फिलिप्पियों 4:8 - गददी

⁸ आखिर मन्ज, हे भाईओ, जैड़ी-जैड़ी गल्ला सच हिन, जैड़ी-जैड़ी गल्ला आदर-मान जोगी हिन, जैड़ी-जैड़ी गल्ला ठीक हिन, जैड़ी-जैड़ी गल्ला पवित्र हिन, जैड़ी-जैड़ी गल्ला छैळ हिन, जैड़ी-जैड़ी गल्ला मनां जो भान्‍दी हिन, आखरी, जैड़ी-जैड़ी खरै गुणा बाळी अतै प्रशंसा योग्य हिन तियां पुर ही मन लगाऊ करा।

फिलिप्पियों 4:8 Cross References

मत्ती 22:16

ता तिन्यै अपणै चेलै हेरोदेस रै गुट रै मणु सोगी ऐह कणैणै तांयें भैजै कि, “हे गुरू, अहै जाणदै कि तुहै सचै हिन, अतै प्रमात्मैं री बत्ता जो सच्चाई सोगी दसदै हिन

मरकुस 6:20

क्ओकि हेरोदेस यूहन्‍ना जो धर्मी अतै पवित्र मणु समझी करी तैस थऊँ डरदा थू, अतै तैसिओ बचाई रखदा थू, अतै तसेरी गल्ला खुशी अतै डर सोगी हुणदा थू

लूका 16:15

ता यीशुऐ बल्लू, “तुसै मणु रै सामणै अपणै आपा जो बडै धर्मी समझदै हिन। पर प्रमात्मां तून्दै मनां जो जाणदा; कजो कि जैड़ी चिज मणु री नजरा मन्ज बडी महान हा, सो प्रमात्मैं री नजरा मन्ज नक्कमा हा।”

लूका 2:25

यरूशलेम मन्ज शिमौन नां रा अक्क मणु बड़ा धर्मी अतै भक्त थू। सो पवित्र आत्मा सितै भरूरा थू। सो इस्त्राएल रै मणु रा छुटकारा दिणैबाळै मसीहा जो भाळू करदा थू।

लूका 23:50

तैस टैमैं यहूदी धर्म मण्ड़ळी रा अक्क मणु जैसेरा नां यूसुफ थू बड़ा ही धर्मी अतै सज्‍जन मणु थू।

यूहन्‍ना 7:18

जैडा अपणी तरफा थऊँ बलदा सो अपणी ही बढ़ाई चाहन्दा; पर जैडा अपणै भैजणै बाळै री बढ़ाई चाहन्दा सो ही सचा हा, तैस मन्ज कोई भी अधर्म ना भुन्दा।

चेलै रै कम 10:22

तिन्यै बल्लू, “कुरनेलियुस सुबेदार जैडा धर्मी अतै प्रमात्मैं थऊँ डरनैवाळा अतै सब यहूदी जाति मन्ज सुनाम मणु हा, तिनी अक्क पवित्र स्वर्गदूता रा दर्शन पाऊ हा कि तिजो अपणै घरा मन्ज हैदी करी बचन हुणा।”

चेलै रै कम 22:12

ता हनन्याह नां रा अक्क भक्त मणु जैडा व्यवस्था रै अनुसार तैड़ी रैहणैवाळै सब यहूदी मन्ज सुनाम थू, मिन्जो बळै आ,

चेलै रै कम 6:3

ठेरैतांये हे भाईओ, अप्पू मन्ज सत सुनाम मणु जैड़ै पवित्र आत्मा सितै भरूरै अतै पवित्र आत्मा अनुसार अक्लमन्द भून चुणी लेय्आ, कि अहै तियां जो ऐह कम दीन।

रोमियो 13:13

अहै ऐसै मणु सांईयै जीन जैड़ै अन्धकार मन्ज ना पर उजालै मन्ज जिन्दगी वितांदै हिन, जैड़ै मणु सिधी चाल चलदै, अतै लाल-क्रिडा, पी करी, व्यभिचार करीके, लुचपन मन्ज अतै ना झगड़ै अतै डाह मन्ज रैहन्दै हिन।

