फिलिप्पी 1:27 - परमेश्‍वरए ताँ तमु क्युइर

²⁷ येशू ख्रीष्‍टउँइँले खबै सैं तोंबै ताँइ बिब् धोंले छ्ह थोद्। ङ क्हेमैं ङाँर खलै आखलै क्हेमैंए सैं फो घ्रिन् तसि खोंर थेबै बिश्‍वास लसि सैं तोंबै ताँ म्हिमैंने बिप्रबर भों लइमुँ बिबै ताँ ङइ थेदा ङ्हाँइमुँ।

फिलिप्पी 1:27 Cross References

भजनमैं 122:3

छेन्ले क्ह्रिबै सहर घ्रि धोंले यरूशलेम बेल्‍ले छेन्ले बनेइमुँ।

भजनमैं 133:1

थेद्, आघें-अलिमैं क्ह्रिसि टिब बेल्‍ले छ्याँबै सैं तोंबै ताँ ग!

हितोपदेश 22:23

तलेबिस्याँ याहवेहजीन् चमैंए मुद्दा नेमिंब्मुँ, धै चमैंलाइ लुडिब्मैंलाइ याहवेहजी लुडिब्मुँ।

मत्ती 12:25

येशूजी चमैंए सैंर्बै ताँ था सेसि फरिसीमैंने बिइ, “ह्रों-ह्रोंसए न्होंर्न आक्ह्रिसि प्होंब्-नेब् लस्याँ च ह्‍युल नास त‍याब्‍मुँ। छलेन खाब् मुँले सहर अथवा धिं घ्रिर्बै परवामैं प्होंब् नेब् लस्याँ चमैं या नास तयाम्।”

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

चेला चिब्मैंए केमैं 24:24

दे त्हिंइ लिउँइँ फेलिक्स ह्रोंसए यहूदी प्ह्रेंस्यो द्रुसिल्‍लाने बालु खसि पावललाइ हुइइ। धै ख्रीष्‍ट येशूए फिर बिश्‍वास लबै बारेर्बै ताँ चउँइँलेन् थेइ।

चेला चिब्मैंए केमैं 4:32

प्रभुए फिर बिश्‍वास लब्मैं ताँनए सैं, खों घ्रिन् मुँल। चमैंए न्होंर खाबज्यै या चमैंने मुँबै सैमैं ह्रोंसल् आबिमल। चमैंए ताँन् सैमैं गमस्तर तमल।

रोमी 1:16

तलेबिस्याँ ख्रीष्‍टउँइँले योंबै सैं तोंबै ताँ म्हिमैंने बिबै ल्हागिर ङ फा आपि। यहूदीमैं मुँलेया अरू ह्रेंमैंन् मुँलेया चु सैं तोंबै ताँउँइँलेन् खीए फिर बिश्‍वास लब्‍मैंलाइ परमेश्‍वरजी मुक्‍ति पिंम्।

रोमी 1:5

प्रभु येशू ख्रीष्‍टउँइँले परमेश्‍वरजी ङए फिर दयाम्हाँया उँइँसि ख्रीष्‍टए के लबै ल्हागिर ङ कुल्मिंबै चेला चिब तल् पिंइ। ताँन् ह्रेंर्बै म्‍हिमैंइ बिश्‍वास लसि परमेश्‍वरजी बिबै ताँ म्हाँदिरिगे बिसि खीजी ङलाइ त्‍हाँइ।

रोमी 1:9

ङइ प्राथना लमा खोंयोंन् बिलै क्‍हेमैंलाज्यै मैंम् बिबै ताँ परमेश्‍वरजी सेइमुँ। खीए च्‍हउँइँले योंबै सैं तोंबै ताँ बिप्रसि ङइ खीए के छेनाले लम्।

रोमी 10:8

बरु ठिमए ताँ चु ग, “परमेश्‍वरए ताँ क्‍हेमैंए ङाँर्न मुँ। क्‍हेमैंए सुँ नेरो सैं न्‍होंर्न मुँ।” ङिइ म्हिमैंने बिमिंबै ताँ: येशूए फिर बिश्‍वास लद् बिबै सैं तोंबै ताँ ग।

रोमी 15:16

तलेबिस्याँ परमेश्‍वरजी ङलाइ अरू ह्रेंमैंए ल्हागिर येशू ख्रीष्‍टए सेवा लबै म्‍हि तल् पिंइमुँ। छतसि ख्रो पिंबै खेगिमैंइ परमेश्‍वरजी खोबै भेटि पिंब् धोंले ङइ सैं तोंबै ताँ बिमिंसि अरू ह्रेंमैंलाज्यै परमेश्‍वर ङाँर पमुँ। चमैंलाइ पबित्र प्ल्हजी चोखो लसि चमैं परमेश्‍वरजी खोबै भेटि तइमुँ।

