फिलिप्पी 1:10 - Garhwali

¹⁰ ताकि तुम भलै अर बुरै की बातों मा बटि भलै की बातों तैं जादा से जादा स्वीकार कैरी सैका, अर यीशु मसीह का वापस औण का दिन तक एक खरु अर निरदोष मनखि बणि के रै सैका।

गढवली नयो नियम

¹⁰ इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

फिलिप्पी 1:10 Cross References

मत्ती 16:23

पर यीशु न पतरस जनै मुड़ि के बोलि, “हे शैतान, मेरा समणि बटि दूर ह्‍वे जा। पतरस मि खुणि उतेडु़ किलै बणणी छैई, तू परमेस्वर की बातों पर मन नि लगौन्दिन, बल्किन मा तेरु मन मनखियों की बातों पर लग्यूं रौन्दु।”

मत्ती 26:33

यू सुणी के पतरस न वेकू बोलि, “गुरुजी, सब तुमतै छोड़ि के जै सकदिन, मगर मिन तुमतै छोड़ि के नि जाण।”

यूहन्ना 1:47

यीशु न नतनएल तैं अपणी तरफा औन्द देखि के वेका बारा मा बोलि, “देखा, यू सच्‍चु इस्राएली च जैमा कुई कपट नि च।”

यूहन्ना 3:20

किलैकि जु कुई बुरा काम करदु, उ उज्याळा बटि खार खान्दु अर उज्याळा का नजदीक नि औन्दु, अर इन वु इलै करदु ताकि वेका बुरा काम लोगु का समणि परगट नि ह्‍वे जा।

खास चेलों 24:16

इलै मेरी पूरि कोसिस रौन्दी कि मि परमेस्वर, अर मनखियों खुणि अच्छा सोच-विचार रखूं।

रोमियों 12:2

अर सुणा, तुमतै ईं दुनियां का मुताबिक अपणु जीवन नि जीण चयेणु, पर पिता परमेस्वर का द्‍वारा तुम अपणा मन तैं नयू बणै के अपणा चाल-चलन तैं बदला। तब जैके तुम पिता परमेस्वर की मनसा तैं जाणि सकिल्या, कि कु जि बात वेतैं अच्छी लगदिन, अर कु जि बात छिन जु कि स्वीकार करण लैख छिन जौं मा कुछ भि गळत नि हो।

रोमियों 12:9

हे मेरा दगड़्यों, तुम लोगु का प्यार मा कुई कपट नि हो, अर बुरै से तुम नफरत कैरा, अर भलै का काम करण मा लग्यां रा।

रोमियों 16:17

हे मेरा प्यारा भै-बैंणो, मि तुम से बिन्ती करदु कि ऊं लोगु की खोज कैरा, जु कि लोगु तैं एक-दुसरा का खिलाप मा भड़कै देन्दिन, यू लोग इन्द्रया छिन जु कि बिस्वासी लोगु तैं ऊंका बिस्वास मा बटि भटके देन्दिन। अर यू लोग वीं सच्‍चि शिक्षा का खिलाप मा छिन, ज्वा तुम मा च। इलै तुम इन्द्रया लोगु से दूर रा।

रोमियों 2:18

मगर तुम वेकी मनसा का बारा मा जाणा, अर वेकी भली बातों तैं माणा, किलैकि तुमतै नियम-कानूनों की शिक्षा मिली च।

रोमियों 7:16

इलै मि ईं बात तैं माणी देन्दु, कि पिता परमेस्वर का नियम-कानून भला छिन, किलैकि जौं गळत कामों तैं मि नि करण चान्दु ऊ ही मिसे अकसर ह्‍वे जनदिन।

रोमियों 7:22

किलैकि मि पिता परमेस्वर का नियम-कानून की वजै से अपणा जमीर मा भौत खुश होन्दु।

रोमियों 8:7

किलैकि शरीर पर मन लगौण को मतलब परमेस्वर का दगड़ा मा दुसमनी रखण च, अर मनखि को सरील ना त परमेस्वर का नियम-कानून का अधीन च अर नऽ त कभि ह्‍वे सकदु।

1 कुरिन्थि 1:8

अर पिता परमेस्वर तुमतै आखिरी का दिन तक बिस्वास मा और भि जादा मजबूत करलु, ताकि हमरा प्रभु यीशु मसीह का दिन पर जब उ न्याय करलु, त तुम निरदोष ठैरा।

