फिलिप्पी 1:25 - Garhwali

²⁵ अर मितैं ईं बात पर पूरु यकीन च अर मि जणदु छौं, कि मि ज्यून्द रौलु अर तुमरा दगड़ा मा रै के तुमरि मदद करलु, ताकि तुम बिस्वास मा और भि जादा मजबूत ह्‍वे जा अर खुशी मणै सैका।

गढवली नयो नियम

²⁵ इलै मि तैं ईं बात कु पूरो भरोसो च। अर मि जंणदु भि छौं कि मि ज्यूँदो रौलु, बल्कि तुम सभियूं दगड़ी रौलु, मि तुम तैं विश्वास मा मजबूत हूंणु कु अर वेमा खुश रौंणु कु मदद करुलु।

फिलिप्पी 1:25 Cross References

लूका 22:32

पर मिन त्वे खुणि बिन्ती कैरियाली कि तेरु बिस्वास खतम नि हो, अर जब त्वेतै चेत आली, तब तू अपणा भैयों का बिस्वास तैं मजबूत करली।”

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

खास चेलों 20:25

पर सुणा, मि जणदु छौं कि तुम लोग जौं का बीच मा मिन परमेस्वर का राज को परचार कैरी, अब से तुमुन मितैं फिर नि दिखण।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

रोमियों 15:18

पर यू सब कुछ मिन अपणी ताकत से नि कैरी, किलैकि यू सब कुछ करण वळु त पिता परमेस्वर च। मेरु त बस यू ही काम च कि मि जाति-जाति का लोगु का बीच मा जौं, अर ऊंतैं पिता परमेस्वर को वचन बतै के वेका पास लेके औंऽऽ।

रोमियों 15:29

मि जणदु छौं कि जब मि तुमरा पास औलु, त यीशु मसीह की तरफा बटि हमतै भरपूर आसीस मिलली।

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

2 कुरिन्थि 1:24

अर हम लोगु को मतलब यू नि च कि हम ही तुमरा मालिक छां, अरे हम त केवल तुमरा आनन्द मा साझी छां अर हमरि पूरि कोसिस च कि तुम यीशु मसीह पर अपणु पूरु बिस्वास बणै के रखा।

फिलिप्पी 1:24

मगर तुम लोगु का खातिर मि खुणि ईं दुनियां मा ज्यून्द रौण जादा जरुरी च।

फिलिप्पी 2:24

अर मितैं प्रभु पर पूरु बिस्वास च, कि मि भौत जल्द तुमरा पास आलु।

फिलेमोन 1:22

अर यों सब बातों का दगड़ा-दगड़ि मि त्वेसे कुछ और बात भि बोन्‍न चान्दु, कि तू मि खुणि एक घौर को इंतजाम कैर, किलैकि मितैं ईं बात कि आस च कि ज्वा प्रार्थना तुम लोग मि खुणि करद्‍यां, वींतैं पिता परमेस्वर जरुर सुणलु अर जल्दी ही मि तुमरा इख ऐ जौलु।

1 पतरस 1:8

अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।