फिलिप्पी 4:8 - Garhwali

⁸ इलै हे मेरा भै-बैंणो, कुछ और बात भि छिन जु की सच्‍चि अर सोच-विचार करण का लैख छिन, अर यू वु बात छिन जु कि साफ अर पवित्र छिन अर यों बातों बटि प्यार किये जान्दु, अर यू खुश कैर देण वळी छिन, अर यों मा हरेक किसम का गुण पये जनदिन, अर यों बातों की तारीफ किये जान्दी, अर यू वु बात छिन जौं पर लगातार तुमतै अपणु ध्यान लगौण चयेणु।

गढवली नयो नियम

⁸ इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

फिलिप्पी 4:8 Cross References

मत्ती 22:16

तब ऊंन अपणा चेला-चआँटों तैं राजा हेरोदेस का कुछ खास लोगु का दगड़ा यीशु का पास इन बुलणु कू भेजि, कि वेकू बुलयां, “गुरुजी, हम जणदा छां कि तुम सच्‍चा छाँ, अर सच्‍चै से परमेस्वर का बाटा का बारा मा सिखौन्द्‍यां। अर तुम कै से भि नि डऽरद्‍यां, अर ना ही तुम कै का दगड़ा मा पक्षपात कैरिके बात करद्‍यां।

मरकुस 6:20

अर हेरोदेस अन्तिपास यूहन्‍ना बटि डऽरदु छौ किलैकि उ जणदु छौ, कि वु एक धरमी अर पवित्र मनखि च, इलै वु यूहन्‍ना की हिफाजत भि करदु छौ, अर वेकी बातों तैं सुणी के भौत उळझण मा पोड़ि जान्दु छौ, मगर फिर भि राजा वेकी बातों तैं खुशी से सुणदु छौ।

लूका 16:15

अर वेन ऊंकू बोलि कि, “तुम त लोगु का समणि अफ तैं धरमी ठैरौन्द्‍यां, पर परमेस्वर तुमरा मनों तैं जणदु च, किलैकि ज्वा चीज मनखियों की नजर मा सबसे महान होन्दी, वीं ही चीज से परमेस्वर नफरत करदु।

लूका 2:25

अर यरूशलेम नगर मा शमौन नौ को एक मनखि छौ, जु की धरमी अर भक्‍त छौ। अर उ इस्राएली लोगु का छुटकारा खुणि मसीह को इंतजार कनु छौ, अर पवित्र आत्मा वे पर छौ।

लूका 23:50

यूसुफ नौ को एक आदिम छौ, जु की यहूदिया मुलक का अरिमतिया नगर मा रौन्दु छौ। यू एक भलु अर धरमी मनखि छौ, अर परमेस्वर का राज को इंतजार कनु छौ, अर यू समिति को एक सदस्य भि छौ। अर उ यहूदी समिति का द्‍वारा यीशु का खिलाप बणईं जाळसाजि अर ऊंका यों कामों से यूसुफ खुश नि छौ।

यूहन्ना 7:18

अर जु कुई अपणी तरफा बटि बुल्दु, उ त केवल अपणु ही आदर-सम्मान चान्दु, पर जु अपणा भेजण वळा को आदर-सम्मान चान्दु, त वेमा कुई कपट नि च।

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 22:12

“दमिश्क नगर मा हनन्याह नौ को एक आदिम छौ, जु की परमेस्वर का नियम-कानून का मुताबिक चलण वळु एक धरमी मनखि छौ। अर उखा यहूदी लोग वेकी भौत तारीफ करदा छा।

खास चेलों 6:3

इलै हे मेरा भै-बैंणो, अपणा बीच मा बटि सात खास लोगु तैं चुणा जौं तैं लोग अच्छु मणदा हो, बल्किन मा वु पवित्र आत्मा अर अकल मा भि भरपूर हो, ताकि हम ऊंतैं ये काम की जिमेदारी द्‍या।

