फिलिप्पी 2:1 - परमेश्‍वरए ताँ तमु क्युइर

¹ क्हेमैं येशू ख्रीष्‍टने घ्रिन् तबइले सैं क्‍होल् लमिंबै भों, म्हाँया, पबित्र प्ल्हए संगति नेरो ल्हयो क्‍हेमैंने मुँ।

फिलिप्पी 2:1 Cross References

भजनमैं 133:1

थेद्, आघें-अलिमैं क्ह्रिसि टिब बेल्‍ले छ्याँबै सैं तोंबै ताँ ग!

लूका 2:25

च त्‍हेर यरूशलेम सहरर शिमियोन बिबै म्‍हि घ्रि टिमल। च छ्याँबै के लबै म्‍हि नेरो परमेश्‍वर म्हाँदिबै म्‍हि मुँल, चने बालु परमेश्‍वरए पबित्र प्ल्ह मुँल। इस्राएली म्‍हिमैंलाइ परमेश्‍वरजी जोगेमिंब्मुँ बिसि शिमियोनइ ल्हें बर्ष ओंनोंन् परमेश्‍वरए घ्याँ ङ्ह्‍योरिल।

यूहन्‍ना 14:18

“ङइ क्हेमैं आबा आरेब्मैं धोंले पिथेंरिब् आरे। ङ धबै क्हेमैं ङाँर युब्मुँ।

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

यूहन्‍ना 17:13

“तारे ङ क्हि ङाँर खसिन्‌ मुँ, दिलेया चमैंए सैं ङइ पिंथेंबै आनन्दइ प्लिंरिगे बिसि ह्‍युलर मुँमा ङइ चु ताँमैं बिइमुँ।

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

चेला चिब्मैंए केमैं 4:32

प्रभुए फिर बिश्‍वास लब्मैं ताँनए सैं, खों घ्रिन् मुँल। चमैंए न्होंर खाबज्यै या चमैंने मुँबै सैमैं ह्रोंसल् आबिमल। चमैंए ताँन् सैमैं गमस्तर तमल।

रोमी 5:5

ङ्योइ थेंबै आशार ङ्यो सैं च्योंब तल् आपिं, तलेबिस्याँ परमेश्‍वरजी खीए पबित्र प्ल्ह ङ्योलाइ पिंइमुँ, छतसि परमेश्‍वरजी ङ्योए फिर बेल्‍ले म्हाँया लइमुँ बिसि पबित्र प्ल्हजी ङ्योए सैं न्‍होंर छेनाले सेल् पिंम्।

रोमी 8:26

छलेन ङ्योइ प्राथना खैले लल् त्हुम बिब ङ्योइ आसेबै त्हेर पबित्र प्ल्हजी ङ्योलाइ ल्होमिंम्। ङ्योइ सो खुइले बिलै आह्रबै ताँफुँमैं क्होसि पबित्र प्ल्ह खीजीन् ङ्योए ल्हागिर परमेश्‍वरने प्राथना लमिंम्।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।

१ कोरिन्थी 15:31

ओ अलि-अङाँमैं, ङ्योए प्रभु येशूए फिर क्हेमैंइ बिश्‍वास लबइले ङए सैं भोंइमुँ। छतसि प्रभुए के लबर ङ त्हिंइ ह्रोंसे या सिल् खाँम्।

१ कोरिन्थी 3:16

क्‍हेमैंन् परमेश्‍वरए मन्दिर ग, परमेश्‍वरए पबित्र प्ल्ह क्‍हेमैंए न्‍होंरि टिम् बिब क्हेमैंइ आसे वा?

