फिलिप्पी 1:8 - परमेश्‍वरए ताँ तमु क्युइर

⁸ क्‍हेमैंए फिर ख्रीष्‍ट येशूजी खैले म्हाँया लमुँ, छलेन ङज्यै या क्‍हेमैं ताँनए फिर म्हाँया लसि साँ खम्। चु ताँ परमेश्‍वरज्यै सेइमुँ।

फिलिप्पी 1:8 Cross References

लूका 1:78

तलेबिस्याँ ङ्योए परमेश्‍वरए ल्हयो म्हाँया मुँब मुँ, छतसि न्हाँगर प्योबै त्हिंयाँ धोंले खीए चारबै ह्‍वे स्वर्गउँइँले ङ्योए फिर चारब्मुँ।

रोमी 1:9

ङइ प्राथना लमा खोंयोंन् बिलै क्‍हेमैंलाज्यै मैंम् बिबै ताँ परमेश्‍वरजी सेइमुँ। खीए च्‍हउँइँले योंबै सैं तोंबै ताँ बिप्रसि ङइ खीए के छेनाले लम्।

रोमी 9:1

तोगो ङइ बिबै ताँ क्ह्रोंसेंन्बै ग। ङ ख्रीष्‍टल् ग, ङ स्‍योर आते। धै पबित्र प्ल्हए न्होंर मुँबै ङए सैंज्‍यै या स्‍योर आते बिसि ङए सैंइ साक्षि पिंम्।

२ कोरिन्थी 13:9

ङि छले भों आरेब् धों तलेया क्‍हेमैं भोंब् तमा ङि सैं तोंम्। छतसि क्‍हेमैं तोन्दोंरि सैर बिब् धों तरिगे बिसे या ङिइ प्राथना लम्।

२ कोरिन्थी 6:12

ङिइमि क्‍हेमैंए फिर बेल्‍ले म्हाँया लइमुँ, बरु क्‍हेमैंइ गो ङिए फिर म्हाँया आलब् धों तइमुँ।

२ कोरिन्थी 7:15

क्‍हेमैं तीतसने ङ्हिंसि चलाइ बेल्‍ले मान लइ, झाइले क्‍हेमैं ताँनइ चइ बिबै ताँ ङिंबर तयार तइ। छतसि क्‍हेमैंइ लबै च्हौ छ्याँबै केमैं मैंसि तीतसइ क्हेमैंए फिर म्हाँया झन् ल्हें लइमुँ।

गलाती 1:20

(ङ परमेश्‍वरए उँइँर स्योर आते, ङइ प्‍ह्रिबै ताँ क्‍ह्रोंसेंन्‍बै ग।)

गलाती 3:26

येशू ख्रीष्‍टए फिर बिश्‍वास लबइले क्‍हेमैं ताँन् परमेश्‍वरए प्हसेमैं तइमुँ,

गलाती 4:19

ओ, ङए कोलोमैं, क्‍हेमैंए बानि ब्योर ख्रीष्‍टए बानि ब्योर धों आतन् समा सुत्‍केरि बेथा ल्‍हैदिसि नबै च्हमिरि धोंले ङए सैं नसिन् मुँ।

फिलिप्पी 2:1

क्हेमैं येशू ख्रीष्‍टने घ्रिन् तबइले सैं क्‍होल् लमिंबै भों, म्हाँया, पबित्र प्ल्हए संगति नेरो ल्हयो क्‍हेमैंने मुँ।

फिलिप्पी 2:26

तलेबिस्याँ क्‍हेमैंइ च नइ बिबै ताँ थेसि चइ न्हुँ लइमुँ। छतसि चइ क्‍हेमैंए साँ खसि त्होबै सैं लइमुँ।

फिलिप्पी 4:1

छतसि, ङइ खोबै अलि-अङाँमैं, छलेन् क्हेमैं प्रभुए भोंब् तरिद्। ङइ क्‍हेमैंलाइ म्हाँया लमुँ, धै क्हेमैंए साँ खरिम्। क्हेमैंइ ङए सैं तोंन् लमिंइमुँ छतसि क्हेमैं ङए मुकुट ग।

कलस्सी 2:1

क्हेमैं कलस्सिथेंमैं, लाउडिकियाथेंमैं नेरो ङ खोंयोंइ या आम्रोंब्‍मैं ताँनए ल्हागिरै या ङइ बेल्‍ले दुःखले के लइमुँ बिबै ताँ क्‍हेमैंइ सेरिगे बिब ङए सैं मुँ।

कलस्सी 3:12

क्हेमैं परमेश्‍वरजी खोबै त्हाँबै पबित्र म्हिमैं ग। छतसि खीए म्हिमैं तबइले क्‍हेमैंइ आगुए फिर ल्‍हयो खसि छ्याँबै के लब, थेब् आप्‍हैंब, ह्रिस आखब, धै सैदिल् खाँब तद्।

१ थेसलोनिकी 2:5

ङि क्हेमैं ङाँर खमा ङिइ फिब्लो पार्दिबै ताँमैं तोइ आपों बिसि क्हेमैइ सेइमुँ। धै ङिइ तोइ योंम् उ बिसि लोबै या आलल, चु ताँर परमेश्‍वर ङिए साक्षि मुँ।

१ थेसलोनिकी 2:8

ङिइ क्‍हेमैंए फिर ल्‍हें म्हाँया खसि परमेश्‍वरजी पिंबै सैं तोंबै ताँ बिमिंब् मत्‍त्रे आङिं, क्‍हेमैंए सेवा लबर ङि सिबरै या तयार मुँल, तलेबिस्याँ ङिइ क्‍हेमैंए फिर बेल्‍ले म्हाँया लमल।

२ तिमोथी 1:4

ङ्यो फ्रेबै त्हेर क्‍हिइ पिबै मिग्लि मैंमा त्हियाँ-म्हिसा ङ खोंयों क्हिने त्होसि सैं तोंल् योंब् ङ्‍हे ङ्हाँइमुँ।

फिलेमोन 1:12

च ङइ खोबै च्ह ग, दिलेया ङइ च तोगो क्हि ङाँर कुलबै सैं लइमुँ।

फिलेमोन 1:20

छतसि ओ ङइ खोबै अलि, प्रभु नेरो ङए ल्हागिर चए फिर ल्हयो लमिंन्। ख्रीष्‍टए फिर बिश्‍वास लबै ङए अलि, क्हिइ चु ताँर ङए सैं सन्‍तोक लमिंन्।

१ यूहन्‍ना 3:17

दिलेया प्लबै म्‍हि घ्रिइ ह्रोंसए बिश्‍वासी अलि-अङाँलाइ खाँचो तब् म्रोंसेया चमैंए फिर सैं सारो लइ बिस्‍याँ, परमेश्‍वरए म्हाँया चने तम्‌ रो वा?