फिलिप्पी 1:7 - Garhwali

⁷ अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

गढवली नयो नियम

⁷ यु ठिक च कि मि तुम सभियूं कु इन ही विचार कैर, किलैकि मि तुम बट्टी भौत प्रेम करदु, जब की मि एक बंधि छों अर शुभ सन्देश कु जवाब प्रमाण दींण मा तुम सभि भि पिता परमेश्वर कि कृपा मा मि दगड़ी छा।

फिलिप्पी 1:7 Cross References

खास चेलों 20:23

अर पवित्र आत्मा न मितैं इन चितैयाली, कि पौलुस हरेक नगर मा त्वेतै कैद मा रौण पोड़लु अर दुख-तकलीफ सौण पोड़लि।

खास चेलों 21:33

तब सेनापति पौलुस का पास ऐ, अर वेन वेतैं पकड़ण को अर बेड़ियों मा बन्धण को आदेस दिनी। तब वेन पूछी, “कु च यू अर क्या कैरी येन?”

1 कुरिन्थि 13:7

अर प्यार लोगु तैं मतलबी ना, बल्किन मा सब कुछ सौण वळु बणै देन्दु इन्द्रयो मनखि दुसरो खुणि अच्छा विचार रखदु, अर हर बात मा सबर रखदु।

1 कुरिन्थि 9:23

अर यू सब कुछ मि शुभ समाचार की वजै से करदु, ताकि मि शुभ समाचार तैं दुसरो लोगु मा बांटि सैकु।

2 कुरिन्थि 3:2

दगड़्यों, सभ्यों तैं पता च कि हम लोगु को तुमरा दगड़ा मा भौत गैरु नातु च, अर तुम लोग एक चिठ्‍ठी की तरौं छाँ, जौं तैं दुसरा लोगु का द्‍वारा पढै जान्दु। अर दुसरा लोग तुमतै देखि के समझि जनदिन कि हमुन बड़ी वफादारी से तुमतै क्या सिखै।

2 कुरिन्थि 7:3

अर मि या बात तुमतै दोषी ठैराणु खुणि नि बोन्‍नु छौं, किलैकि मिन पैलि तुमतै बतै छौ कि चै हम ज्यून्दा रा या मोरि जा, तुम हमेसा हमरा दिलों मा रैल्या।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

इफिसुस 3:1

इलै मि पौलुस, तुम लोगु तैं यीशु मसीह का शुभ समाचार सुनौण की वजै से कैद मा छौं, तुम लोग जु कि यहूदी जाति का नि छाँ।

इफिसुस 4:1

इलै मि जु कि प्रभु यीशु को चेला होण का नाता कैद मा छौं, तुम बटि बिन्ती करदु कि तुमरो चाल-चलन वीं इच्छा का मुताबिक हो ज्यां खुणि पिता परमेस्वर न तुमतै बुलै।

इफिसुस 6:20

अर मितैं शुभ समाचार को परचार करणु खुणि ही भेजि गै, अर अब मि इख बेड़ियों मा बन्धयूं छौं। हे मेरा दगड़्यों, मि खुणि प्रार्थना कर्यां कि जब मि शुभ समाचार को परचार कैरुं, त बड़ी हिम्मत से कैरी सैकु।

फिलिप्पी 1:12

हे मेरा भै-बैंणो मि चान्दु छौं कि तुम या बात जाण जा कि जु कुछ भि मि पर बीती, वेका द्‍वारा शुभ समाचार और भि जादा बढदी गै।

फिलिप्पी 1:13

इख तक कि महाराजा का राजमहल की पूरि पलटण तैं अर दुसरा सब लोगु तैं भि इन पता चलि गै, कि मि यीशु मसीह का खातिर कैद होयुं छौं।

फिलिप्पी 1:14

इलै जादातर भै-बैंणो न जब यू सुणी कि मि कैद मा छौं त वु डौऽरी नि छिन, बल्किन मा ऊंन अपणु बिस्वास प्रभु यीशु पर बणै के रखदिन, अर बड़ी हिम्मतळ परमेस्वर का वचन को परचार करदिन।

फिलिप्पी 2:22

मगर तीमुथियुस कथगा काबिल च ईं बात का बारा मा तुम भौत अच्छे जणद्‍यां, कि वेन परमेस्वर का शुभ समाचार तैं फैलाण मा ठिक उन्‍नि मदद कैरी जन एक नौनु अपणा पिता की मदद करदु।