रोमियो 13:3

अगर तुहै भलै कम करदै हिन ता तुसिओ अधिकारी थऊँ डरनै री जरूरत निय्आ, पर अगर तुहै बुरै कम करदै हिन ता डरनै री जरूरत हा। अगर तू हाकमा थऊँ निडर रैहणा चाहन्दा, ता खरा कम कर, ता तैस तेरी सराहणा करनी हा।

रोमियो 14:18

जैडा कोई ऐसा रीति सितै मसीह री सेवा करदा हा, सो प्रमात्मैं जो खरा लगदा अतै मणु मन्ज भी ग्रहण योग्य ठहरदा हा।

रोमियो 2:29

पर सचै यहूदी सो हिन जंयारै मना जो प्रमात्मैं बदलु हा; अतै खतना करनै थऊँ सो असिओ ग्रहण ना करदा बल्कि अपणी पवित्र आत्मा द्धारा इन्दै स्वभाव जो बदली करी असिओ ग्रहण योग्य बणांदा। अगर होर मणु इन्या सचै मणु री तरीफ ना करन, ता प्रमात्मैं इन्यारी तरीफ करनी हा।

1 कुरिन्थियों 4:5

ठेरैतांये प्रभु रै दोबारा ईणै तक कसी भी मणु रा न्याय मत करा। प्रमात्मैं ही अन्धकार री गल्ला जो ज्योती मन्ज अतै कसेरै दिला मन्ज कै हा सो सब प्रकट करना हा। प्रमात्मैं फिरी हरेक मणु री प्रशंसा करनी हा जैड़ा तठेरै लायक भोला।

2 कुरिन्थियों 13:7

अहै अपणै प्रमात्मैं सोगी ऐह प्रार्थना करदै हिन कि तुहै कोई बुराई ना करन, ठेरैतांये ना कि अहै खरै हुजन, पर ठेरैतांये कि तुहै भलाई करन, चाहे अहै निकम्मे ही ठहरन।

2 कुरिन्थियों 6:8

अहै प्रमात्मैं री सेवा करदै हिन चाहे मणु इन्दा आदर करन या निरादर, चाहे मणु असिओ खरा समझन या बदनाम करन। फिरी भी अहै ईमानदार हिन पर मणु असिओ कपटी बलदै हिन।

2 कुरिन्थियों 8:18

अहै तीतुस सोगी अक्क होर विस्वासी भाई जो भी भैजु जैसेरा नां सुसमाचार रै बारै मन्ज सब कलीसिया मन्ज फैलुरा हा;

2 कुरिन्थियों 8:21

क्ओकि जैड़ी गल्ला सिर्फ प्रभु ही रै नेड़ै ना पर मणु रै नेड़ै भी भली हिन अहै तंयारी चिन्ता करदै हिन।

गलातियों 5:22

पर पवित्र आत्मा इन्दी जिन्दगी मन्ज ऐस तरीकै रै फल पैदा करदा हा, प्रेम, खुशी, शान्ती, धीरज, कृपा, भलाई, विस्वास,

इफिसियों 4:25

ऐत तांई झूठ बलणा छड़ी करी हर कोई अपणै पड़ेही सितै सच बल्ला, क्ओकि अहै सब अक्क ही शरीर रै अलग-अलग अंग हिन।

इफिसियों 5:9

कजो कि ज्योती रा फळ सबी किस्‍मां री भलाई, धार्मिकता अतै सच्चाई हा।

इफिसियों 6:14

ठेरैतांये तैयार रेय्आ, अतै सच्चाई सितै अपणी कमर कसी करी अतै धार्मिकता री कवच पाई करी,