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

२ कोरिन्थी 2:14

परमेश्‍वरलाइ धन्‍यबाद तरिगे! तलेबिस्याँ खीजी ङ्योलाइ ख्रीष्‍ट येशूने घ्रिन् लमिंसि ट्होगों घ्याँर डोरेब्मुँ! धै छ्याँबै थाँ खबै धुप धों तबै खीए ज्ञानए ताँमैं ङ्योउँइँलेन् ताँन् क्‍ल्‍ह्‍योजरे फेनेब्मुँ।

गलाती 4:6

क्‍हेमैं खीए प्हसेमैं तबइले परमेश्‍वरजी ह्रोंसए च्‍हए प्ल्ह ङ्योए सैंर कुल्‍मिंइमुँ। छतसि च प्ल्हउँइँले ङ्योइ परमेश्‍वरने “आबा, ओ ङए आबा” बिम्।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 4:4

ज्यु घ्रिन् मुँ, पबित्र प्ल्ह या घ्रिन् मुँ। च धोंलेन् परमेश्‍वरजी ङ्योलाइ पिंबै आशा या घ्रिन् मुँ।

फिलिप्पी 1:8

क्‍हेमैंए फिर ख्रीष्‍ट येशूजी खैले म्हाँया लमुँ, छलेन ङज्यै या क्‍हेमैं ताँनए फिर म्हाँया लसि साँ खम्। चु ताँ परमेश्‍वरज्यै सेइमुँ।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

कलस्सी 2:2

क्‍हेमैं ह्रों-ह्रोंसए न्होंर म्हाँयार सैं घ्रि तसि क्हेमैंए सैं भोंब् तरिगे, धै परमेश्‍वरउँइँले खबै क्ह्रोंसेंन्बै बुद्धिइ प्लिंसि परमेश्‍वरइ लोथेंबै ताँ क्‍हेमैंइ सेरिगे। च ताँ तो जा बिस्याँ, येशू ख्रीष्‍ट ङो सेल् योंब् ग।

कलस्सी 3:12

क्हेमैं परमेश्‍वरजी खोबै त्हाँबै पबित्र म्हिमैं ग। छतसि खीए म्हिमैं तबइले क्‍हेमैंइ आगुए फिर ल्‍हयो खसि छ्याँबै के लब, थेब् आप्‍हैंब, ह्रिस आखब, धै सैदिल् खाँब तद्।

हिब्रू 6:18

खीजी फैबै बाछा नेरो खीजी चबै कसम ङ्हिंना ङ्हिंन् खोंयोंइ प्लिंल् आखाँ, तलेबिस्याँ खीजी खोंयोंइ स्‍योर आते। छतसि खीए फिर भर थेंब्‍मैंइ ङ्योलाइ पिंम् बिबै सै योंबर ङ्योइ थेबै भों योंइमुँ।

१ पत्रुस 1:2

येशू ख्रीष्‍टजी बिबै ताँ क्हेमैंइ ङिंसि खीए कोजी ख्रुमिंसि पबित्र प्ल्हउँइँले चोखो तबै ल्हागिर परमेश्‍वर आबाजी क्हेमैंलाइ स्योंमन् त्हाँल। क्हेमैं ताँनए फिर परमेश्‍वरए दयाम्हाँया नेरो शान्ति खोंयोंन् बिलै ल्हें ततै ह्‍यारिगे।

१ यूहन्‍ना 3:24

परमेश्‍वरजी बिब् ङिंब्मैं ताँन् परमेश्‍वरने घ्रिन् तसि टिमुँ, धै परमेश्‍वर चमैंने घ्रिन् तसि टिम्। परमेश्‍वर ङ्योने टिमुँ बिसि खैले सेइमुँ बिस्‍याँ खीजी ह्रोंसए प्ल्ह ङ्योलाइ पिंइमुँ।

१ यूहन्‍ना 4:12

खाबज्‍यै या परमेश्‍वरलाइ खोंयोंइ आम्रोंइमुँ, दिलेया ङ्योइ घ्रिइ घ्रिने सैं न्होंउँइँलेन् म्हाँया लइ बिस्‍याँ परमेश्‍वर ङ्योने घ्रिन् तसि टिम्, धै खीए म्हाँया ङ्योए फिर तम् बिसि पक्‍का तम्।

१ यूहन्‍ना 4:16

छले परमेश्‍वरजी ङ्योए फिर म्हाँया लम् बिब् क्होसि ङ्योइ च म्हाँयारन भर थेंइमुँ। परमेश्‍वरजी म्हाँया लम्। छतसि म्हाँया मुँबै के लबै म्हि परमेश्‍वरने घ्रिन् तसि टिमुँ, धै परमेश्‍वर चने घ्रिन् तसि टिम्।