फिलिप्पी 1:18 - Garhwali

¹⁸ अर अगर जु वु इन सोचदिन, त क्या ह्‍वे गै त? अब चै ऊंको मकसद गळत तरीके से हो या सच्‍चै से, अब चै जन भि हो बस मसीह को परचार होणु च, अर मि ईं बात से बड़ु खुश छौं अर आनन्द मनौणु छौं।

गढवली नयो नियम

¹⁸ त क्य हवे? भस यु, कि उ हर ढंग का गलत इरादा ल, चै उ सचै ल, मसीह का बार मा शुभ संदेश कु प्रचार करदींनि, अर मि ईं बात से खुश छौं अर मि तैं खुश हूंण भि चयणु च।

फिलिप्पी 1:18 Cross References

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

मरकुस 12:40

अर यू विधवाओं का घौर पर कब्जा कैरी देन्दिन, अर लोगु तैं दिखाणु खुणि भौत देर तक प्रार्थना कना रौनदिन, पर ऊंतैं भौत कड़क सजा मिलण।”

लूका 9:45

मगर चेला वेकी ईं बात तैं नि समझिनी, किलैकि ऊं बटि ईं बात को मतलब छिपयै गै। इलै ऊ यीशु की ईं बात तैं नि समझिनी, अर ऊ वे बटि ईं बात को मतलब पूछण से भि डऽरदा छा।

लूका 9:50

पर यीशु न वेकू बोलि, “वेतैं नि रोका, किलैकि जु तुमरा खिलाप मा नि च, उ तुमरा पक्ष मा च।”

रोमियों 3:9

अर ज्वा बात मिन तुमतै बतै त क्या हम इन बोलि सकद्‍यां, कि हम यहूदी लोग दुसरा लोगु से भौत अच्छा छां? नऽ रे ना, इन बात नि च, किलैकि हमुन पैलि ही या बात बतैयालि की हरेक मनखि पाप का वश मा च, अब चै वु यहूदी जाति को हो या कुई और।

रोमियों 6:15

हे मेरा भै-बैंणो, त ईं बात को क्या मतलब च, कि हम नियम-कानून का मुताबिक नि चलद्‍यां, इलै हम पाप कना रा? तुम मितैं बता क्या या सही बात च? नऽ रे ना इन नि होण चयेणु। हम लोग त पाप का ना, बल्किन मा पिता परमेस्वर की किरपा का अधीन मा छां।

1 कुरिन्थि 10:19

हे मेरा दगड़्यों, मेरु बोन्‍न को मतलब यू नि च कि मूरत ज्यून्द छिन, अर जु बलिदान ऊंका अगनै चड़ये जान्दु उ पवित्र च अर वेसे भौत फर्क पोड़दु।

1 कुरिन्थि 14:15

इलै हे मेरा भै-बैंणो, इन्दरि हालत मा क्या कन चयेणु? मि बस इन चान्दु कि जब मि पवित्र आत्मा का द्‍वारा प्रार्थना कैरुं, त लोग भि वीं बात तैं समझि सैका। अर जब मि पवित्र आत्मा का द्‍वारा आत्मिक भजन गौं, त मेरा दगड़ा का लोग ऊं भजनों को मतलब समझि सैका।

1 कुरिन्थि 15:11

अब चै मि छौं या वु सब खास चेला, हम सभ्या का सभि एक ही शुभ समाचार को परचार करद्‍यां, अर वीं ही बात पर तुमुन बिस्वास भि कैरी।

फिलिप्पी 1:19

किलैकि मि जणदु छौं कि तुम लोगु की प्रार्थनाओं का द्‍वारा अर यीशु की पवित्र आत्मा की मदद से मितैं छुटकारु मिललु।