फिलिप्पियों 3:1

ठेरैतांये, मेरै विस्वासी भाईओ प्रभु मन्ज खुश रेय्आ। सो ही गल्ला तुसिओ बार-बार लिखणै थऊँ मिन्जो कोई कष्‍ट ना भुन्दा ताकि तुहै झूठै शिक्षका थऊँ बची सकन।

कुलुस्सियों 4:5

अविस्वासी सोगी गल्ल करनै तांयै हरेक मौके रा सही तरीकै इस्तेमाल करा।

1 थिस्सलुनीकियों 4:12

कि अविस्वासी सोगी खरा वर्ताव करा अतै तुसिओ कसी थऊँ कुछ मँगणा ना पैय्आ।

1 तीमुथियुस 2:2

राजा अतै सबी ऊचै औह्दै बाळै तांई प्रार्थना करा ताकि अहै शान्ती री जिन्दगी बताई सकन जिन्या कि अहै प्रभु री आराधना करू करदै हिन।

1 तीमुथियुस 3:11

इन्‍नी साहबै जनानी जो भी आदर योग्य भूणा चहिन्दा, सो दोष लाणै बाळी ना भून पर संयमी अतै सबी गल्ला मन्ज विस्‍वासा योग्य भून।

1 तीमुथियुस 3:4

सो अपणै परिवार री सही अगुवाई अतै बन्‍दोबस्त करनै बाळा भोआ अतै सो अपणै बाल-बच्चै जो सखांदा भोआ कि सो आदर सोगी तसेरी आज्ञा रा पालन करन।

1 तीमुथियुस 4:12

तेरा व्यवहार ऐस तरीकै रा भोआ कि कोई तेरा निरादर ना करना पा क्ओकि तू जवान हा। तिजो अपणै बचना रै द्धारा, चाल चलन रै द्धारा, प्रेम रै द्धारा, विस्वास रै द्धारा अतै पवित्रता रै द्धारा विस्वासी तांयै अक्क आदर्श बनणा हा कि सो तिजो सांईयै चाल चलन रखन।

1 तीमुथियुस 5:10

खरै कम करनै मन्ज तसारा नां भोआ, जिन्यै बच्चै रा लालण-पालन करूरा भोआ, परौणै री सेवा करूरी भोआ, पवित्र मणु रै पैर धोऊरै भून, दुखी मणु री मदद करूरी भोआ अतै हरेक भल्‍लै कमां मन्ज मन लगऊरा भोआ।

1 तीमुथियुस 5:2

अपणी उम्रा थऊँ बड़ी जनानी जो माता जाणी करी समंझा अतै अपणी उम्रा थऊँ हल्की जनानी जो पूरी पवित्रता सितै बैहण जाणी करी समझाई दे।

तीतुस 1:8

पर घरै छूरै री सेवा करनै बाळा, भलाई करनै बाळा, धीरज रखणै बाळा, न्याय करनै बाळा, पवित्र अतै अपणी इच्छा जो काबू मन्ज रखणै बाळा भोआ।

तीतुस 2:14

यीशु मसीह अपणै आप रा बलिदान असु तांई करी दिता, कि असिओ पाप री शक्ति थऊँ छुटकारा दे अतै अहै तसेरै खास मणु बणी गान, जिन्या मन्ज खरै कमा करनै री बड़ी इच्छा भोआ।

तीतुस 2:2

बजुर्ग मणु जो सखा कि सो संयमी भून आदर योग्य भून अतै बुद्धिमानी सोगी जिन्दगी बीताणै बाळा भूणा चहिन्दा। तंयारा विस्वास खरा भूणा चहिन्दा अतै प्‍यार अतै धीरज सोगी भरूरै भूणा चहिन्‍दै।

तीतुस 2:7

सबी गल्ला मन्ज अपणै आपा जो भलै कमां जो करनै बाळा आर्दश बणान। जैहणै तुहै प्रमात्मैं रै बारै मन्ज विस्वासी जो सखान्दै हिन ता आदर अतै खरै इरादै सोगी सखा।

