फिलिप्पियों 4:9 - गददी

⁹ जैड़ी गल्ला तुसै मिन्जो थऊँ सिखुरी हिन अतै मनुरी हिन अतै हुणुरी हिन अतै मिन्जो मन्ज हेरूरी हिन तियां जो ही मन्‍नु करा ता शान्ती रा प्रमात्मां तूसु सोगी रैहणा।

फिलिप्पियों 4:9 Cross References

मत्ती 1:23

“अक्क कुँवारी गर्भवती भुणीआ अतै अक्क पुत्र पैदा करना, तसेरा नां इम्मानुएल रखणा,” जठेरा मतलब हा “प्रमात्मां असु सोगी हा।”

मत्ती 28:20

अतै तियां जो सब गल्ला जैड़ी मैंई तुसिओ हूक्म दितुरै मनणा सिखा अतै हेरा, अऊँ संसार रै अन्त तक तून्दै सोगी हा।”

मत्ती 7:21

“जैडा मिन्जो सोगी, ‘हे प्रभु! हे प्रभु!’ बलदा रैहन्दा, तियां मन्ज सबी स्वर्गा जो ना गाणा, पर सो ही जैडा मेरै स्वर्गीय पिता री इच्छा पुर चलदा हा।

लूका 6:46

“जे तुहै मेरा कणैऊरा ही ना मन्दै ता मिन्जो ‘हे प्रभु, हे प्रभु,’ कओ बलदै?

लूका 8:21

ऐह हुणी करी यीशुऐ तियां जो वल्‍लु, “मेरी माता अतै मेरै भाई ता ऐह सब मणु हिन जैडा प्रमात्मैं रा बचन हुणी करी तैतिओ मन्दै।”

यूहन्‍ना 13:17

तुहै ऐह गल्ला जाणदै हिन, अतै अगर इआं पुर चलदै हिन ता धन्य हिन।”

यूहन्‍ना 15:14

जैडा हूक्म अऊँ तुसिओ दिन्दा, अगर तुहै तैतिओ मनन ता तुहै मेरै मित्र हिन।

यूहन्‍ना 2:5

फिरी तसेरी माँ नौकरा सोगी बलणा लगी, “जैडा ऐ बलदा तियां ही कम्मा।”

चेलै रै कम 9:6

पर अबै उूठी करी नगर मन्ज गा, अतै जैडा तिजो करना सो तिजो दस्सी दिणा।”

रोमियो 15:33

अऊँ प्रार्थना करदा हा कि प्रमात्मां जैड़ा शान्ती दिन्दा तूसु सबी सोगी रेय्आ। आमीन।

रोमियो 16:20

प्रमात्मां जो शान्ती रा दाता हा, शैतान जो तून्दै पैरा थऊँ जल्दी ही मरवाई दिणा। इन्दै प्रभु यीशु री कृपा तूसु पुर भुन्दी रेय्आ।

1 कुरिन्थियों 10:31

अन्त मन्ज अऊँ ऐह बलणा चाहन्दा कि, चाहे तुहै खा, चाहे पिआ, चाहे जो कुछ करा, सब कुछ प्रमात्मैं री महिमा तांयें करा।

1 कुरिन्थियों 14:33

क्ओकि प्रमात्मां गड़बड़ी रा निय्आ, पर शान्ती रा प्रमात्मां हा। जियां पवित्र मणु री सब कलीसिया मन्ज हा।

1 कुरिन्थियों 4:16

ठेरैतांये अऊँ तूसु सोगी बिनती करदा कि मिन्जो सांईयै चाल चला।

2 कुरिन्थियों 13:11

ता हे विस्वासी भाईओ, मेरी सलाह मना खुश रेय्आ; अपणा स्वभाव साफ रखा, अक्क दूये जो उत्साहित करदै रेय्आ, अक्क मत रेय्आ, शान्ती बणाई रखा, अतै प्रेम अतै शान्ती रा दाता प्रमात्मां तून्दै सोगी भूणा।

फिलिप्पियों 3:17

मेरै विस्वासी भाईओ तुसै सब मिलीकरी मिन्जो सांईं ही चाल चला अतै तियां जो हमेशा याद रखा जैड़ै कि ऐसा रीति पुर चलदै हिन जठेरा उदाहरण तुसै असु मन्ज हेरदै हिन।

फिलिप्पियों 4:7

ता प्रमात्मैं री शान्ती जैड़ी कि मणु री समझ थऊँ बिलकुल बाहर हा, तून्दै दिला अतै विचारा जो मसीह यीशु सम्भाळी करी रखा।

1 थिस्सलुनीकियों 1:6

अतै तुहै बड़ै क्‍लेशा मन्ज पवित्र आत्मा रै द्धारा दितुरी खुशी सोगी बचना जो मनी करी इन्दी अतै प्रभु री चाली सांईं चलना लगै।

1 थिस्सलुनीकियों 2:14

ठेरैतांये हे विस्वासी भाईओ तुसै प्रमात्मैं री तियां कलीसिया रै विस्वासी सांईं चाल चलना लगै जैड़ी कि यहूदिया परदेस मन्ज मसीह यीशु मन्ज हिन, क्ओकि तुसै भी अपणै मणु थऊँ तिनां ही दुख झेलू जिन्‍ना तियैं यहूदी थऊँ झेलूरा थू।

1 थिस्सलुनीकियों 5:23

शान्ती दिणैबाळा प्रमात्मां अप्पू ही तुसिओ पूरी रीति सितै पवित्र करना; अतै तुन्दी आत्मा, प्राण अतै शरीर इन्दै प्रभु यीशु मसीह दोबारा फिरी करी ईणै तक पूरै अतै निर्दोष सुरक्षित रैहन।

2 थिस्सलुनीकियों 3:4

अतै असु जो प्रभु मन्ज तूसु पुर भरोसा हा कि जैड़ी-जैड़ी आज्ञा अहै तूसु जो दिन्दै हिन तियां जो तुसै मन्दै हिन अतै मन्दै भी रैहणा।

2 तीमुथियुस 4:22

अऊँ प्रार्थना करदा हा कि प्रभु अतै तसेरा अनुग्रह तिजो सोगी रेय्आ।

याकूब 1:22

पर प्रमात्मैं रै बचना रा पालन करनै बाळै बणा अतै मात्र हुणनैबाळै ही ना जैड़ै कि अपणै आपा जो धोखा दिन्दै हिन।

2 पतरस 1:10

ठेरैतांये हे विस्वासी भाईओ, ऐहा गल्ला जो सावित करनै तांयै कठण मेहनत करा कि तुहै तिन्या मणु मन्ज हिन जिन्या जो प्रमात्मैं हैदुरा अतै चुणुरा हा। इन्या गल्ला जो करदै रेय्आ ताकि तुहै विस्वास थऊँ कदी दूर ना भून।

1 यूहन्‍ना 3:22

अतै अगर कुछ अहै मंगदै हिन, सो असु जो तैस थऊँ मुळदा क्ओकि अहै तसेरी आज्ञा जो मन्दै हिन अतै जैडा तैस जो पसन्द हा सो ही करदै हिन।