाँबै छ्ह योंइमुँ।

२ कोरिन्थी 6:10

न्हुँ खलेया ङि खोंयोंन् बिलै सैं तोंरिम्, ङ्हाँदुमैं तलेया ङिइ ल्हें म्‍हिमैंलाइ प्‍ल्होब लमिंम्, ङि तोइ आरेब् धों तलेया ख्रीष्‍टए फिर बिश्‍वास लबइले ङिइ तोन्दोंरि सै योंइमुँ।

२ कोरिन्थी 7:4

क्‍हेमैं म्रोंसि ङ ढुक्‍का तसि ङ्‍हो लोंइँमुँ। क्हेमैं म्रोंसि ङए सैं क्होइमुँ। छतसि ङिइ खैतबै दुःख योंलेया ङ सैं तोंन्लेन् टिम्।

फिलिप्पी 1:20

ङए थेबै इच्छा नेरो आशा चु मुँ: ङ खोंयोंइ फापिल् त्हुरिब् आरे। ङ बेल्‍ले भोंसि तब्मुँ, सिल् त्हुलेया, सोल् योंलेया ओंसोंबै धोंले तोगो या ङउँइँले येशू ख्रीष्‍टए मान तरिगे।

फिलिप्पी 2:18

छलेन क्‍हेमैं या ङने बालुन् सैं तोंन्।

फिलिप्पी 2:30

तलेबिस्याँ क्हेमैंइ ङए ल्हागिर लल् आखाँबै सेवा पूरा लबर येशू ख्रीष्‍टए केए ल्हागिर च कालए सुँर्न फेल।

फिलिप्पी 4:18

ङलाइ चैदिब् भन्दा ल्हें ङइ योंइमुँ। क्‍हेमैंइ इपाफ्रोडिटसने पिमिंबै बेल्‍ले लिंबै थाँ खबै परमेश्‍वरजी खोबै ख्रो धों तबै भेटि योंसि ङ बेल्‍ले सैं तोंइमुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

१ थेसलोनिकी 2:8

ङिइ क्‍हेमैंए फिर ल्‍हें म्हाँया खसि परमेश्‍वरजी पिंबै सैं तोंबै ताँ बिमिंब् मत्‍त्रे आङिं, क्‍हेमैंए सेवा लबर ङि सिबरै या तयार मुँल, तलेबिस्याँ ङिइ क्‍हेमैंए फिर बेल्‍ले म्हाँया लमल।

२ तिमोथी 4:6

तलेबिस्याँ खैले म्हिमैंइ ख्रो पिंबर क्यु सैमुँ, छलेन ङलाज्यै या सैबै त्हे खइमुँ, तारे ङ क्हिने फ्रेइ ह्‍याबै त्हे खइमुँ।

१ पत्रुस 2:5

छतसि क्हेमैं या येशू ख्रीष्‍टउँइँले परमेश्‍वरजी खोबै सैंर्बै ख्रो पिंबै ल्हागिर पबित्र खेगिमैं तसि खोंयोंइ तरिबै पारा धोंले पबित्र प्ल्ह टिबै धिं बनेदै ह्‍याद्।

१ यूहन्‍ना 3:16

म्हाँया तो जा बिब ङ्योइ खैले सेइमुँ बिस्‍याँ ख्रीष्‍टजी ङ्योए फिर म्हाँया लसि ङ्योए ल्हागिर खीए सो पिंइ। छतसि ङ्योज्‍यै या ह्रोंसए बिश्‍वासी अलि-अङाँमैंए ल्हागिर ह्रोंसए सो पिंल् त्हुम्।