तीतुस 3:14

ऐतना ही ना पर तुहै विस्वासी जो ऐह सखान्दै रैंह कि सो अपणा ध्यान भलै कम करनै मन्ज लाई रखन ताकि जिन्या जो कुछ जरूरत भोआ सो पुरा करी सकन अतै तंयारी जिन्दगी होरी तांयै फायदैमन्‍द भोआ।

इब्रानियों 11:2

क्ओकि ठेरै बारै मन्ज प्रमात्मैं इन्दै पूर्वजा पुर जाहिर करू कि सो तियां थऊँ खुश हा।

इब्रानियों 13:18

असु तांई प्रार्थना करदै रेय्आ क्ओकि असिओ पक्का पता हा कि इन्दा विवेक शुद्व हा अतै अहै चाहन्दै हिन कि इन्दै सबी कमा रै द्धारा अहै प्रमात्मैं रा आदर करन।

याकूब 1:27

इन्दै पिता प्रमात्मैं रै नेड़ै शुद्ध अतै साफ भक्ति ऐह हा कि अनाथ अतै विधवा जनानी रै दुखा मन्ज तंयारा खयाल रखा अतै अपणै आपा जो संसार री बुराई थऊँ निष्कलंक रखा।

याकूब 3:17

पर जैडा ज्ञान स्वर्गा थऊँ इन्दा पैहलै ता सो पवित्र भुन्दा फिरी मिलनसार, नर्म अतै सबी जो खरा लगणै बाळा, दया सोगी भरूरा, खरै कमा सितै भरूरा अतै बिना भेद-भाव अतै बिना कसी कपटा बाळा भुन्दा।

1 पतरस 1:22

जैहणै तुहै सच्चाई रा पालन करू ता तुसिओ तून्दै पापा थऊँ शुद्ध करया गो, ठेरैतांये तुसिओ अक्की दूये सोगी भाईचारै रा दिला री गहराई सोगी निष्‍कपट ज्यादा प्रेम करना चहिन्दा।

1 पतरस 2:12

गैर यहूदी मन्ज तून्दा चाल-चलन भला भोआ; ताकि जिंआं जिंआं गल्ला मन्ज सो तुसिओ कुकर्मी जाणी करी बदनाम करदै हिन, सो तून्दै भलै कम्मा जो हेरी करी तंयारी ही वजह थऊँ न्याय रै दिनै प्रमात्मैं री महिमा करन।

1 पतरस 4:8

सबी मन्ज खरी गल्ल ऐह हा कि अक्की दूये सोगी ज्यादा प्रेम रखा, क्ओकि प्रेम अनेक पापा जो ढ़की दिन्दा हा।

2 पतरस 3:1

मेरै विस्वासी भाईओ, अबै अऊँ तूसु जो दुई चिट्ठी लिखु करदा अतै दूनी चिट्ठी रै द्धारा तुसिओ याद दुआई करी तून्दै दिला मन्ज पवित्र विचारा जो उकसाणा चाहन्दा हा।

1 यूहन्‍ना 3:18

हे प्यारेओ अहै बचना अतै जीभा सितै ही ना पर कमां अतै सच्चाई सितै भी प्‍यार जो सावित करन।

1 यूहन्‍ना 3:3

अतै जैडा कोई मसीह पुर उम्मीद रखदा, सो अपणै आपा जो तियां ही पवित्र करदा जिन्‍ना कि मसीह हा।

1 यूहन्‍ना 4:1

मेरै प्यारेओ, हरेक मणु रा विस्वास मत करा जैड़ा बलदा कि सो पवित्र आत्मा रै द्धारा गल्ला करदा हा, पर आत्मा री परख करा, कि सो प्रमात्मैं री तरफा थऊँ हा कि ना। क्ओकि बड़ै भारी झूठै भविष्‍यवक्ता संसारा मन्ज पैदा भूच्ची गच्छुरै हिन।