फिलिप्पी 3:13 - Garhwali

¹³ अर मि इन दावा नि करदु कि मि सिद्ध ह्‍वे ग्यों, मगर मि एक बात पर खास ध्यान देन्दु कि जु बात ह्‍वे गैनी ऊंतैं भूली जौं, अर जु नई बात छिन ऊं सब बातों मा अगनै बढदी जौ।

गढवली नयो नियम

¹³ हे विश्वासी भयों, मि यु दावा नि करदु, कि मिल उ लक्ष्य पयले; पर एक काम करदु कि जु पैली हवे गै मि वे तैं भूली के, भविष्य मा लक्ष्य कु कठोर मेहनत करदी रौंदु,

फिलिप्पी 3:13 Cross References

लूका 10:42

देख, मरियम न वु अच्छु हिस्सा चुण्यालि जु वीं बटि कभि भि लिये नि जालु, अर देख सबसे पैलि येकी ही जरुरत च।”

लूका 9:62

तब यीशु न वेकू बोलि कि, “हौळ लगौण का बगत जु कुई भि पिछनै मुड़ि के दिखदु, इन्द्रयो मनखि परमेस्वर का राज का लैख नि च।”

2 कुरिन्थि 5:16

हे मेरा भै-बैंणो, हम कै भि मनखि का बारा मा इन नि सोचद्‍यां, जन कि ईं दुनियां का लोग सोचदिन। पैलि हम लोगु न भि यीशु मसीह का बारा ठिक उन्‍नि सोची छौ जन कि ईं दुनियां का लोग सोचदिन, मगर अब हम वेका बारा मा इन नि सोचद्‍यां।

फिलिप्पी 2:12

इलै हे मेरा प्यारा भै-बैंणो, मि जणदु छौं कि जब मि तुमरा दगड़ा छौ त तुम हमेसा से आज्ञा को पालन करदी औणा छाँ। अर अब जब मि तुम से दूर छौं, इलै अब या बात और भि जादा ध्यान रखण वळी ह्‍वे जान्दी कि तुम ऊं सब बातों को पालन और भि जादा कैरा, जु कि बिस्वासी लोगु खुणि सही छिन जैतैं पिता परमेस्वर न बचैयालि।

फिलिप्पी 3:12

हे मेरा भै-बैंणो, मि ईं बात को दावा नि करदु, कि मि यों बातों मा सफल ह्‍वे ग्यों, या फिर पैलि बटि ही सिद्ध छौं मगर मि त बस वे इनाम तैं पाणु खुणि मेनत कनु छौं, ज्यां खुणि यीशु मसीह न मितैं पैलि बटि ही चुण्यूं च।

फिलिप्पी 3:8

अर इथगा ही ना बल्किन मा मि त प्रभु यीशु तैं पछ्याणदु छौं, अर या बात ही मि खुणि सबसे जादा फैदा की च, अर वेतैं पछ्यणन को जु ज्ञान मितैं मिली वेकी वजै से मि यों सब बातों तैं कूड़ा समझदु, अर इन मि इलै समझदु ताकि मि यीशु मसीह तैं पै सैकु अर वेका दगड़ा मा एक ह्‍वे जौ।

इब्रानी 6:1

इलै हे मेरा दगड़्यों, आ, अर जु कुछ भि हमतै यीशु मसीह का बारा मा पैलि सिखये गै हम वीं ही शिक्षा मा नि बणयां रा, बल्किन मा बड़ा होण का नाता और भि जादा अगनै बढा अर मजबूत होन्दी जा। अर अब तुमतै यू सब बात बतौण की जरुरत नि छिन कि आखिर हमतै वु सब काम किलै छुड़ण चयेणा जु कि मौत कि तरफा लेके जनदिन, अर हमतै पिता परमेस्वर पर किलै भरोसा रखण चयेणु।

2 पतरस 3:8

मगर हे मेरा प्यारा भै-बैंणो, तुम ईं बात तैं याद रखा, कि प्रभु कि नजर मा एक दिन हजार साल का बराबर अर हजार साल एक दिन का बराबर होन्दु च।