फिलिप्पी 3:19 - Garhwali

¹⁹ अर ऊंका हिसाब-किताब मा अब विणास ही लिख्यूं च, अर ऊं खुणि सरील की इच्छा ही ऊंको ईश्‍वर ह्‍वे गै, अर जौं बातों पर सरम औण चयेणी ऊं बातों पर वु बड़ु गर्व करदिन, अर दुनियां की बातों पर अपणु मन लगौन्दिन।

गढवली नयो नियम

¹⁹ ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।

फिलिप्पी 3:19 Cross References

मत्ती 16:23

पर यीशु न पतरस जनै मुड़ि के बोलि, “हे शैतान, मेरा समणि बटि दूर ह्‍वे जा। पतरस मि खुणि उतेडु़ किलै बणणी छैई, तू परमेस्वर की बातों पर मन नि लगौन्दिन, बल्किन मा तेरु मन मनखियों की बातों पर लग्यूं रौन्दु।”

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

लूका 12:19

हाँ, तब मि अफु कू बोलि सकदु छौं कि भौत सालों खुणि मि मा भौत सि अच्छी चीज जमा छिन, इलै आराम से रौलु, खौलु-पीलु अर मजा मा रौलु।’

लूका 16:19

अर यीशु न बोलि, “एक सेठ मनखि छौ। जु मखमल का बैंगनि कपड़ा पैरदु छौ, अर हर रोज ऐस-आराम अर बड़ा ठाठ-बाट से रौन्दु छौ।

लूका 18:4

अर भौत दिनों तक उ वीं की बात टलणु रै, पर बाद मा वेन अपणा मन मा सोची कि, ‘नऽ त मि परमेस्वर पर सरदा रखदु अर ना ही कै मनखि की इज्‍जत करदु,

रोमियों 16:18

किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।

रोमियों 6:21

अर जौं कामों का खातिर आज तुमतै सरम औन्दी, जब तुम ऊं कामों तैं कना छा त तुमतै वे बगत मा क्या-क्या फैदा ह्‍वे? अरे, इन्दरि बातों को कुई फैदा नि च यों को नतीजा त केवल मौत ही च।

1 कुरिन्थि 3:3

किलैकि तुम अभि भि दुनियां की बातों का मुताबिक ही चलद्‍यां। अर या बात मि इलै बोन्‍नु छौं, किलैकि तुम लोग एक-दुसरा तैं देखि के खार खन्द्‍यां अर तुमरा बीच मा झगड़ा भि होनदिन। त अब तुम मितैं इन बता क्या फिर तुम दुनियां का लोगु का जन नि छाँ? अरे, तुम त ऊंका जन ही चाल चलणा छाँ।

1 कुरिन्थि 5:2

अर तुम ईं बात पर बड़ु मोन करद्‍यां, जब कि तुमतै दुखी होण चयेणु छौ। अर जै आदिम न यू काम कैरी, वेतैं त तुमरा बीच मा बटि बेदखल कर देण चयेणु।

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

2 कुरिन्थि 11:12

अर तुमरा बीच मा कुछ लोग इन छिन, जु कि बड़ु मोन कैरिके अफ खुणि इन बुल्दिन कि हम भि यीशु मसीह का खास चेला छां। इलै मिन तुम बटि कै भि किसम को दान नि लिनी, ताकि इन्द्रया लोग तैं मौका नि मिलु कि वु हमरा बराबर छिन।

2 कुरिन्थि 11:15

अर वेका कई सेवक भि धरमी होण को पूरु ढोंग करदिन, मगर सच्‍चै त या च कि आखिरी का दिन मा ऊंतैं ऊंका कामों को हिसाब से सजा दिये जालि।

गलातियों 6:13

अर खतना का रिवाज तैं पूरु करौण वळा वु लोग खुद त मूसा का दियां नियम-कानून को पालन नि करदिन, मगर तुमरो खतना करौणु खुणि वु बेताब होयां छिन, ताकि वु दावा कैरी सैका कि तुम ऊंका चेला छाँ।

फिलिप्पी 2:21

किलैकि सब लोग अपणा ही फैदा की खोज मा लग्यां छिन, ना कि ईं बात की खोज मा की यीशु मसीह क्या चान्दु।

कुलुसी 3:2

अर अपणु मन दुनियां की बातों पर ना, बल्किन मा स्वर्ग की चीजों पर लगा,

2 थिस्सलुनीकी 2:12

अर इन उ इलै करलु, ताकि जथगा लोगु न सच्‍चै पर बिस्वास नि कैरी, बल्किन मा अधरम का कामों से खुश ह्‍वेनि, वु सभ्या का सभि दण्ड पा।