फिलिप्पी 4:14

मगर फिर भि तुम लोगु न बुरा बगत मा मेरु साथ देके अच्छु काम कैरी।

फिलिप्पी 4:15

हे फिलिप्पी नगर का बिस्वासी लोगु, तुम त जणदा ही छाँ, कि शुभ समाचार तैं शुरु करण का ऊं दिनों मा जब मि मकिदुनिया मुलक बटि निकळि छौ, त लेण-देण का काम मा तुमरा बिस्वासी समुदाय का अलावा कैन भि मेरी मदद नि कैरी।

फिलिप्पी 4:3

हे मेरा सच्‍चा दगड़्या, मि त्वेसे बिन्ती करदु कि तू ऊं दुई बैंणो की मदद कैर, किलैकि ऊं दुईयों न शुभ समाचार तैं फैलाण मा मेरी पूरि मदद कैरी। अर ऊंन क्लेमेंस अर मेरा दगड़ा मा काम करण वळा दुसरा भैयों का दगड़ा भि बड़ी मेनत कैरी, जौं का नौ जीवन की किताब मा लिख्यां छिन।

कुलुसी 4:18

अर मि पौलुस जु कि इख बेड़ियों मा बन्धयूं छौं खुद अपणा हाथळ तुम खुणि सलाम लिखणु छौं, तुम मितैं अपणी प्रार्थनाओं मा याद रख्यां। अर मि इन प्रार्थना करदु कि प्रभु की किरपा तुम पर होणी रौ। आमीन।

कुलुसी 4:3

अर येका दगड़ा-दगड़ि हम खुणि इन प्रार्थना कैरा, ताकि हमतै इन मौका मिलु कि हम पिता परमेस्वर का वचन तैं लोगु का बीच मा और भि जादा फैले सैका। अर हम यीशु मसीह का वे राज का बारा मा बतै सैका, जैका खातिर आज मि कैद मा छौं,

1 थिस्सलुनीकी 5:5

किलैकि हम सभि उज्याळा की संतान छां अर दिन का उज्याळा जन जीवन जीण वळा छां। अर हम पाप का अन्धेरा मा जीवन जीण वळा लोग नि छां।

2 तीमुथियुस 1:8

इलै तीमुथियुस एक-दुसरा तैं हमरा प्रभु यीशु का बारा मा बतौण खुणि सरम मैसूस नि कैर। अर मि प्रभु का काम का बानो जेलखाना मा छौं, इलै मि बटि मिलणु खुणि भि सरम मैसूस नि कैर, पर शुभ समाचार का परचार करणु खुणि परमेस्वर की दिईं ताकत से दुख-तकलीफ झिलणु खुणि मेरा दगड़ा मा तयार रौ।

2 तीमुथियुस 2:9

अर ये शुभ समाचार तैं सुनौण का खातिर ही मि दुख-तकलीफ उठाणु छौं। अर इख तक कि यों न मितैं एक कैदी का जन बेड़ियों से बान्धि के जेलखाना मा रख्युं च, पर तभि भि परमेस्वर का वचन तैं फैलण से कुई नि रोकी सकदु।

फिलेमोन 1:13

अर मि इख शुभ समाचार का खातिर संगुळों मा बन्धयूं छौं, इलै मि वेतैं अपणा पास ही रखण चान्दु छौ, ताकि उ तेरा बदला मा मेरी मदद कनु रौ।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

1 पतरस 4:13

बल्किन मा खुश ह्‍वा, किलैकि जु सतौ तुम पर होणु च वेका द्‍वारा तुम यीशु मसीह का दुख मा हिस्सेदार होणा छाँ। अर जब यीशु मसीह अपणा पूरा आदर-सम्मान का दगड़ा मा आलु, त तुमतै बड़ु आनन्द मिललु।

1 पतरस 5:1

मि एक अध्यक्ष छौं अर जौं दुख-तकलीफो तैं यीशु मसीह न सै, ऊं सब बातों को मि भि एक गवा छौं, अर प्रभु का औण वळा वे आदर-सम्मान मा मि भि साझेदार छौं। इलै मि तुमरा बीच मा जु अध्यक्ष लोग छिन, ऊं से बिन्ती करदु कि,

2 पतरस 1:13

अर जबरि तक मि ज्यून्दु छौं, तबरि तक मेरु यू फरज बणदु कि तुमतै याद दिलै-दिलै के मजबूत कनु रौंऽऽ अर या ही बात मितैं खूब लगदी।

1 यूहन्ना 3:14

हम जणदा छां कि हमुन मौत तैं पार कैरिके जीवन पयेलि, अर या बात हम इलै जणद्‍यां किलैकि हम लोग एक-दुसरा से प्यार करद्‍यां। अर जु मनखि एक-दुसरा बटि प्यार नि करदु, त उ ईं बात तैं जाणि ल्यो कि उ मुरयूं च।