रोमी 15:29

ङ क्‍हेमैं ङाँर खमा येशू ख्रीष्‍टउँइँले खबै आशिकए बारेर ङइ अझै छेनाले क्होमिंल् खाँब्मुँ बिसि ङइ सेइमुँ।

१ कोरिन्थी 1:10

छतसि ओ अलि-अङाँमैं, ङ्योए प्रभु येशू ख्रीष्‍टए थेबै मिंर ङ क्हेमैंने यो छ्युँ लमुँ: क्‍हेमैं सैं फो क्ह्रिसि टिब्मैं तद्, क्हेमैंए सैं आक्ह्रिसि ह्रों-ह्रोंसए न्होंर्न फ्रेब् प्ह्राब् आतरिगे।

१ कोरिन्थी 15:58

छतसि ओ ङइ खोबै अलि-अङाँमैं, क्हेमैं छाइ-छुइ आतल्‍ले भोंन्ले टिद्। खोंयोंन् बिलै प्रभुए के लरिद्। तलेबिस्याँ प्रभुए ल्हागिर लबै के फाक्‍कर्न आत बिबै ताँ क्‍हेमैंइ सेइमुँ।

२ कोरिन्थी 13:11

ओ अलि-अङाँमैं, छेन्‍ले टिद् ओ, जय मसीह। ताँन् केमैं छेनाले लबै भों लदु, घ्रिइ-घ्रिए सैं क्होमिंबै के लदु, क्ह्रिसि टिदु, घ्रिइ-घ्रिलाइ सैदिदु। झाइले खीए म्हाँयाउँइँले ङ्योए सैं क्‍होल् लमिंबै परमेश्‍वर क्‍हेमैंने तब्‍मुँ।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

२ कोरिन्थी 9:13

ख्रीष्‍टउँइँले खबै सैं तोंबै ताँर बिब् धोंले क्‍हेमैं प्रसि यहूदीमैं नेरो अरू म्हिमैंए ल्हागिर क्हेमैंइ सैं प्ल्हसि पिंबै भेटिउँइँले परमेश्‍वरए मिं थेब् तब्मुँ।

गलाती 1:7

क्‍ह्रोंसेंन येशू ख्रीष्‍टउँइँले खबै सैं तोंबै ताँ बाहेक अर्को सैं तोंबै ताँ आरे। ख्रीष्‍टउँइले खबै सैं तोंबै ताँलाइ तो धोंइ आङ्हाँन्ले खेंमैंए सैंर्बै ताँ पोंब्मैं को-कोइ मुँ। चमैंइ क्हेमैंए सैं ङ्हिंरि लवाइमुँ।

एफिसी 1:13

छलेन क्‍हेमैं अरू ह्रेंमैंज्यै या परमेश्‍वरउँइँले योंबै मुक्‍तिए बारर्बै क्ह्रोंसेंन्बै सैं तोंबै ताँ थेसि येशू ख्रीष्‍टए फिर बिश्‍वास लइ। छतसि क्‍हेमैं या परमेश्‍वरए म्‍हिमैं तइ, धै क्‍हेमैंलाइ खीए म्हिमैं लबै ल्हागिर परमेश्‍वरजी ओंसोंन् बाछा फैबइले क्हेमैंए फिर पबित्र प्ल्हए छाप ल्हैदिइमुँ।

एफिसी 1:15

क्‍हेमैंइ प्रभु येशूए फिर बिश्‍वास लसि परमेश्‍वरए ताँन् म्‍हिमैंए फिर म्हाँया लइमुँ बिबै ताँ ङइ थेइमुँ।

एफिसी 4:1

प्रभुए ल्हागिर के लबइलेन् ङ झेलर टिल् त्हुइमुँ, दिलेया ङ क्‍हेमैंने यो छ्युँ लमुँ: क्हेमैं परमेश्‍वरजी त्हाँबै म्हिमैं ग। छतसि क्हेमैं छ्याँबै बानि ब्योरउँइँले छ्ह थोद्।

फिलिप्पी 1:5

तलेबिस्याँ येशूउँइँले खबै सैं तोंबै ताँ बिप्रबै ल्हागिर ओंसोंउँइँले तोगो समा क्‍हेमैंइ ङलाइ ल्होसिन् मुँ। चु ताँर ङइ धन्यबाद पिंम्।

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

फिलिप्पी 2:24

ङैया क्‍हेमैं ङाँर युनन् खब्मुँ बिसि प्रभुए फिर भर थेंइमुँ।

फिलिप्पी 3:18

ङइ चु ताँ ल्‍हें खे क्हेमैंने बिल् खाँइमुँ, धबै या बिमुँ। ङए सैं बेल्‍ले नइमुँ। को-कोइ म्हिमैंम् अझै क्रूसर सिमिंबै येशू ख्रीष्‍टए शत्तुरन् तसि छ्ह थोम्।

