फिलिप्पी 3:6 - Garhwali

⁶ अर जख तक जोस की बात की जौ, त मि बिस्वासी समुदाय का लोगु तैं सतौणु वळु छौ। अर मूसा का द्‍वारा दियां नियम-कानूनों की बात किये जौ त मि निरदोष छौ, किलैकि मि नियम-कानूनों को पूरु पालन भौत अच्छे करण वळु मनखि छौ।

गढवली नयो नियम

⁶ अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।

फिलिप्पी 3:6 Cross References

मत्ती 23:25

“हे शास्‍त्री अर फरीसी दल का लोगु, तुम पर हाय च तुम भौत बड़ा ढोंगि छाँ। तुम लोग कटोरा अर थकुला तैं भैरि-भैर मजौन्द्‍यां, मगर तुमरा भितर लालच अर बुरै ही भुरीं छिन।

मत्ती 5:20

अर मि तुमतै बतै देन्दु, कि अगर जु तुम परमेस्वर की नजर मा धरमी जीवन जीण को काम, शास्‍त्री अर फरीसी दल का लोगु से जादा नि करिल्या, त तुम परमेस्वर का राज मा नि जै सकद्‍यां।’”

लूका 1:6

अर यू दुईया का दुई परमेस्वर की नजर मा धरमी छा, अर यू प्रभु की सब आज्ञाओं अर विधिओं को बिन गळती कर्यां पालन करदा छा।

खास चेलों 21:20

अर यों बातों तैं सुणी के अध्यक्ष लोगु न परमेस्वर की बडै कैरी। तब ऊंन वेकू बोलि, “पौलुस भै, क्या तुमतै पता च, कि यहूदियों मा बटि भौत सरा लोगु न बिस्वास कैरी, पर वु लोग इन सोचदिन कि मूसा का नियम-कानूनों तैं मनण भौत जरुरी च।

खास चेलों 22:5

अर ईं बात का गवा महा पुरोहित अर सब अध्यक्ष लोग छिन। अर एक दिन इन ह्‍वे कि, मिन महा पुरोहित अर अध्यक्ष लोगु बटि बिस्वासी भै-बैंणो का नौ की चिठ्‍ठी ले, अर दमिश्क नगर मा ऊंका पास जाणु छौ, ताकि उख बटि लोगु तैं बन्धी बणै के इख यरूशलेम नगर मा लौं, अर ऊंतैं दण्ड दिलौं।

खास चेलों 26:5

अर जु लोग मितैं पैलि बटि पछ्याणदिन अगर ऊ चा, त ईं बात का खातिर मि खुणि गवै दे सकदिन, कि फरीसी होण का नाता मि अपणा धरम तैं मनण वळो मा बटि सबसे कट्‍टर मनखि छौं।

खास चेलों 8:3

अर शाऊल न बिस्वासी समुदाय तैं बरबाद करण शुरु कैर दिनी, अर वु घौरों-घौरों मा घुसी के जनानियों अर बैखों तैं खिखोड़ी-खिखोड़ी के निकळदु छौ अर ऊंतैं जेलखाना मा डालि देन्दु छौ।

रोमियों 7:9

अर शुरु मा जब मितैं मूसा का द्‍वारा दियां नियम-कानून का बारा मा पता नि छौ, त वे बगत मा जन मितैं अच्छु लगदु छौ मि वेका मुताबिक ही करदु छौ, मगर जब मितैं पता चलि कि पाप मेरा भितर च तब बटि मि वेका इळजाम मा और भि जादा फंसी ग्यों।

1 कुरिन्थि 10:32

हे मेरा दगड़्यों, तुम इन्द्रयो कुई भि काम नि कैरा ज्या से की लोग अपणा-अपणा बिस्वास से भटकी जा, अब चै वु यहूदी जाति का छिन या फिर ना, अर ना ही तुम बिस्वासी समुदाय का लोगु खुणि इन्दरि वजा बणा।

1 कुरिन्थि 15:9

अर खास चेलों मा मि सबसे छुटो छौं, मि त इथगा लैख भि नि छौ कि मिकू खास चेला बुले जौ। किलैकि मिन ज्यून्दा परमेस्वर का समुदाय तैं सतै, जु की यीशु मसीह पर बिस्वास करदिन।

फिलिप्पी 2:15

ताकि तुम हर बात मा निरदोष अर पवित्र बणि सैका, अर परमेस्वर की एक सच्‍चि औलाद का जन ह्‍वे जा, किलैकि तुम भ्रष्‍ट अर पापि लोगु का बीच मा रौन्द्‍यां, इलै तुमरो जीवन ऊंका बीच मा चमकणु रौ जन कि आसमान मा गैंणा चमकदिन।

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

1 तीमुथियुस 1:13

हालांकि, मि पैलि वेकी बेजती करण वळु, वेका लोगु तैं सतौण वळु अर हुणदंग मचौण वळु छौ, पर फिर भि वेन अपणी दया मि पर कैरी। किलैकि तब मि यीशु मसीह पर बिस्वास नि करदु छौ, अर नि जणदु छौ कि मि क्या कनु छौ।