1 कुरिन्थि 10:32

हे मेरा दगड़्यों, तुम इन्द्रयो कुई भि काम नि कैरा ज्या से की लोग अपणा-अपणा बिस्वास से भटकी जा, अब चै वु यहूदी जाति का छिन या फिर ना, अर ना ही तुम बिस्वासी समुदाय का लोगु खुणि इन्दरि वजा बणा।

1 कुरिन्थि 8:13

इलै अगर मेरु खाणुक खाण मेरा बिस्वासी भै-बैंण खुणि उतेडु़ बणण की वजा बणणु च, त इन्दरि दसा मा मि कभि भि मांस नि खौलु। अर बिस्वासी भै-बैंणो खुणि मि कभि भि उतेडु़ नि बणलु।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

2 कुरिन्थि 6:3

हे मेरा भै-बैंणो, मि अर मेरा दगड़्या इन्द्रयो कुई भि काम नि करद्‍यां, ज्यां से कि परमेस्वर को रैबार ही बदनाम ह्‍वे जौ।

2 कुरिन्थि 8:8

हे मेरा दगड़्यों, इन बोलि के मि तुमतै कुई आदेस नि देणु छौं, बल्किन मा मि तुमरो ध्यान ईं बात पर लगौण चाणु कि तुमरो प्यार कथगा सच्‍चु च अर तुमतै दुसरो की कथगा चिन्ता च।

गलातियों 5:11

हे मेरा भै-बैंणो, अगर मि यहूदी रीति का मुताबिक खतना का रिवाज तैं पूरु करण का बारा मा परचार कनु रौन्दु, त मि पर जुलम नि किये जान्दु। मगर मि त यीशु तैं क्रूस पर चड़ये जाण को परचार करदु, इलै मितैं सतयै जाणु च।

इफिसुस 4:15

मगर मि तुमतै बतै देन्दु, कि प्यार की ताकत से हम सभ्या का सभि हरेक सच्‍चि बात मा यीशु मसीह की तरफा बढदी जा, जु कि बिस्वासी समुदाय को मुखिया च।

इफिसुस 5:10

अर हर बगत इन भि जनण की कोसिस कैरा कि प्रभु तैं क्या अच्छु लगदु।

इफिसुस 5:27

अर ऊंतैं पूरि सान-सौकत से अपणा समणि खड़ु कैरो, जैमा कुई दाग नि हो, अर ना कुई झुरी अर ना ही कुई बुरै हो, अर उ पवित्र अर बेदाग हो।

इफिसुस 6:24

अर जु लोग हमरा प्रभु यीशु मसीह से कभि नि खतम होण वळु प्यार करदिन, ऊं सभ्यों पर परमेस्वर की किरपा होणी रौ। आमीन।

फिलिप्पी 1:16

अर जु लोग प्यार से परचार को काम कना छिन वु इन इलै कना छिन, किलैकि वु जणदा छिन कि मि शुभ समाचार को बचौ करण की वजै से इख कैद मा रखै ग्यों।

फिलिप्पी 1:6

अर मितैं ईं बात पर पूरु यकीन च कि जै परमेस्वर न तुमरा भितर अच्छा काम की शुरुवात कैरी, उई तब तक तुमरा भितर काम कनु रालु जब तक यीशु मसीह को वापस औण को दिन ऐ नि जौ।

फिलिप्पी 2:16

अर जीवन का वचन तैं अपणा जीवनों मा मजबूती से बणै के रखा, ताकि यीशु मसीह का वापस औण का दिन पर ईं बात पर मि बड़ु मोन कैरी सैकु। अर वे दिन मि समझि जौलु कि मेरी भाग-दौड़ अर मेरा द्‍वारा करीं मेनत बेकार नि गै।

1 थिस्सलुनीकी 3:13

अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

1 थिस्सलुनीकी 5:21

मगर यों भविष्यबाणियों तैं परखा, कि परमेस्वर की तरफा बटि छैं छिन या नि छिन, अर अगर जु परमेस्वर की तरफा बटि छिन त ऊंतैं स्वीकार कैरा।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

दिब्य दरस 2:2

“हे इफिसुस नगर का बिस्वासी लोगु, मि तुमरा काम अर तुमरि कड़ी मेनत का बारा मा जणदु छौं, अर दुख का बगत मा तुमरा सबर रखण की ताकत का बारा मा भि मि जणदु छौं, अर मि इन भि जणदु कि तुम बुरा लोगु तैं बरदास नि कैरी सकदी, जु खुद तैं मेरा खास चेला बतौन्दिन, पर असल मा ऊ छैई नि छिन। अर तुमुन ऊं लोगु की जाँच-पड़ताल कैरी अर ऊंतैं झूठ्‍ठु पै।