फिलिप्पी 2:8 - Garhwali

⁸ अर वु मनखि का रुप मा हमरा बीच मा रै अर वेन खुद तैं नमर बणै दिनी, अर वु इथगा आज्ञा को पालन करण वळु छौ, कि वेन क्रूस की मौत तैं भि स्वीकार कैर दिनी।

गढवली नयो नियम

⁸ अर मनिख का रूप मा प्रगट हवे के अपड़ा आप तैं दीन कैरी, अर पिता परमेश्वर की आज्ञाकारिता मा उ सूली पर एक भंगारी का जन मौत भि सै।

फिलिप्पी 2:8 Cross References

मत्ती 17:2

अर ऊंका समणि वेको रुप बदलि गै, अर वेको मुख सूरज की तरौं चमकण लगि गै, अर वेका कपड़ा उज्याळा ह्‍वेके चमकण लगि गैनी।

मत्ती 26:39

तब यीशु कुछ दूर गै अर भ्वीं मा पोड़ि के प्रार्थना कैरिके बोलि, “मेरा पिता, अगर जु तुमरि मरजी हो, त दुख का ये बगत तैं मेरा समणि बटि हटै द्‍या, पर फिर भि मेरी इच्छा ना, बल्किन मा तुमरि मनसा पूरि हो।”

मत्ती 26:42

तब वेन दुसरि बार जैके इन प्रार्थना कैरी, “हे मेरा पिता, अगर तुमरि मनसा या च कि दुख का ये बगत तैं मिन सौण ही च, त तुमरि या मनसा पूरि हो।”

लूका 9:29

अर जब यीशु प्रार्थना कनु छौ, त वेको मुख को रुप-रंग ही बदलि गै, अर वेका कपड़ा सफेद ह्‍वेके चमकण लगि गैनी।

यूहन्ना 10:18

अर कुई भि मि बटि मेरी जान तैं निकाळि नि सकदु, पर मि वेतैं अफि देन्दु छौं। अर मितैं वे देणु को अधिकार च, अर वेतैं फिर पौण को भि अधिकार च। अर इन करण की आज्ञा मेरा पिता न मितैं देई च।”

यूहन्ना 14:31

पर यू त इलै होणु च, कि दुनियां का लोग जाणि जा, कि मि पिता से प्यार करदु अर जन पिता न मितैं आज्ञा देई, मि उन्‍नि करदु छौं। “अब उठा, इख बटि चलद्‍यां।”

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

खास चेलों 8:33

अर जब वेको अपमान किये जाणु छौ, त वेको न्याय सच्‍चै से नि किये गै। अर वेकी पीढ़ी का बारा मा कुई नि बतौ सकदु, किलैकि धरती मा बटि त वेको जीवन ले लिये गै छौ।”

रोमियों 5:19

किलैकि जन एक मनखि का आज्ञा नि मनण का बाना सब लोग पापि ठैरैनी, ठिक उन्‍नि एक मनखि का आज्ञा मनण से भौत सा लोग धरमी ठैरि सैका।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

गलातियों 3:13

अर मसीह न हमतै नियम-कानूनों का असगार से छुड़ै, अर क्रूस पर चैड़ि के हमरा पापों को असगार खुद पर ले दिनी, किलैकि लिख्यूं च, “जु कुई भि क्रूस पर चड़ये जालु वे पर परमेस्वर को असगार लग्यूं च।”

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 12:4

तुम लोग जु पाप का खिलाप मा संघर्ष कना छाँ, हाँ तुम एक खिलाड़ी का जन लड़णा छाँ, मगर तुम लोगु न इन लड़ै नि कैरी ज्यां से कि तुमतै अपणु ल्वे बुगाण पोड़ो, जन कि यीशु न कैरी छौ।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।