रोमियों 13:13

अर हमरु सभौ दिन का उज्याळा का जन हो। हाँ, जन दिन को उज्याळु सभ्यों पर चमकदु, ठिक उन्‍नि हमरु सभौ भि हो ताकि वेका द्‍वारा हम सब लोगु खुणि अच्छु सभौ वळा बणि जा। अर नऽ त हमतै मौज-मस्ती करण चयेणी, अर ना ही हमतै नसा करण वळु होण चयेणु। अर नऽ त हमतै गळत सम्बन्ध रखण चयेणा, अर ना भोग-बिलास करण चयेणु, अर नऽ त हमतै कै का दगड़ा मा लड़ै-झगड़ा करण चयेणा, अर ना ही हमतै एक-दुसरा तैं देखि के जलत्यौण चयेणु।

रोमियों 13:3

अर जु लोग सही छिन ऊंतैं अधिकारी लोगु से डऽरण की जरुरत नि च, बल्किन मा अधिकारी लोगु से त वु लोग डऽरदिन जु की गळत काम करदिन। अर अगर जु तुम लोग भि बिन डऽरयां रौण चाणा छाँ, त सिरफ उई काम कैरा जु कि अच्छा छिन, ताकि ऊंका द्‍वारा तुमरि तारीफ हो।

रोमियों 14:18

अर जु मनखि ये तरीका से अपणा जीवन तैं चलौन्दु, अर वेका दगड़ा-दगड़ि यीशु मसीह की सेवा करदु, उ मनखि पिता परमेस्वर तैं खुश करदु, अर दुसरा लोग भि वेकी तारीफ करदिन।

रोमियों 2:29

मगर एक सच्‍चु यहूदी त वु च, जु कि अपणा मन से यहूदी हो अर वेका मुताबिक ही वेन अपणु खतना भि कर्युं हो अर यू सब केवल मन अर आत्मा मा च, ना कि नियम-कानून का मुताबिक सरील मा। इन्द्रया लोगु की तारीफ मनखियों का द्‍वारा ना, बल्किन मा पिता परमेस्वर की तरफा बटि होन्दी।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

2 कुरिन्थि 13:7

अर मि पिता परमेस्वर से इन प्रार्थना करदु, कि तुम कुछ भि बुरै नि कैरा। अर तुम वु काम कैरा जु की भलै का छिन, अब चै हम लोगु की नजर मा खोटा ही किलै नि दिख्यां।

2 कुरिन्थि 6:8

अर कुछ लोग इन छिन जु कि हमतै इज्‍जत देन्दिन, मगर कुछ हम पर इळजाम लगौन्दिन। कुछ हमरि बुरै ही करदिन, मगर कुछ हम खुणि भली-भली बात बुल्दिन। अर कुछ लोग इन्द्रया भि छिन जु कि हमतै झूठ्‍ठु साबित कन चनदिन, मगर कुछ हमरि सच्‍चै तैं बतौन्दिन।

2 कुरिन्थि 8:18

अर मि तीतुस भै का दगड़ा मा एक और बिस्वासी भै तैं भेजणु छौं। अर यू उ च जैन शुभ समाचार तैं फैलाण मा जै तरीके से काम कैरी, वां खुणि बिस्वासी समुदाय का लोग वेकी बड़ी तारीफ करदिन।

2 कुरिन्थि 8:21

इलै हम सिरफ ऊं बातों की ही चिन्ता नि करद्‍यां जु प्रभु का समणि भली छिन, पर ऊं बातों की भि चिन्ता करद्‍यां जु कि मनखियों का समणि भली छिन।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

इफिसुस 4:25

इलै हे मेरा भै-बैंणो, अपणा-अपणा पड़ोसी बटि झूठ्‍ठ बोन्‍न छोड़ा, अर सच्‍च बोला, किलैकि हम सभ्या का सभि एक ही सरील का अंग छां।

इफिसुस 5:9

किलैकि जै मनखि का जीवन मा परमेस्वर को उज्याळु च, उ हरेक तरौं की भलै करण मा, अर सच्‍चै से धरमी जीवन जीण की कोसिस करदु।

इफिसुस 6:14

इलै सच्‍चै का वचन से अपणी कमर कसी ल्या, अर परमेस्वर न तुमतै धरमी ठैरैयालि या बात एक कवच का जन च।

फिलिप्पी 3:1

इलै हे मेरा भै-बैंणो, प्रभु मा आनन्दित रा। मितैं ऊं बातों तैं दुबरा लिखण मा कुई परेसानी नि होन्दी, किलैकि यों सब बातों से तुमरि ही हिफाजत होन्दी।