फिलिप्पी 3:20

दिलेया ङ्योए नागरिकता स्वर्गर मुँ। छतसि ङ्योलाइ मुक्‍ति पिंबर स्वर्गउँइँले युबै प्रभु येशू ख्रीष्‍टए घ्याँ ङ्यो ङ्‍ह्‍योरिम्।

फिलिप्पी 4:1

छतसि, ङइ खोबै अलि-अङाँमैं, छलेन् क्हेमैं प्रभुए भोंब् तरिद्। ङइ क्‍हेमैंलाइ म्हाँया लमुँ, धै क्हेमैंए साँ खरिम्। क्हेमैंइ ङए सैं तोंन् लमिंइमुँ छतसि क्हेमैं ङए मुकुट ग।

कलस्सी 1:10

च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।

कलस्सी 1:4

तलेबिस्याँ येशू ख्रीष्‍टए फिर्र क्हेमैंइ लबै बिश्‍वास नेरो परमेश्‍वरए म्‍हिमैं ताँनने क्‍हेमैंइ म्हाँया लइमुँ बिसि ङिइ थेइमुँ।

१ थेसलोनिकी 3:6

तोगो तिमोथी क्‍हेमैंउँइँले ङि ङाँर एखसि क्‍हेमैंइ प्रभुए फिर बिश्‍वास लबै ताँ नेरो क्‍हेमैंए न्‍होंरि म्हाँया लमन बिसि ङिने छ्याँबै सँउँसर बिमिंइ। झाइले क्‍हेमैंइ ङिए फिर म्हाँया खसि ङिइ क्‍हेमैंने त्होदा ङ्हाँब् धोंले क्‍हेमैं या ङिने त्होदा ङ्हाँइमुँ बिबै सँउँसर पखइ।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।

१ तिमोथी 1:11

च ठिक लोमिंबै ताँमैं बेल्‍ले छ्याँबै नेरो ताँनइ म्हाँदिल् त्हुबै परमेश्‍वरजी ङने पिंबै सैं तोंबै ताँने क्ह्रिम्।

१ तिमोथी 1:19

खोंयोंन् बिलै छ्याँबै सैंउँइँले बिश्‍वासर भोंब् तद्। तलेबिस्याँ को-कोइ म्हिमैंए सैं आछ्याँब तबइले चमैं बिश्‍वासउँइँले ह्रेंगो तयाइमुँ।

२ तिमोथी 4:7

ङए छ्हर खैतबै दुःख तलेया ङइ सैदिइ। धै ङइ लल् त्हुबै के छेनाले लइ। छले ङए फिर खैतबै दुःख तलेया ङइ बिश्‍वास लब आपि।

तीतस 2:10

चमैंइ तोइ सै या आह्‍योरिगे, बरु ताँन् सैर भर म्हाँदिल् खाँब तरिगे। छले चमैंए छ्याँबै बानि म्रोंसि म्हिमैंइ ङ्योलाइ जोगेमिंबै परमेश्‍वरए मिं थेब लल् खाँरिगे।

फिलेमोन 1:5

तलेबिस्याँ क्‍हिइ प्रभु येशूए फिर बिश्‍वास लसि ताँन् बिश्‍वासीमैंने म्हाँया लइमुँ बिबै ताँ ङइ थेइमुँ।

याकूब 3:18

छले क्ह्रिल् लबै म्‍हिमैंइ क्ह्रिबै ताँ पोंसि ठिक केमैंए रो योंम्।

२ पत्रुस 3:11

छले तोन्दोंरि नास तयाम् बिब् सेसेरो क्हेमैं खैबै म्‍हि तल् त्‍हुम्? परमेश्‍वरजी बिब ङिंदै छ्याँबै केमैं लसि क्हेमैं छेनाले छ्ह थोसि

२ पत्रुस 3:14

छतसि ओ ङए थुमैं, च त्हिंइ खोंयों तब् ङ्‍हे बिसि क्हेमैं खीए घ्‍याँ ङ्ह्‍योब्मैं ग। छतसि प्रभुए उँइँर तोइ खोट नेरो छ्याब् आरेब् तसि ताँनने क्ह्रिसि टिबै भों लद्।

यहूदाइ प्‍ह्रिबै प्ह्रिछ्या 1:3

ओ ङए खोबै थुमैं, ङ्यो ताँनइ योंबै मुक्‍तिए बारेर्बै ताँमैं प्‍ह्रिबै सैं ङल मुँल। दिलेया तोगो ङ्योइ बिश्‍वास लल् त्हुबै ताँए बारेर प्‍ह्रिल् त्‍हुइमुँ। खोंयोंन् बिलै तरिबै ल्हागिर परमेश्‍वरजी तिखेर्न खीए म्‍हिमैंलाइ च ताँ लोमिंल् खाँइ। च ताँ जोगेसि थेंन् बिबै ल्हागिर ङइ चु प्ह्रिछ्या प्ह्रिल् त्हुदा ङ्हाँइ।