फिलिप्पी 1:28 - परमेश्‍वरए ताँ तमु क्युइर

²⁸ क्हेमैंए फिर तो तखलेया क्हेमैंए शत्तुरमैंने तिफुँइ आङ्हिंन्। खोंयोंइ बिलै प्रभुए फिर बिश्‍वास लबर भोंब् तरिद्। छतस्याँ शत्तुरमैंइ क्हेमैं ट्होल आखाँ, बरु क्‍हेमैंइ ट्होब्‍मुँ, तलेबिस्याँ परमेश्‍वरजी क्‍हेमैं जोगेमिंब्मुँ।

फिलिप्पी 1:28 Cross References

उत्पत्ति 49:18

“ओ याहवेह, क्हिजी जोगेमिंम् बिसि ङ पैंरिइमुँ।

भजनमैं 50:23

धन्यबादए ख्रो पिंबै म्हिइन ङए मिं थेब् लब्मुँ। धै ठिक घ्याँर प्रब्मैंलाइन ङइ जोगेमिंब्मुँ,” बिसि फरमेश्‍वरजी बिइमुँ।

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

मर्कूस 3:3

येशूजी च यो ओलेल् आतबै म्‍हिने, “क्‍हि छुइ खो,” बिइ।

लूका 3:6

छले ताँन् म्हिमैंइ परमेश्‍वरजी जोगेमिंमुँनामैं बिसि सेब्‍मुँ।’” छले यशैयाइ प्‍ह्रिथेंबै ताँ यूहन्‍ना खसि पूरा लइ।

यूहन्‍ना 16:8

झाइले पबित्र प्ल्ह युबै लिउँइँ ह्‍युलर्बै म्हिमैंलाइ पाप, धार्मिकता नेरो नियाए बारेर दोषि ठर्दिब्मुँ।

चेला चिब्मैंए केमैं 28:28

छतसि ‘परमेश्‍वरजी म्हिमैं जोगेमिंब्‍मुँ,’ बिबै सैं तोंबै ताँ अरू ह्रेंर्बै म्हिमैंए ल्हागिर खीजी पिमिंइँमुँ, धै चमैंज्यै थेब्‍मुँ, बिसि क्‍हेमैं था सेल् त्‍हुम्।”

रोमी 8:17

ङ्यो परमेश्‍वरए च्‍ह-च्हमिमैं तसेरो परमेश्‍वरजी खीए च्‍ह-च्हमिमैंए ल्हागिर साँथेंबै अँश ङ्योइ योंब्‍मुँ, धै परमेश्‍वरजी ख्रीष्‍टए ल्हागिर साँथेंबै अँश या ङ्योइ खीने बालो योंब्‍मुँ। तलेबिस्याँ येशू ख्रीष्‍टजी दुःख नोब् धोंले ङ्योज्यै या छाबै दुःख नोस्‍याँ खीजी योंबै मान ङ्योज्यै या योंब्‍मुँ।

१ थेसलोनिकी 2:2

क्‍हेमैं ङाँर खब् भन्दा ओंसों फिलिप्‍पीमैंइ ङि म्हि आच्हिसि बेल्‍ले दुःख पिंब क्हेमैंइ सेइमुँ। छलेन क्‍हेमैंए सहररै या बिरोध लब्मैं ल्हें तनाबिलेया परमेश्‍वरजी ङिए सैं भोंब् लमिंबइले ङिइ क्‍हेमैंलाइ सैं तोंबै ताँ बिल् योंइ।

हिब्रू 13:6

छतसि ङ्योइ ढुक्‍कले बिले, “याहवेहजी ङलाइ ल्होमिंम्, छतसि ङ ङ्हिंरिब् आरे। म्‍हिमैंइ ङलाइ तो लल् खाँमुँ?”

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।