कुलुसी 4:5

अर बगत तैं अच्छु समझि के वेको पूरु इस्तेमाल कैरा। अर जु लोग प्रभु यीशु पर बिस्वास नि करदिन, ऊं लोगु का दगड़ा मा अपणु बरतौ बड़ा समझदारी से कैरा।

1 थिस्सलुनीकी 4:12

ताकि तुमतै कै भि बात की कमी नि हो, अर तुमरा जीवन तैं देखि के बिस्वास नि करण वळा लोग तुमरो आदर-सम्मान करला।

1 तीमुथियुस 3:11

अर उन्‍नि बिस्वासी समुदाय की सेवा मा मदद करण वळो की जनानियां भि इन अच्छु जीवन बिता, ज्यां से की लोग ऊंको आदर-सम्मान कैरा। अर ऊ कै पर दोष लगौण वळी नि हो बल्किन शान्त सभौ की अर सब बातों मा बिस्वासयोग्य हो।

1 तीमुथियुस 3:4

अर उ अपणा घौर परिवार को पालन-पोसण ढंगल करदु हो, अर अपणा बाल-बच्‍चों तैं अपणा अनुसासन मा रखदु हो। अर वेका बच्‍चा वेको पूरु आदर-सम्मान करदा हो।

1 तीमुथियुस 4:12

हे तीमुथियुस, अभि तू ज्वान छैई, अर कुई भि तेरी ज्वानी तैं सुद्‍दी नि समझु। इलै तू बोन्‍न मा अर अपणा चाल चलण मा, प्यार करण मा, अर तेरा खुद का बिस्वासी जीवन मा, अर पवित्र जीवन जीण मा बिस्वासी लोगु खुणि तू एक नमूना बणि जा।

तीतुस 1:8

पर उ त मैमानों की सेवा-भगत करण वळु, अर भलै तैं पसन्द करण वळु, सबर रखण वळु, ठिक न्याय करण वळु हो, अर खुद पर वस रखण वळु, अर पवित्र हो।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

तीतुस 2:2

अर बुढ्या लोगु तैं तू इन समझौ कि ऊंको सभौ शान्त अर खुद पर काबू रखण वळु होण चयेणु। अर वु गम्भीर, अर समझदार अर प्यार करण वळु हो, अर ऊ बिस्वास मा अर सबर रखण मा भि मजबूत हो।

तीतुस 2:7

अर तीतुस, तू खुद हर बात मा ऊंतैं एक अच्छु उदारण बणि के दिखौ। अर जै उपदेस तैं तू सिखैली, वामा तू गम्भीर अर खरु हो,

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

इब्रानी 11:2

अर बिस्वास रखण की वजै से ही हमरा पितर परमेस्वर की नजर मा स्वीकार किये गैनी।

इब्रानी 13:18

हम खुणि प्रार्थना कना रा, हमरु जमीर साफ च अर हम इन कोसिस करद्‍यां की सब बातों मा इमानदारी से चला।

याकूब 1:27

पर जु मनखि अनाथों अर विधवाओं का दुख मा ऊंकी देख-रेख करदु, अर खुद तैं दुनियां की बुरै से बचै के रखदु उई परमेस्वर की नजर मा सच्‍चु धरमी च। अर इन्द्रया धरमी ही पिता परमेस्वर की नजर मा बेदाग अर सच्‍चा छिन।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

2 पतरस 3:1

हे मेरा प्यारा भै-बैंणो, मि तुम खुणि या दुसरि चिठ्‍ठी लिखणु छौं। अर जन मिन अपणी पैलि चिठ्‍ठी मा लिखी छौ, ठिक उन्‍नि ईं चिठ्‍ठी मा भि कुछ बातों तैं लिखी के मि तुमरि सोच तैं साफ रखण चान्दु। अर तुमतै काबिल बणाण चाणु छौं,

1 यूहन्ना 3:18

हे मेरा प्यारा बच्‍चों, हम केवल अपणा गिच्‍चळ ही इन नि बोला कि हम तुम से प्यार करद्‍यां, बल्किन मा हमतै अपणा कामों का द्‍वारा ईं बात तैं सच्‍चै से कैरिके दिखाण भि चयेणी।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।