फिलिप्पी 2:10 - परमेश्‍वरए ताँ तमु क्युइर

¹⁰ छतसि स्वर्गरि, पृथ्‍बी फिर नेरो पृथ्‍बी न्होंरि मुँबै ताँन् सो प्ह्‍याबै सैमैंइ येशूए मिंर च्हि तुँल् त्हुब्मुँ।

फिलिप्पी 2:10 Cross References

उत्पत्ति 41:43

झाइले योसेफलाइ फारोइ ह्रोंसए न्होंर्बै चिब धोंले रथर क्रेसि स्युरइ। छतमा योसेफए ओंसों-ओंसों “च्हि तुँसि फ्योद्!” बिदै म्हिमैं ओरप्रइ। छले फारो म्रुँइ योसेफलाइ मिश्र ह्‍युल तिगोंन् क्ल्हे तल् पिंइ।

भजनमैं 95:6

खो, क्र कुरसि खीलाइ फ्योले धै ङ्यो बनेबै याहवेहए ओंसों च्हि तुँले!

मत्ती 12:40

तलेबिस्याँ खैले योना थेबै ताँगए फो न्‍होंर सोंरो समा टिइ, छलेन म्हिए च्ह या सोंरो समा स न्होंर टिब्‍मुँ।

मत्ती 27:29

चमैंइ पुजुए मुकुट या बनेसि खीए क्रर कुमिंइ, क्‍योलो योरि रिंए प्‍हरे छेल् पिंइ, धै येशूए उँइँर च्‍हि तुँसि फ्योब् धों लसि “ओ येहूदिमैंए म्रुँ!” बिदै खीए बिल्‍लि लइ।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

रोमी 11:4

दिलेया परमेश्‍वरजी एलियाने छाबै ज्वाफ पिंइ, “बाल बिबै देवताए पूजा आलबै हजार ङि म्हिमैं ङइ ह्रोंसए ल्हागिर थेंइमुँ।”

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

एफिसी 3:14

छतसि ङ च्हि तुँसि परमेश्‍वर आबालाइ फ्योम्।

एफिसी 4:9

खी “नुबर क्रे ह्‍याइ” बिबै ताँए मतलब खी ह्‍याब् भन्दा ओंसों खी चु पृथ्‍बीर युसि चए क्रों समा फेनेइ।

हिब्रू 1:6

खीए घ्रि मुँबै च्ह ह्‍युलर कुलमा खीजी छ बिइमुँ, “परमेश्‍वरए ताँन् स्वर्गदूतमैंइ खीलाइन फ्योरिगे।”

दर्शन 20:13

मा ङ्युँइर सिबै म्‍हिमैं मा ङ्युँइइ पिंइ, छलेन काल नेरो क्रोज्यै या खेंमैंने मुँबै सिनुमैं पिंइ। धै चमैंइ लबै केमैं ङ्‍ह्‍योसि परमेश्‍वरजी निसाफ लइ।

दर्शन 4:10

छ लरिमा च ङ्हिस्युसे प्लि चिब्मैंइ राजगद्दिर क्हुँबै खोंयोंइ या तरिबै परमेश्‍वरलाइ पद्खु तसि फ्योम्, झाइले खेंमैंइ कुबै मुकुट राजगद्दिए उँइँर थेंसि छ बिरिम्,

दर्शन 5:3

दिलेया च काउदए प्हैं प्‍ल्हसि ङ्ह्‍योल् खाँबै म्‍हि स्‍वर्गरि, पृथ्‍बीरि नेरो क्रोंरै या खाबै आरेल।