फिलिप्पी 1:9 - Garhwali

⁹ अर मि प्रार्थना करदु, कि तुमरो प्यार और भि जादा बढदी जौ, अर ज्ञान अर समझ मा भि तुम और जादा बढदी जा,

गढवली नयो नियम

⁹ अर मि तुम कु प्रार्थना करदु, कि एक दुसरो कु तुमारो प्रेम सदनी बढ़दी जौं, अर तुम तैं पूरो ज्ञान अर सब किस्मै कि बुद्धि अर विवेक मिली जौं।

फिलिप्पी 1:9 Cross References

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

2 कुरिन्थि 8:7

अर हम जणदा छां कि तुम हरेक बात मा बढदी जाणा छाँ, जन कि यीशु मसीह पर तुमरो बिस्वास और भि जादा मजबूत होन्दी जाणु च, अर शुभ समाचार तैं बतौण मा, हरेक बात तैं जनण मा, अर हम जणदा छां कि तुम लोग दुसरा की मदद करण चाणा छाँ, अर सबसे प्यार करद्‍यां। इलै मि चान्दु, जु दान तुमुन तयार कैरिके रख्युं च वेतैं दिल खोली के द्‍या।

इफिसुस 5:17

इलै नासमझ नि बणा, बल्किन मा प्रभु की इच्छा तैं समझा कि उ क्या चान्दु।

कुलुसी 1:9

इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

कुलुसी 3:10

अर तुमुन नयू जीवन जीण शुरु कैरियाली, जु कि तुमतै नयू बणौन्दि जाणु च अर यू तुमतै वेका जन बणौन्दु जै परमेस्वर न तुमतै बणै। अर यू नयू जीवन ही तुमतै पिता परमेस्वर को सच्‍चु ज्ञान देन्दु।

1 थिस्सलुनीकी 3:12

अर जन हम तुम बटि प्यार करद्‍यां, ठिक उन्‍नि तुम भि एक-दुसरा बटि प्यार कैरा अर तुमरो यू प्यार सभ्यों खुणि जादा से जादा बढदी जौ। अर हम प्रार्थना करद्‍यां की इन होणु खुणि प्रभु तुमरि मदद कैरो।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

फिलेमोन 1:6

अर मि इन प्रार्थना करदु, कि बिस्वास की ज्वा संगत तू दुसरा लोगु का दगड़ा मा रखदी, वेका द्‍वारा त्वेतै या बात भौत अच्छे से पता चलु कि यीशु मसीह पर बिस्वास करण से हम लोगु तैं क्या-क्या अच्छी आसीस मिलदिन।

इब्रानी 5:14

पर अन्‍न त बड़ा लोगु खुणि च, जु कि अपणा जीवन का तजुर्बो का द्‍वारा भलै अर बुरै का बीच मा फरक कैरी सकदिन।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।