फिलिप्पी 1:26 - Garhwali

²⁶ अर जब मि तुमरा बीच मा फिर से रौलु, त तुम लोग मेरा बानो यीशु मसीह पर और भि जादा बड़ु मोन करिल्या।

गढवली नयो नियम

²⁶ कि जब मि फिर से तुम्हरा दगड़ा होलु त तुम मेरा बाना मसीह यीशु का बारा मा और भि जादा घमण्ड कैर साका।

फिलिप्पी 1:26 Cross References

यूहन्ना 16:22

इन्‍नि तुम भि अभि दुख मा छाँ, पर मि तुमतै फिर से मिललु, तब तुमरा मन मा खुशी को कुई ठिकाणु नि रालु। अर तुमरि ईं खुशी तैं कुई भि तुम बटि छिनी नि सकदु।

यूहन्ना 16:24

अर अभि तक तुमुन मेरु नौ से कुछ भि नि मांगि। इलै मांगा, त तुमतै दिये जालु, ताकि तुम भरपूर आनन्द कैरी सैका।

2 कुरिन्थि 1:14

अर मितैं इन भि यकीन च कि तुम लोग मेरा बारा मा थुड़ा भौत जाणि ग्यां, अर पूरि तरौं से जाणि के बड़ु मोन करिल्या। अर जब हमरु प्रभु यीशु मसीह वापस आलु, त वे दिन पर हम तुमतै देखि के बड़ु मोन कैरी सकद्‍यां।

2 कुरिन्थि 5:12

अर हम लोग इन नि बोन्‍ना छां कि तुम फिर से खुद तैं साबित कैरा, पर हम त सिरफ तुमतै अपणा बारा मा बतौणा छां ताकि तुम हमरा खातिर बड़ु मोन कैरी सैका। अर तब तुम ऊं लोगु तैं जबाब दे सकद्‍यां जु मनखियों का मनों तैं देखि के ना, बल्किन मा सकल तैं देखि के बड़ु मोन करदिन।

2 कुरिन्थि 7:4

अर मितैं तुम पर पूरु यकीन च, अर तुमतै देखि के मेरु मोन बड़ु ह्‍वे जान्दु। अर तुमरा द्‍वारा मेरा मन तैं बड़ी दिलासा मिलदी, अर हरेक किसम की परेसानी मा भि हमतै बड़ी खुशी मिलदी।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।

गलातियों 6:4

इलै हरेक मनखि तैं अपणा-अपणा काम की जाँच-पड़ताल करण चयेणी, अर अपणी तुलना दुसरो का कामों का दगड़ा मा नि करण चयेणी, तब जु कुछ भि तुमुन कैरी होलु वे काम पर तुमतै गर्व होलु।

फिलिप्पी 3:1

इलै हे मेरा भै-बैंणो, प्रभु मा आनन्दित रा। मितैं ऊं बातों तैं दुबरा लिखण मा कुई परेसानी नि होन्दी, किलैकि यों सब बातों से तुमरि ही हिफाजत होन्दी।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

फिलिप्पी 4:10

हे मेरा भै-बैंणो मि प्रभु मा भौत खुश छौं, कि इथगा दिनों का बाद अब तुमतै मेरु ध्यान ऐ। मितैं पता च कि तुमतै मेरु ध्यान ऐ त होलु, मगर तुमतै बगत नि मिली।

फिलिप्पी 4:4

हे मेरा दगड़्यों, प्रभु मा हमेसा आनन्दित रा, अर मि फिर से बोन्‍नु छौं कि आनन्दित रा।