2 थिस्सलुनीकी 2:8

अर जब पाप को पुत्र परगट होलु, त उ शैतान का द्‍वारा दिईं ताकत से आलु। अर हरेक किसम का झूठ्‍ठा चमत्कारिक चिन्‍न, अर अदभुत काम कैरिके दिखालु। अर पाप का पुत्र को विणास होण से पैलि उ यू सब कुछ करलु। मगर जब प्रभु यीशु दुबरा आलु, त अपणा औण की ताकत से वेतैं अपणी फूकळ ही नास कैरी द्‍यालु।

1 तीमुथियुस 6:5

अर इन्द्रया लोगु को दिमाग खराब ह्‍वे गै, अर सच्‍च क्या च यू ऊंतैं पता नि ही च। अर वु लोग समझदिन कि परमेस्वर की भक्‍ति करण कमै को एक साधन च। इन्द्रया लोगु मा हमेसा लड़ै-झगड़ा होनदिन।

2 तीमुथियुस 3:4

अर वु लोग एक-दुसरा तैं धोखा देण वळा, बिन सोच्यां काम करण वळा, अर अफ तैं दुसरा से बड़ु समझण वळा। अर परमेस्वर तैं प्यार करण वळा ना, बल्किन मा अपणी मौज-मस्ती की इच्छा तैं रखण वळा ह्‍वे जाला।

याकूब 4:16

पर तुम डींग मरद्‍यां अर बड़ु मोन भि करद्‍यां, पर इन करण तुम खुणि बुरु च।

2 पतरस 2:1

अर जन इस्राएली लोगु का बीच मा झूठ्‍ठा रैबर्या निकळि के ऐ गै छा, अर वु खुद तैं परमेस्वर को रैबर्या बतौन्दा छा, ठिक उन्‍नि तुम लोगु का बीच मा भि कुछ झूठ्‍ठा गुरु निकळि के आला। अर ऊ लोग झूठ्‍ठी शिक्षा को परचार बड़ी चालाकी से तुमरा बीच मा करला, इख तक कि ऊ हमरा यीशु मसीह तैं भि नकारी द्‍याला जैन ऊंतैं अपणु खून देके खरीदी, मगर इन कैरिके ऊ भौत जल्द नास ह्‍वे जाला।

2 पतरस 2:13

अर यू बुरै करदिन पर याद रखा कि, अगनै जग्यूं मुछयलु पिछनै ही औन्दु। यू लोग त उई छिन जु दिन-दुफरि मा भोग-बिलास करदिन, अर इन करण ऊंतैं अच्छु लगदु। अरे यू लोग त कलंक छिन, अर जब यू लोग तुमरा दगड़ा कै दावत मा जनदिन,

2 पतरस 2:3

अर अपणा लालच का खातिर वु झूठ्‍ठा लोग अपणी झूठ्‍ठी बातों का द्‍वारा तुम बटि पैसा कमौला। मगर परमेस्वर न ऊंतैं भौत पैलि ही दोषी ठैरैयालि, अर अब ऊंको नास होण मा देर नि होलि।

यहूदा 1:10

पर यू लोग जौं बातों का बारा मा नि जणदिन ऊं बातों की बुरै करदिन। अर एक मूरख जानबर की तरौं समझ रखी के खुद खुणि नास होण को कारण बणणा छिन।

यहूदा 1:16

अर यू वु लोग छिन जु कि हर बात मा सिकैत करदिन, अर दुसरो का दोष खुज्यौदिन। अर अपणी बुरी इच्छाओं का मुताबिक अपणा जीवन तैं चलदिन अर अपणी बातों पर बड़ु मोन करदिन, अर अपणा फैदा खुणि दुसरा लोगु की चापलूसी भि करदिन।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।

दिब्य दरस 18:7

जथगा बड़ु वींन मोन कैरी अर अपणी सान-सौकत बढै, अर जथगा अयासी मा वा रै, उथगा ही जादा दुख अर पीड़ा वींतैं द्‍या, किलैकि वा अपणा दिल मा इन बुल्दी कि, ‘मि त महाराणी बणि के बैठि छौं, मि विधवा नि छौं, अर मिन कभि भि शोक नि मणै।’

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”

दिब्य दरस 22:15

मगर नीच काम करण वळा, जादु-टोंणा करण वळा अर गळत सम्बन्ध रखण वळा, हत्या अर मूरत की पूजा करण वळा, अर झूठ्‍ठ बुलण वळा सब नगर से भैर ही राला।